Спорт
Лош крај на одличната сезона на Иско
Најдобриот играч на Бетис, Иско, ја заврши сезоната. Во текот на вчерашниот натпревар против Лас Палмас, тој здоби со фрактура на дијафизата на фибулата на левата нога. Повредата на иско ја потврди клубот.
Иско заработи повреда на гостувањето кај Лас Палмас во 36. коло од Ла Лига. Во 39. минута Шпанецот мораше да го напушти теренот. Натпреварот заврши без победник 2:2 (1:1).
Повредата значи дека 32-годишниот фудбалер нема да биде во комбинација за настап на Европското првенство во Германија.
„Тешко е“, беше краток и јасен Иско во обраќањето пред новинарите веднаш по лекарскиот преглед.
❌ Isco, en muletas
El malagueño ha parecido así para realizarse las pruebas médicas tras el golpe sufrido ante Las Palmas.
📌 Tiene muy difícil jugar contra la Real Sociedad.
🎥 @samuelsonsilva pic.twitter.com/ovmNatPWzh
— Relevo (@relevo) May 17, 2024
За „зелените“ од Севилја одигра 29 натпревари (2.339 минути) во домашното првенство, при што постигна осум гола и забележа пет асистенции. Во Лига Европа настапи на сите шест натпревари во групата Ц, постигна еден гол и запиша две асистенции.
Во следното коло Бетис во недела од 19 часот го пречекува Реал Сосиедад. Ќе биде ова директна борба за шестата позиција која гарантира пласман во плеј-офот за Лига Европа. Сосиедад има бод повеќе од Бетис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Раул го напушта Реал на крајот од сезоната
Раул Гонзалес на крајот од сезоната ќе го напушти кормилото на третолигашот Реал Мадрид Кастиља. Одлуката ја донеле клупските челници кои соопштија дека на местото на Раул ќе дојде Алваро Арбелоа, предводникот на младинскиот тим на Реал.
Раул на кормилото на Реал Мадрид Кастиља се наоѓа во изминатите шест години.
Одлуката која ја донесоа клупските челници не значи и дека Раул ќе го напушти Реал, иако тој одамна имаше понуди да го напушти Мадрид.
Медиумите шпекулираат дека ќе му биде понудено да стане дел од стручниот штаб на Карло Анчелоти, со кого има одлична соработка.
Втората можност е да прифати да работи во академијата на Реал, во која веќе се Сантијаго Солари и Ману Фернандеш.
Спорт
Шок во Панатинаикос по смртта на Балдок
Фудбалскиот клуб Панатинаикос се огласи по ненадејната смрт на Џорџ Балдок, кој синоќа беше пронајден мртов во базенот во неговиот дом во Атина.
„Шокирани сме, шокирани сме од загубата на нашиот Џорџ. Семејството на Панатинаикос го оплакува поради оваа неочекувана загуба. Ние сме со семејството и роднините на Џорџ Балдок“, стои во пораката на Панатинаикос.
Полицијата на лице место не констатирала повреди на телото на фудбалерот, чие тело било пронајдено неколку часа по смртта.
Летово тој му се приклучи на Панатинаикос со кој потпиша тригодишен договор.
Полицијата засега нема излезе со информации околу смертта на фудбалерот. Ги прегледува снимките од надзорните камери за да се утврди дали Болдок бил сам кога настапила смртта. На телото немало повреди, па се претпоставува дека се удавил, но повеќе детали ќе бидат познати по обдукцијата и токсиколошките наоди.
Спорт
Џордан Лојд го напушти Макаби
Поразот од Монако во кој постигна 16 поени беше последниот меч што американскиот кошаркар Џордан Лојд го одигра во дресот на Макаби Тел Авив.
Поранешниот играч на Торонто Репторс, Црвена звезда, Зенит и Монако го раскина договорот со израелскиот тим веднаш по натпреварот во Франција. Лојд и неговото семејство не се чувствувале безбедно во Израел.
„Макаби Тел Авив и Џордан Лојд се договорија кошаркарот да го напушти тимот. Макаби му посакува среќа на Џордан во иднина. Во меѓувреме се враќаме во Израел. Странските кошаркари кои се враќаат за натпреварот против Нес Зион во недела се Леви Рендолф, Џејлен Хорд, Рокас Јокубаитис и Алфа Каба“, изјавија од Макаби.
За потсетување, Лојд летово го напушти Монако каде беше лидер на тимот и потпиша двегодишен договор со израелскиот тим.
Имајќи предвид дека поранешниот кошаркар на Макаби имаше многу забележителни партии на стартот од Евролигата во кои постигна 15 поени против Асвелу и еден повеќе против Монако, нема сомнеж дека бргу ќе најде нов клуб. Интересно најголем фаворит за неговиот потпис е Монако, кој неколку недели ќе биде без Фуркан Коркмаз.