Скопје
Без струја делови од општините Ѓорче Петров и Карпош
![](https://makfax.com.mk/wp-content/uploads/2019/04/57267624_1221860767987364_7135869256410857472_o.jpg)
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електро дистрибутивната мрежа, без електрична енергија ќе останат делови од општините Ѓорче Петров и Карпош.
Од 09:00 до 11:00 часот, струја ќе немаат корисниците од дел од улицата Крсто Раковски во општина Ѓорче Петров.
Од 09:00 до 15:00 часот, корисниците од улица бр. 103 во населба Волково во општина Ѓорче Петров ќе бидат без електрична енергија.
Од 10:00 до 13:00 часот, корисниците на улицата Кленоец бр. 69 и објектите во околината на ТИНЕКС-МАРКЕТ во општина Карпош ќе останат без струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Дел од Скопје без струја и вода
![](https://makfax.com.mk/wp-content/uploads/2023/07/DSC_4799.jpg)
Регионалниот центар за управување со кризи на Град Скопје, ги известува граѓаните дека, поради технички зафати во електро дистрибутивната мрежа, од 09:00 до 14:30 часот, без електрична енергија ќе останат, корисниците од населените места: Дивље, Сушица и Катлановска Сушица. (Општина Петровец)
Регионалниот центар за управување со кризи на Град Скопје исто така ги известува граѓаните дека
• поради отстранување дефект на водоводна мрежа со пречник од ф- 500 мм на Бул. Кочо Рацин (спроти Олимписки Базен), од 08:00 часот до завршување на интервенцијата, прекинато водоснабдување ќе имаат корисниците од: Бул. Кочо Рацин (потегот од ул.11-ти Октомври до Кеј 13-ти Ноември), ул. Тетовска, ул. Стив Наумов, дел од ул. Раде Јовчевски Корчагин, како и објектите на Амбулантата на МВР, Полициската станица – Пролет и ресторанот Ла Тана. (Општина Центар)
• поради изведување на водоводен приклучок ф – 80 мм на ул. 852 бб (кај Салонот Мерцедес), од 09:00 часот до завршување на интервенцијата, прекинато водоснабдување ќе имаат корисниците од зградите на ул. 852. (Општина Гази Баба)
Скопје
Санкционирани 153 непрописно паркирани возила во општина Центар
![](https://makfax.com.mk/wp-content/uploads/2024/06/3-7.jpg)
– ЈП Паркинзи на Општина Центар и Општина Центар во соработка со Сообраќајната полиција-Скопје санкционираа 153 непрописно паркирани возила кои го попречувале нормалното и безбедно одвивање на сообраќајот.
Во периодот од 17.06. до 23.06.2024 година, со помош на специјалните возила „Пајак“ на ЈП ПОЦ отстранети се 75 непрописно паркирани возила, а со поставување на механичко средство „Блокатор“ санкционирани се 78 возила кои биле затекнати на резидентни паркиралишта, а не биле корисници-резиденти на секторот во којшто биле паркирани.
„За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот“, велат од ЈП паркинзи.
Скопје
ЈП „Комунална хигиена“ – Скопје со засилени активности за расчистување по вчерашното невреме
![](https://makfax.com.mk/wp-content/uploads/2024/06/viber_image_2024-06-24_07-40-33-157.jpg)
ЈП „Комунална хигиена“ – Скопје утринава спроведува засилени активности за расчистување по обилните дождови, што во текот на вчерашната ноќ го зафатија градот Скопје.
Во координација со Град Скопје, екипите на претпријатието реализираат активности за расчистување на јавните и на сообраќајните површини со цел да се овозможи проодност на движењето на пешаците и безбедно одвивање на сообраќајот.
ЈП „Комунална хигиена“ – Скопје работи со максимален капацитет и ангажираност на сите расположливи работници на терен, како и употреба на целокупната механизација. Активностите се одвиваат во сите скопски општини, комплетно се расчистени и прооднки булеварот 16. македонска бригада во општина Гази Баба, булеварот Никола Карев (т.н. пластичарска улица), подвозникот на стоковната куќа „Мост“, подвозникот Павел Шатев, како и улицата Џон Кенеди во скопската општина Чаир, а во моментот во тек е расчистување на кружниот тек Беласица. Екипите на претпријатието се ангажирани и за повторно поставување на садовите за одлагање на отпадот, кои беа изместени во текот на невремето.
„Активностите ќе продолжат во текот на целиот ден во насока на целосно санирање на последиците од невремето на терен“, велат од таму.