Свет
(Видео) Ирскиот министер: Палестинскиот и израелскиот народ имаат еднакво право на безбедност
![](https://makfax.com.mk/wp-content/uploads/2024/05/majkl-martin.jpg)
„Денеска, ја изразуваме нашата недвосмислена поддршка за еднакво право на безбедност, достоинство и самоопределување на палестинскиот и израелскиот народ“, објави ирскиот министер за надворешни работи, Мајкл Мартин, на „Икс“.
Today, the Government announces it will formally recognise the State of Palestine on May 28th.
Today, we state clearly our unambiguous support for the equal right to security, dignity, and self-determination for the Palestinian and Israeli peoples. pic.twitter.com/uGoymhg5VD
— Micheál Martin (@MichealMartinTD) May 22, 2024
Израел: Ризикувате да станете пиони во рацете на Иран и Хамас
Израелското Министерство за надворешни работи денеска објави видеопорака до Даблин на социјалната мрежа Х пред објавувањето на признавањето на палестинската држава за да предупреди на фактот дека „признавањето на палестинската држава ризикува да ги трансформира во пион во рацете на Иран и палестинското исламистичко движење Хамас“.
Оваа мерка „само ќе ги поттикне екстремизмот и нестабилноста“, според израелската дипломатија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Бомбашки напад во Црна Гора, убиени двајца припадници на озлогласен мафијашки клан
![](https://makfax.com.mk/wp-content/uploads/2024/06/10934717.jpg)
Две лица загинаа, а три се повредени утринава на Цетиње во Црна Гора, откако била активирана експлозивна направа во близина на локалниот спортски центар, соопшти црногорската полиција.
Експлозијата се случила во 9:10 часот, а од силната експлозија испукале стаклата на зградата на Спортскиот центар. Според неофицијалните информации, убиени се припадници на озлогласениот криминален шкаљарски клан Петар Калуѓеровиќ и Драган Рогановиќ. Еден од нив починал на лице место. Според извор од полицијата, вториот подоцна им подлегнал на повредите.
Според црногорскиот медиуми, еден од убиените неодамна излегол од затвор.
Како што пишуваат медиумите, двајца повредени се припадници на организираната криминална група шкаљарски клан.
Третото повредено лице е постара жителка на Цетиње, која во моментот на експлозијата минувала по таа улица. Таа била транспортирана во Клиничкиот центар во Подгорица.
Свет
САД планираат да ја пренасочат испораката на системот „Патриот“ во Украина
![](https://makfax.com.mk/wp-content/uploads/2024/06/фгдс.jpg)
Администрацијата на американскиот претседател Џозеф Бајден планира да ги суспендира сите тековни нарачки за системи за противвоздушна одбрана и ракети пресретнувачи „Патриот“ и да ја пренасочи нивната испорака во Украина додека не се задоволат одбранбените потреби на земјата, пишува денеска „Фајненшл тајмс“.
Овој потег би можел да биде објавен подоцна во текот на денот, се вели во извештајот на ФТ цитирајќи три добро информирани луѓе запознаени со потегот.
Како што пренесува „Ројтерс“, Украина бара американски ракетни системи „Патриот“, кои се покажаа како витални за способноста на Киев да соборува руски балистички и хиперсонични ракети.
Регион
БиХ: Поради високите температури, работата на отворено е прекината од 12 до 17 часот
![](https://makfax.com.mk/wp-content/uploads/2024/06/б-2.jpg)
Министерството за труд и социјална политика на Федерацијата Босна и Херцеговина денеска им препорача на работодавците дека поради високата температура на воздухот, да ја разгледаат можноста за прекин на работата на отворено од 12 до 17 часот.
„Доколку работата на работодавецот е организирана така што не може да се примени оваа мерка, се препорачува работниците што работат на отворено да почнат со работа од 6 часот наутро“, се вели во соопштението на Министерството, пренесува „Срна“.
Во соопштението се посочува дека работодавците треба да им обезбедат на работниците посоодветна облека, приспособена на високата температура, како и користење годишен одмор за вработените со дијагностицирани хронични заболувања.