Спорт
„Роналдо во Јувентус сакаше да покаже дека е посилен од Реал Мадрид“
Еден од легендарните фудбалери на Јувентус, Џорџо Кјелини, во интервју за домашен подкаст зборуваше за времето кога Кристијано Роналдо пристигнал во Торино. Летото во 2018 година, Роналдо за 117 милиони евра од Реал пристигна во Јувентус.
„Неговиот карактер во тешките моменти ме импресионираше. За време на неговата прва година во Јувентус сакаше да го стресе целиот свет и да им покаже на сите дека е поголем од целиот Реал Мадрид“, изјави Кјелини за подкастот „БСМТ“.
Сезоната беше таква што Јувентус ја имаше можеби најголемата шанса да дојде до европската титула, на крајот сето тоа заврши со елиминација од Ајакс веќе во четвртфиналето.
„Немавме среќа со повреди и тој пораз од Ајакс навистина тешко ни падна. Да го поминевме Ајакс и да стигневме до финалето, Роналдо ќе не водеше до титулата“.
Кјелини не крие дека годините полека го земале данокот на играта на Кристијано, но дека тоа не е главната причина поради која Јувентус речиси 30 години нема титула во Лигата на шампионите.
„Во следната сезона падна квалитетот во неговата игра, поради годините повеќе не можеше да го носи тимот на својот грб. Тој беше црешата на врвот на тортата, но му недостасуваше поголема торта“.
И покрај ова, Кристијано го заврши престојот во Јувентус со две Скудета, два Суперкупа на Италија и еден Куп. Тој постигна 101 гол на 134 натпревари и стана 14-ти најефикасен стрелец во историјата на клубот.
„Го ценивме неговиот напор и посветеност. Тој е мултинационален играч, но одлично се вклопи во тимот. Не е како другите и не може да биде. Не можеше да бараш од него да одите на ручек, но на теренот никогаш не разочара. Дури ни на тимските вечери. Имаше почит кон сите, беше опседнат да се грижи за своето тело и како да го сочува што подолго. И денес сака да постигнува голови, да победува и да освојува трофеи. Ми беше чест да бидам негов капитен во Јувентус и да живеам дел од мојата кариера со таков шампион“, изјави Киелини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Македонија ја оствари целта, победи во Рига
Фудбалската репрезентација на Македонија славеше во Рига против Летонија со 3:0 (1:0), во третото коло во Групата 4, во Ц-дивизијата во Лигата на нации.
Македонија во натпреварот против Летонија влезе како фаворит и таа улога играчите на Боби Милевски ја оправдаа на теренот.
Мрежата на Летонците прв ја погоди Атанасов во 35.минута, а конечниот резултат со деби голот во националниот тим го постави Ќамили во 70.минута. Фудбалерот на Сондерјиске на теренот влезе четири минути претходно.
— goals (@StefanDaskalov5) October 10, 2024
— goals (@goals9961429696) October 10, 2024
Точка на натпреварот стави Елмас во 93.минута, играчот на Лајпциг од 16 метри ја закова топката во летонскиот гол. Играчот на Лајпциг го постигна 13. гол во националниот тим.
— Live stream @FCStreamTV (@IgnaciaSma39875) October 10, 2024
Пп три кола Македонија има седум бода и е прва на табелата. За три дена македонските фудбалери ќе гостуваат кај Ерменија.
Спорт
Купмajнерс скрши ребро, го пропушта „Дербито на Италија“
Холанѓанецот Теун Купмајнерс скршил ребро, соопшти неговиот клуб, италијански Јувентус.
Италијанските медиуми објавија дека Копемајнерс може да отсуствува и до еден месец.
Поради ова, тој најверојатно ќе го пропушти дербито Интер на 27 октомври.
„Според наодите на лекарот, тој има мала скршеница на реброто на десната страна“, се вели во соопштението и се истакнува дека неговото враќање на теренот ќе зависи од неговото закрепнување.
Копмајнерс (26), кој летово пристигна од Аталанта Бергамо за 55 милиони евра, се повреди на натпреварот Јувентус-Каљари минатиот викенд (1:1).
Спорт
ПСЖ е воодушевен од најавената продажба на Париз на Ред Бул
Како што објави „Лекип“, Ред Бул се подготвува да го преземе парискиот фудбалски клуб со семејството Арно, а веста одекна во Франција бидејќи големото богатство на идните сопственици потенцијално ќе го промени фудбалот во Париз и низ целата земја.
Во Лига 1, од повеќе причини, нема градови кои имаат два клуба во лигата. Како што стојат работите оваа сезона, географски се најблиску Ница и Монако – ги делат околу 20 километри. Но, тоа може да се промени.
Париз вложи многу во тимот во текот на летниот преоден рок, а тоа полека но сигурно се исплати. Париз моментално е лидер во Лига 2. Доколку се случи најавеното преземање на клубот, семејството Арно и Ред Бул сигурно ќе имаат пари за високи амбиции.
Очекувано, реакциите на навивачите на Париз на оваа вест се позитивни, а ништо поразлично не е и кај потенцијалните градски ривали Пари Сен Жермен.
„Тоа е одлична вест. Тоа би било фантастично за Париз и за францускиот фудбал. Тоа би донело здраво ривалство во нашиот главен град на највисоко ниво“, изјави првиот човек на Пари Сен Жермен, Насер Ал Хелаифи за RMC Sport.