Меѓународниот одбор на фудбалски асоцијации (ИФАБ) повторно ја разгледува новата имплементација на правилото за офсајд.

Според предлогот на поранешниот тренер Арсен Венгер, за позицијата да биде неправилна, би морало да има растојание помеѓу напаѓачот и дефанзивецот.

Венгеровото правило се појави како уште една идеја за подобрување на фудбалот, поточно правилото за офсајд, често контроверзна ситуација каде што растојанието помеѓу дефанзивецот и напаѓачот е толку мало што е речиси незабележливо.

За да се избегне поништување на голови поради маргини кои понекогаш се невидливи за човечкото око, Венгер, сега директор за фудбал на ФИФА и авторитетен глас благодарение на неговиот успешен тренерски мандат во Арсенал, излезе со револуционерен план кој го промени концептот на офсајд.

Во таа предложена промена, повеќе не е доволно само еден дел од телото на напаѓачот да биде пред дефанзивецот за да се нарече офсајд, туку целото тело мора да биде напред.

На тој начин, новата технологија во чипови во топките и камерите на стадионите можат точно да одредат кога телото на напаѓачот е всушност пред телото на дефанзивецот.

Според судијката Итуралдо Гонзалез, нов предлог за офсајд е повторно презентиран на ИФБА по две години неактивност.

„Ќе се дискутира на годишниот состанок, кој го сочинуваат 23-ца фудбалери и 11 судии, предводени од Венгер. Доколку помине, ќе оди на генералниот состанок закажан за февруари. Дури 95% од предлозите што ќе стигнат до тој состанок се усвоени“, објаснува Гонзалез.

Оваа нова примена на офсајд би имала за цел да постигне повеќе голови и да избегне спорни ситуации во милиметри.

🗣️ "That's why I proposed that as long as any part of your body is on the same line as the defender you're not offside. In one year the decision will be made by the IFAB."

Arsene Wenger provides an update on developments to the offside rule!#beINUCL #UCL pic.twitter.com/iTuHxCgqYW

— beIN SPORTS (@beINSPORTS_EN) May 6, 2025

Сепак, фудбалскиот свет никогаш целосно не ја поддржал оваа идеја, бидејќи таа го менува начинот на кој тимовите се бранат и пристапуваат кон натпреварите.

Доколку се усвои, правилото ќе мора да помине низ тест фаза на помали турнири и натпреварувања.

Челниците на Баерн Минхен се презадоволни од работата на Венсент Компани, па по само една сезона решија да му го продолжат договорот.

Новиот договор важи до јуни 2029 година. Претходниот договор беше важечки до 2027 година.

Компани дојде во Минхен од Барнли во јуни 2024 година и ја освои титулата во Бундеслигата во својата прва сезона. Пред почетокот на оваа сезона, тој го освои трофејот во Суперкупот на Германија.

„Чест ми е што добив поддршка. Го запознав клубот, ми се чини дека сум тука многу подолго од една година. Ова е продолжение на едно прекрасно патување. Мораме да работиме уште понапорно и да славиме уште многу успеси“, рече Компани.

Баварците имаат совршен почеток на сезоната. Во осум натпревари од Бундеслигата, тие имаат исто толку победи, а во Лигата на шампионите победија во првите два натпревари.

Foto/ FC Bayern München

Полицијата приведе 180 навивачи на Наполи поради страв од немири пред натпреварот од Лигата на шампионите помеѓу ПСВ и Наполи во вторник во 21 часот.

Органите на редот соопштија ги привеле навивачите на италијанскиот тим и ги префрлила со автобус во полициската станица на испрашување „бидејќи нивното однесување довело до нарушување на редот“.

Исто така, четворица навивачи на ПСВ беа приведени на друга локација во градот. Градските власти го прогласија вечервашниот дуел за натпревар од висок ризик.

Минатата недела, властите создадоа зона на безбедносен ризик во центарот на градот и околу стадионот на ПСВ, поради страв од судири на навивачите. Полицијата на тој начин доби дополнителни овластувања за следење и контрола на толпата и пребарување на навивачите за оружје и пиротехнички средства.

ПСВ освои бод во првите две кола од Лигата на шампионите, а Наполи има три.