Свет
(Видео) Осум мртви, 40 повредени во сообраќајна несреќа на Флорида, уапсен пијан возач
Возач на пикап е уапсен на Флорида откако удрил во автобус полн со работници, при што загинале осум лица. Повредени се 40 лица. Возачот на камионот бил во алкохолизирана состојба.
Несреќата се случила околу 7 часот и 30 минути наутро по локално време, во автобусот имало 53 лица, а се стравува дека ќе има уште загинати бидејќи дел од повредените се во критична состојба.
По судир на пикап и автобус, автобусот излетал од патот, удрил во ограда и се превртел. На местото на несреќата многу брзо пристигнале повеќе од 30 возила на брза помош.
Во болница се пренесени вкупно 40 лица, од кои осум се тешко повредени и се во критична состојба. Во болница е хоспитализиран и возачот на камионот.
Истрагата за несреќата продолжува, а започната е и GoFundMe кампања за помош на семејствата на загинатите и на повредените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Москва мора да започне со производство на ракети со среден и краток дострел
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.