Спорт
Меси ја предводи Аргентина, Дибала го нема на списокот

Селекторот на фудбалската репрезентација на Аргентина, Лионел Скалони го објави списокот на играчи за пријателските натпревари против Еквадор и Гватемала, во пресрет на Копа Америка.
На списокот на светските шампиони има 29 играчи, меѓу кои е и Лионел Меси, но го нема Пауло Дибала кој беше дел од тимот што го освои Светското првенство во 2022 година.
Аргентина ќе игра со Еквадор на 9 јуни во Чикаго, додека пет дена подоцна ќе се соочи со Гватемала во Ландовер, Мериленд.
Фудбалерите на Аргентина ќе го започнат натпреварувањето на Копа Америка на 20 јуни против Канада. Во групата А се и Чиле и Перу.
Голмани: Емилијано Мартинез (Астон Вила), Франко Армани (Ривер Плата), Херонимо Рули (Ајакс);
Одбрана: Гонзало Монтиел (Нотингем Форест), Нахуел Молина (Атлетико Мадрид), Леонардо Балерди (Марсеј), Кристијан Ромеро (Тотенхем), Херман Пецела (Бетис), Лукас Мартинез Кварта (Фиорентина), Николас Отаменди (Бенфика), Лисандро Мартинез (Манчестер Јунајтед), Маркос Акуња (Севилја), Николас Таљафико (Лион), Валентин Барко (Брајтон);
Среден ред: Гвидо Родригез (Бетис), Леандро Паредес (Рома), Алексис Мекалистер (Ливерпул), Родриго де Пол (Атлетико Мадрид), Езекиел Паласиос (Баер Леверкузен), Енцо Фернандес (Челзи), Џовани Ло Селсо (Тотенхем), Анхел ди Марија (Бенфика), Валентин Карбони (Монца);
Напад: Лионел Меси (Интер Мајами), Анхел Кореа (Атлетико Мадрид), Алехандро Гарначо (Манчестер Јунајтед), Николас Гонзалес (Фиорентина), Лаутаро Мартинез (Интер), Хулијан Алварез (Манчестер Сити).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Карагер: Поради Вирц, Ливерпул не игра фудбал туку кошарка

Џејми Карагер, поранешен капитен на Ливерпул, жестокот го нападна својот поранешен тим по поразот од Галатасарај во Лигата на шампионите. „Црвените“ загубија во Истанбул со голот на Виктор Осимен од пенал. Ова е втор пораз за Ливерпул во само неколку дена, откако во саботата беа поразени од Кристал Палас (2:1) во Премиер лигата.
Џејми Карагер, за Си-би-ес рече дека овој Ливерпул не може да се спроедува со Ливерпул од минатата сезона.
„Она што го гледам не е врвен тим. Ливерпул не игра фудбал во моментов. Ливерпул игра кошарка. Тие само трчаат од едниот до другиот крај на теренот, врвните тимови не играат така“.
Клубот пред почетокот на новата сезона вложи речиси 500 милиони евра во нови играчи, но барем засега тоа не се чувствува на теренот.
„Минатата сезона сè помина лесно, сега навистина Арне Слот мора да си ја заработи платата. Беше неверојатен минатата година, ја освои Премиер лигата, но има некои проблеми што мора да ги реши и ќе видиме како ќе го направи тоа. Бидејќи потрошија многу пари. Против Њукасл, имате играч повеќе, а Њукасл те растура во второто полувреме. Тоа не смее да се случува. Кристал Палас создаде седум големи шанси во саботата. Ниеден голем клуб од Премиер лигата не им дозволил толку многу оваа сезона на противниците. А Ливерпул е шампион. Можеше да се претпостави дека ќе биде вака, ова не е шок. И тренерот мора да го поправи ова.“
Карагер нема дилема дека Слот треба да смени нешто во стратната постава и знае кој треба да биде испратен на клупата.
„Во моментов нема рамнотежа во тимот и сосема е јасно дека отскокнува Флоријан Вирц. Тој воопшто не е во трката. Тој е млад човек кој штотуку пристигна во нова лига, има доволно време да успее како играч на Ливерпул, но мислам дека сега мора да испадне од почетните 11. Ливерпул мора да се врати на она што беше минатата сезона, од одбранбена цврстина да гради самодоверба. Бидејќи ова сега е целосен хаос. Нема врска овој пораз. Вакво нешто се „црташе“ од првиот ден“, заклучува Карагер.
Навивачите предлагаа Ливерпул да потроши уште повеќе, да купи стопер, Карагер сепак смета дека тоа не е најголемиот проблем.
„Нов стопер нема да го реши ова. Стоперот ќе го заземе само местото на Конате. Проблемот е да се изгради тим со двајца офанзивни крилни бекови и десетка на која е поважно да знае кога треба да застане на топката, отколку да се брани од неа, како што правеше Доминик Собослај минатата сезона. Ако продолжи вака, Ливерпул нема да ја одбрани шампионската титула.“
Foto/ EPA
Спорт
Синер доминантно до титулата во Пекинг

Италијанскиот тенисер Јаник Синер ја освои титулата на турнирот од серијата АТП 500 во Пекинг. Во финалето го победи Американецот Лернер Тиен во два сета со 6:2, 6:2.
Кога не игра финале против Карлос Алкараз, за Јаник Синер нема проблем. За само 74 минути, Италијанецот ја освои својата трета титула оваа година, вкупно 21-ва неговата кариера.
Италијанецот покажа дека сака да игра во Пекинг. Тој стигна до финалето трета година по ред и ја освои својата втора титула во кинеската престолнина. Лани, во финалето загуби од Алкараз.
Младиот 19-годишен Тиен, за кого ова беше прво АТП финале, немаше шанси против Италијанецот. Во првиот гем доживеа брејк и тој сет заврши за 35 минути. Вториот сет траеше четири минути подолго, а Тиен се држеше до петтиот гем. Во него, Синер направи брејк за 3:2, а потоа нанижа уште четири гема за новата титула.
Foto/ EPA
Спорт
(Видео) Гризман го постигна својот 200-ти гол за Атлетико

Атлетико Мадрид, во интервал од три дена „пукна“ уште една петарда во мрежата на противникот. Откако, во саботата со 5:2 го победија Реал во градското дерби, одиграно во седмото коло во Ла Лига, со пет гола во мрежата „Метрополитано“ стадинот го напуштија и фудбалерите на Ајнтрахт Франкфурт.
Атлетико, во второто коло во Лигата на шампионите, го победи Ајнтрахт со 5:1. Натпреварот никогаш нема да го заборави Антоан Гризман.
Францускиот ас, во финишот на првото полувреме, асистенцијата на Хулијан Алварез ја претвори во гол за 3:0. Овој гол беше негов 200-ти во кариерата во дресот на Атлетико.
Веднаш по голот следеше посебна прослава. Гризман го крена својот дрес со бројот 200, а целиот стадион стана на нозе за да му оддаде почит на својот херој. Тоа беше сцена што ја потврди нераскинливата врска помеѓу францускиот ас и навивачите, момент за вечноста што симболизира години лојалност, жртва и доследност.
Atletico Madrid [3] – 0 Frankfurt – Antoine Griezmann 45+1'
byu/OptimusCloyster insoccer
Антоан Гризман во Атлетико пристигна пред почетокот на сезоната 2014/2015 година од Реал Сосиедад за сума од 30 милиони евра. Од клубот замина во 2019 година кога се пресели во Барселона, но по само две сезони реши да се врати во Мадрид. Минатото лето го продолжи договорот за уште една сезона.
Foto/ EPA