Спорт
Наследниците на Марадона: Тој трофеј е украден, не може да оди на аукција
Наследниците на Диего Марадона ќе поднесат тужба за да се обидат да ја запрат аукцијата на „Златната топка“, која легендарниот аргентински фудбалер ја доби на Светското првенство во Мексико во 1986 година, изјави денеска нивниот адвокат.
Овој трофеј беше изгубен со децении, но неодамна се појави и треба да се најде на аукција во Париз во јуни, објави минатата недела аукциската куќа Агит.
Марадона, кој почина во 2020 година на 60-годишна возраст, ја освои „Златната топка“, трофејот за најдобар играч на Светското првенство, во 1986 година бидејќи ја предводеше Аргентина до победата над Западна Германија со 3-2 во финалето во Мексико Сити. .
На тој турнир постигна нерегуларен, но сепак признат гол со рака („Божја рака“), како и „Гол на векот“ кога со соло акција ги мина англиските фудбалери.
Наследниците на Марадона велат дека трофејот е украден и тврдат дека сегашниот сопственик нема право да го продаде.
Адвокатот Жил Мор изјави за АП дека ќе поднесе итно барање до претседателот на судот во Нантер (близу Париз) за повлекување на „Златната топка“ од аукцијата. Тој изјави дека ќе побара и судско одземање на трофејот и ќе поднесе пријава за кражба.
Марадона го доби тој трофеј на церемонија во кабарето Лидо на Шанзелизе во 1986 година. Трофејот подоцна исчезна и за него кружеа разни гласини.
Некои рекоа дека Марадона го изгубил во покер или дека го продал за да ги исплати долговите, соопшти аукциската куќа.
Се шпекулираше и дека Марадона го чувал во банка во Неапол, која била ограбена од локални гангстери во 1989 година, кога тој играл за Наполи.
Наследниците на Марадона веруваат дека е украден од банка.
Адвокатот Мор, кој застапува две од ќерките на Марадона, рече дека наследниците дури неодамна дознале дека трофејот бил украден. Според адвокатите, семејството на Марадона сака да се забрани продажбата бидејќи веруваат дека „Златната топка“ му припаѓа на семејството.
Аргументот на аукциската куќа е дека тој што го купил трофејот пред многу години не знаел дека е украден.
Од Агит, на објавувањето на аукцијата објави дека очекува трофејот „да донесе милиони поради неговата уникатност“, изјави за АП дека се извршени сите потребни проверки кај француските и италијанските власти.
„Резултатот е дека до денес нема докази за оспорување на добрата волја и сопственоста на нашиот продавач“, додаваат од аукциската куќа.
Продажбата е закажана за 6 јуни, а купувачите за учество на лицитацијата ќе треба да уплатат 150.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Надал ја заврши кариерата
Шпанскиот тенисер Рафаел Надал објави дека се повлекува од тенисот.
„Поздрав до сите. Овде сум да ве информирам дека ставам крај на мојата професионална кариера. Реалноста е дека имав тешки години зад мене, особено тешки беа последните две.
Мислам дека не би можел да играм без ограничувања. Ова е секако тешка одлука, за која ми требаше малку време да ја донесам. Но, сè во животот има почеток и крај и мислам дека ова е вистинско време да се стави крај на кариерата која беше долга и многу поуспешна отколку што можев да замислам.
Многу сум возбуден што мојот последен турнир ќе биде финалето на Дејвис купот каде ќе ја претставувам мојата земја. Мислам дека го затворив кругот, бидејќи еден од првите успеси во кариерата беше играњето во финалето на Дејвис купот во Севилја во 2004 година.
Се чувствувам многу, многу среќен поради сите работи што ги доживеав. Сакам да се заблагодарам на целата тениска индустрија. На сите кои се дел од овој спорт, на сите мои колеги, особено на моите најголеми ривали. Поминав многу часови со нив и доживеав многу моменти кои ќе ги паметам до крајот на мојот живот“, изјави Шпанецот.
