Спорт
Ждрепката за СП е за две недели, Македонија е во третиот шешир
Foto/ facebook.com/rfmofficial
Ракометната репрезентација на Македонија, вчера, направи голем пресврт, надомести минус од седум голови прптив фарските Острови и се пласира на Светското првенство.
Во „Борис Трајковски“, Македонија победи со 34:26 (15:11). Пешевски со осум, Кузмановски со седум и Митев со шест гола ја предводеа Македонија до победата.
Светското првенство ќе се одржи од 14.јануари до 2. февруари наредната година во Хрватска, Данска и Шведска. Натпреварите ќе се играат во Осло, Хернинг, Загреб, Пореч и Вараждин.
Извлегувањето на групите се одржи на 29. мај, а според проекциите Македонија ќе биде сместена во третиот шешир заедно со Аргентина, Јапонија, Алжир, Катар, Бразил, Куба, Полска.
Шешир 1:
Германија, Египет, Унгарија, Данска, Франција, Шведска, Словенија, Португалија
Шешир 2:
Норвешка, Холандија, Шпанија, Хрватска, Австрија, Исланд, Италија, Чешка
Шешир 3:
Македонија, Аргентина, Јапонија, Алжир, Катар, Бразил, Куба, Полска
Шешир 4:
Кувајт, Зеленортски Острови, Гвинеја, Бахреин, Тунис, Чиле, Соединетите Американски Држави, вајлд-карта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Раниери: Батистута е уникат, не можете Влаховиќ да го спроедувате со него
Творецот на чудото со Лестер и еден од најомилените тренери на денешницата Клаудио Раниери замина во пензија по завршувањето на минатата сезона откако со Каљари успеа да обезбеди опстанок во Серија А.
Раниери во интервју за италијанските медиуми го коментираше Јувентус под водство на Тијаго Мота. Пензионираниот тренер го пофали она што Мота го прави во Јувентус, а потоа го коментираше и напаѓачот на тимот Душан Влаховиќ.
Раниери во еден период од кариерата му беше тренер на легендарниот Аргентинец, Габриел Омар Батистута. Побара од коментаорите, навивачите, аналитичарите да не го споредуваат Влаховиќ со Батистута.
„Душан е одличен центарфор, ми се допаѓа. Не разбирам зошто луѓето го доведуваат во прашање неговиот квалитет кога нема да постигне гол на два или три натпревари. Сите напаѓачи имаат таков период и тоа не е ништо чудно. Сепак, малку ми пречи кога го споредуваат со Батистута“, изјави Раниери и додаде.
„Не правете такви споредби. Батистута беше уникатен напаѓач, а јас дури и не знам дали можете да го споредите Халанд со Бати, а зборуваме за играч кој постигнал голем број на голови во Манчестер сити. Батистута беше посебен, а Влаховиќ сигурно не е на тоа ниво на кое беше тој иако е одличен напаѓач“.
Спорт
Реал бара централен дефанзивец – изборот на Перез е Вилијам Салиба
Првиот човек на Реал Мадрид Флорентино Перез, ги крои плановите за летниот преоден рок во 2025 година. Познато е дека Перез е заинтересиран за играчите на Ливерпул и Баерн Минхен, Тренет Александер-Арнолд и Алфонсо Дејвис, чии договори истекуваа на крајот од сезоната, што значи дека од своите клубови можат да заминат без обесштетување.
Трент и Дејвис се атрактивни имиња, ѕвезди на своите клубови, но Перез подготвува трансфер „бомба“ во централниот дел на одбраната.
Реал ова лето остана без Начо, Давид Алаба минатата сезона се повреди на почетокот на октомври и се уште не се вратил, па Карло Анчелоти како централни дефанзивци ги има само Едер Милитао и Антонио Ридигер.
Бидејќи на располагање ги има само нив двајца, Анчелоти често како централен дефанзивец го користи Аурелијан Чуамени.
„Ле10Спорт“, тврди дека Перез има намера во летниот преоден рок да го донесе Вилијам Салиба од Арсенал.
Наводно, Флорентино Перез веќе ги направил првите чекори, односно воспоставил контакт со претставниците на 23-годишпниот француски репрезентативец.
Перез е познат како човек кој секогаш го добива она што ќе го посака, но во овој случај се прашува и Арсенал. Салиба е водечкиот дефанзивец, човек од доверба на Микел Артета.
Доколку во Арсенал се согласат да го продадат Салбиа, сумата сигурно нема да биде помала од 90 милиони евра.
Спорт
(Видео) Надал ја заврши кариерата
Шпанскиот тенисер Рафаел Надал објави дека се повлекува од тенисот.
„Поздрав до сите. Овде сум да ве информирам дека ставам крај на мојата професионална кариера. Реалноста е дека имав тешки години зад мене, особено тешки беа последните две.
Мислам дека не би можел да играм без ограничувања. Ова е секако тешка одлука, за која ми требаше малку време да ја донесам. Но, сè во животот има почеток и крај и мислам дека ова е вистинско време да се стави крај на кариерата која беше долга и многу поуспешна отколку што можев да замислам.
Многу сум возбуден што мојот последен турнир ќе биде финалето на Дејвис купот каде ќе ја претставувам мојата земја. Мислам дека го затворив кругот, бидејќи еден од првите успеси во кариерата беше играњето во финалето на Дејвис купот во Севилја во 2004 година.
Се чувствувам многу, многу среќен поради сите работи што ги доживеав. Сакам да се заблагодарам на целата тениска индустрија. На сите кои се дел од овој спорт, на сите мои колеги, особено на моите најголеми ривали. Поминав многу часови со нив и доживеав многу моменти кои ќе ги паметам до крајот на мојот живот“, изјави Шпанецот.
Легендарниот тенисер реши да стави крај на својата тениска кариера која изобилуваше со одлични резултати, што го вбројува меѓу најдобрите тенисери на сите времиња.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
Во текот на кариерата Надал освои 22. Грен слем титули, 14 од нив се на Ролан Гарос.
Освен во Париз, Надал има четири титули на Ју-ес опен, а две на Австралија опен и Вимблдон.
Шпанецот најголемите битки ги водеше со Новак Ѓоковиќ, против кого одигра најмногу гренд слем финалиња во кариерата, но често споменуваше дека Роџер Федерер му бил најголемиот ривал.
Неговите натпревари против Новак и Роџер ќе се паметат уште многу години, па јавноста со право ги нарече „големата тројка“.
Во кариерата вкупно освои 92 титули што го прави петтиот најуспешен тенисер во опен ерата.
Надал својот најдобар тенис го одигра во 2008 година, кога на 1 август стана тенисер број еден во светот.
Успешен беше и кога играше за шпанската репрезентација, бидејќи во 2008 година освои златен медал на Олимписките игри во Пекинг, на Игрите во Рио де Жанеиро осови злато во дубл. Четири пати со Шпанија го освои Дејвис купот.