Спорт
(Видео) Салах и Клоп се скараа: Ако прозборам, ќе биде жестоко
Мохамед Салах, играчот на Ливерпул, не сакаше да застане и да даде изјава во микс зоната по мечот со Вест Хем (2:2). Напаѓачот на Ливерпул на минување на новинарите им кажа само една реченица.
„Ако прозборам, ќе биде жестоко“, порача Салах.
Неочекувано, Салах, натпреварот со Вест Хем го почна од клупата за резерви, а шанса да се најде на теренот доби дури во 79.минута. Кога влегуваше во игра имаше што да му каже на тренерот Јирген Клоп, па целата ситуација мораше да ја смири Дарви Нуњез.
„Ќе разговараме во соблекувалната, пред момците“, изјави Клоп.
Договорот на Египќанецот истекува следното лето, а минатата година беше блиску до заминување во Саудиска Арабија. Впечатокот е дека ги минува последните денови во Ливерпул, исто како и Клоп.
LEAKED: The pitch-side microphones picked up the sound of the argument between Klopp and Salah… pic.twitter.com/6ceIFBMFIi
— Not Match of the Day (@NOT_MOTD) April 27, 2024
🗣️ Mo Salah on his argument with Jurgen Klopp. “If the speak there will be fire.”
🎥 via @j_castelobranco pic.twitter.com/0hzlr4XuUH
— Ben Jacobs (@JacobsBen) April 27, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јирген Клоп има нова работа
По успешната тренерска кариера, која ја замени со работата на раководител на фудбалски операции во Ред Бул, Јирген Клоп повторно ќе биде веднаш до теренот.
Славниот Германец нема да биде на клупата, туку ќе биде стручен аналитичар за платформата „MagentaTV“ за Светското првенство во 2026 година. Истата работа ја работеше за „ZDF“ на Светското првенство во 2006 година и на Европското првенство во 2008 година. За време на Светското првенство во 2010 година, беше ангажиран како стручен коментатор за „RTL“.
Светското првенство во САД, Канада и Мексико ќе се одржи од 11 јуни до 19 јули.
Како тренер, Клоп го воведе Мајнц од втората лига во Бундеслигата, а со Дортмунд двапати беше шампион на Германија и ја водеше до финалето на Лигата на шампионите.
Од 2015 година до крајот на сезоната 2023/24, тој беше тренер на Ливерпул. Во својот мандат, тој му донесе осум трофеи на клубот, вклучувајќи ја и првата титула во Премиер лигата од 1990 година, а во 2019 година го предводеше Ливерпул до трофејот во Лигата на шампионите.
Спорт
(Видео) Мартинез го правда Роналдо за црвениот картон, виновен му е селекторот на Република Ирска
Португалија не ја искористи првата шанса да го завери пласманот на Светското првенство. Португалците доживеаја шокантен пораз во Даблин од Република Ирска (2:0). Португалците со победа во последната рунда над Ерменија ќе се пласираат на СП, додека на Ирците, за пласман во баражот ќе им биде потребна победа над Унгарија во Будимпешта.
Поразот на Португалија во Даблин, го обележа исклучувањето на Кристијано Роналдо. Капитенот на Португалија, без топка удри противнички играч, па доби црвен картон.
After seeing this angle I dont even blame Cristiano Ronaldo
F*uk Ireland … we will be there to see your tears on Sunday. pic.twitter.com/goekbl7ygl
— fan (@NoodleHairCR7) November 14, 2025
Португалскиот селектор Роберто Мартинез, по натпреварот застана во одбрана на својот капитен Кристијано Роналдо.
„Главната причина зошто Кристијано доби црвен картон е неговата огромна страст и фрустрација кога не победува, а тоа го сакаме од сите играчи. Исто така, многу е тешко за централен напаѓач во шеснаесетникот кога чуварите постојано го влечат. И потоа, тренерот (селектор на Ирска) се обидува да изврши притисок врз судијата, играч кој е многу силен паѓа на теренот со многу драма. Мислам дека снимката изгледа полошо од она што всушност го направи“, го правдаше Мартинез својот капитен.
Селекторот на Португалија дополнително го оправда потегот на својата ѕвезда.
„Беше тешко, тој се грижи за тимот, беше влечен и турнат многу пати, а кога се обиде да се оддалечи од играчот, направи потег кој, според мене, не беше толку лош како што покажуваат камерите. Ден пред натпреварот, нивниот тренер рече дека Роналдо се обидува да влијае на судиите, а потоа нивниот силен стопер заврши на земја во толку многу драма… Сега сакаме да го добиеме следниот натпревар поради Роналдо.“
Foto/ EPA
Спорт
Милевски задоволен од сите фудбалери, незадоволен од состојбата на теренот
Македонската репрезентација одигра 0:0 на пријателскиот натпревар против Летонија, во последниот тест пред квалификациски дуел со Велс во вторник во Кардиф.
Селекторот Благоја Милевски на прес-конференцијата по натпреварот ги сподели своите впечатоци и изрази задоволство од тоа што тимот го покажа на тактички план, а недостигаше реализација за победа.
„Сè што си поставивме како цел за овој натпревар, освен победата, беше исполнето. Сакав да видам како ќе изгледа екипата во нова формација, со нови тактички задачи и во ситуации на кои досега не сме работеле. Од таа перспектива сум навистина задоволен. Жал ми е што условите за игра не беа подобри. Се надевам дека наскоро ќе се направат напори да играме на поквалитетен терен, за да бидеме поефикасни во завршницата. Во последната третина, кога противникот е поставен во густ блок, потребно е прецизно завршно додавање, а денес против Летонија тоа го немавме. И покрај тоа, создадовме неколку шанси, но не успеавме да ги реализираме. Задоволен сум, сите фудбалери, без разлика дали се стандардни или влегуваат од клупа, ја оправдаа довербата. Тоа ми дава сигурност дека можам да сметам на секој од нив“, изјави селекторот Благоја Милевски.
Извор/ Фудбалска федерација на Македонија

