Такер Карлсон повторно е во Москва. Конзервативниот американски коментатор и поранешен водител на Fox News доцна синоќа на X објави дека се вратил во Русија за да го интервјуира министерот за надворешни работи на земјата, Сергеј Лавров.

„Се вративме во Москва за да го интервјуираме рускиот министер за надворешни работи Сергеј Лавров, министерот за надворешни работи со најдолг стаж во светот“, рече Карлсон, додавајќи дека интервјуто ќе го објави „наскоро“. Во февруари оваа година тој го интервјуираше рускиот претседател Владимир Путин во Кремљ.

We’re back in Moscow. Here’s why. pic.twitter.com/7FfBhcaIUu

— Tucker Carlson (@TuckerCarlson) December 3, 2024

Сега тој вели дека ќе разговара со рускиот министер за надворешни работи за да ја расветли „руската перспектива“ за тековната војна со Украина. Да потсетиме, Русија во февруари 2022 година започна инвазија на соседна Украина.

Портпаролката на руското Министерство за надворешни работи, Марија Захарова, денеска изјави дека интервјуто било „обемно“ и дека траело „час и половина“ и опфаќало теми од „модерната, понова историја на тешките односи со САД, влијанието на сето ова врз светската геополитика и идната состојба на работите“.

НАТО предупредува на нови сериозни акти на саботажа и сајбер напади на територијата на сојузот, изјави висок претставник на Северноатлантската алијанса на маргините на состанокот на министрите за надворешни работи на НАТО во Брисел.

Официјалниот претставник рече дека Русија особено се чини дека е сè поподготвена да повреди луѓе или да им се заканува на нивните животи со саботажа во земјите-членки на НАТО.

Кина, Иран и Северна Кореја се исто така активни во сајбер напади, според официјалниот претставник. Пекинг, како и Москва, спроведува тековна кампања за ширење малициозен софтвер, рече тој.

Целта е да се изврши шпионажа, но и да се има способност да се предизвика нарушување во случај на зголемување на тензијата.

Русија се фокусира на критичната инфраструктура, особено на индустриските системи, рече претставникот.

Официјалниот претставник наведе како пример голем напад – најверојатно извршен од Иран – врз Албанија, членка на НАТО, кој го парализираше нејзиниот систем за контрола на границите. Беа хакирани и датотеките на Министерството за внатрешни работи. Официјалниот претставник рече дека полициските досиеја, размената на е-пошта меѓу полицајците, списоците на тајни сведоци и досиејата на Интерпол биле објавени по нападот.

Нозете на Владимир Путин повторно се во очите на јавноста, откако на снимката од јавен настан се гледа како тие неконтролирано се грчат, што повторно ги разгоре гласините за неговото здравје, пишува Јутарњи.хр.

Се чини дека 72-годишниот руски лидер се бори да ја задржи контролата врз неговите движења додека држеше едночасовен говор во Астана, Казахстан, според Дејли Мејл.

Инцидентот го привлече вниманието поради постојаните шпекулации дека Путин можеби се бори со Паркинсонова болест или друг сериозен здравствен проблем. За време на неговиот говор, се чинеше дека неговите нозе се грчат, што ги натера набљудувачите да се запрашаат дали движењата се симптоми на невролошко нарушување.

Покрај тоа, многумина забележаа дека Путин носи чевли со повисока потпетица.

Ова не е првпат да се изразува загриженост за здравјето на Путин.

Иако Кремљ повторно ги демантираше гласините за какви било здравствени проблеми, ваквите моменти продолжуваат да поттикнуваат дебата.