Легендарниот тенисер реши да стави крај на својата тениска кариера која изобилуваше со одлични резултати, што го вбројува меѓу најдобрите тенисери на сите времиња.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
Во текот на кариерата Надал освои 22. Грен слем титули, 14 од нив се на Ролан Гарос.
Освен во Париз, Надал има четири титули на Ју-ес опен, а две на Австралија опен и Вимблдон.
Шпанецот најголемите битки ги водеше со Новак Ѓоковиќ, против кого одигра најмногу гренд слем финалиња во кариерата, но често споменуваше дека Роџер Федерер му бил најголемиот ривал.
Неговите натпревари против Новак и Роџер ќе се паметат уште многу години, па јавноста со право ги нарече „големата тројка“.
Во кариерата вкупно освои 92 титули што го прави петтиот најуспешен тенисер во опен ерата.
Надал својот најдобар тенис го одигра во 2008 година, кога на 1 август стана тенисер број еден во светот.
Успешен беше и кога играше за шпанската репрезентација, бидејќи во 2008 година освои златен медал на Олимписките игри во Пекинг, на Игрите во Рио де Жанеиро осови злато во дубл. Четири пати со Шпанија го освои Дејвис купот.
Спорт
Јувентус го сака Шкринијар за замена на Бремер
Поради повредата на коленото со која се здоби на мечот од Лигата на шампионите со Лајпциг, најдобриот дефанзивец на Јувентус, Бремер ја заврши сезоната. Јувентус сега ќе мора да донесе замена за Бремер, што значи дека клубот ќе биде активен во јануарскиот преоден рок.
„Газета дело Спорт“ пишува дека прв пик на „Старата дама“ е Милан Шкриниар.
Поранешниот играч на Интер речиси и да не игра кај Луис Енрике во ПСЖ. Од почетокот на сезоната одигра само 111 минути во Лига 1, додека во Лигата на шампионите не влезе во игра против Џирона и Арсенал.
Неговиот договор со ПСЖ истекува во 2028 година. Челниците на ПСЖ би го поддржале трансферот бидејќи во случај да биде реализиран ќеослободат место во буџетот за плати. Шкриниар на годишно ниво заработува 10 милиони евра.
Словакот белсна во Сампдорија што му овозоможи трансфер во Интер за 34 милиони евра во сезоната 2016/2017.
Тој помина шест сезони во клубот од Милано и за тоа време ја освои титулата во 2021 година, два Купа и еден Супер куп, пред да се пресели во ПСЖ како слободен агент.
Покрај 29-годишниот словачки репрезентативец, како потенцијални замени за Бремер се споменуваат и фудбалерите на Арсенал, Јакуб Кивиор и Болоња, Сем Беукема.
Спорт
Шчесни: Немам намера да ги оставам цигарите
Барселона од пред неколку дена и официјално има нов голман. Војчех Шчесни (34), поранешниот голман на Арсенал, Рома, Јувентус и полската репрезентација, привремено се врати од пензија во која е од летото, поради повредата на Марк-Андре тер Штеген. Шчесни со Барселона потпиша договор до крајот на сезоната.
Шчесни е токму голманот што Барселона го бараше. Тој е искусен, со преку 540 настапи во клупската кариера, во кои играше во најсилните лиги, додека за репрезентацијата настапи 84 пати.
Штом почна да го поврзуваат со Барселона, каталонските медиуми направија мини-скандал поради фактот дека Шчесни е страствен пушач, што е реткост меѓу врвните спортисти.
„Никој не треба да се занимава со тоа што пушам. Некои работи немам намера да ги менувам. Тоа не влијае на она што го правам на фудбалскиот терен, а не пушам пред на децата за да нема лошо влијание врз нив. Јас се обидувам да го сокријам тоа, не пушам пред други луѓе и ако некој мисли дека ќе го променам мојот животен стил како голман, нека размисли уште еднаш. Сакам да ми судат според она што го демонстрирам на теренот, а не според некакви приказни“, изјави тој за каталонските медиуми.