Свет
Кампањата на Трамп собра 34,8 милиони долари во мали донации откако тој беше прогласен за виновен
Кампањата на поранешниот американски претседател и републикански претседателски кандидат, Доналд Трамп, објави дека собрала 34,8 милиони долари во мали суми, откако поротата на Окружниот суд на Менхетен го прогласи Трамп за виновен.
Кампањата на сега првиот и единствениот осуден претседател на Америка рече дека бројката е речиси двојно поголема од претходниот рекорд на платформата за собирање средства „WinRed“, која во четвртокот се соочи со периодични прекини поради застојот на мрежата. Тие, исто така, додадоа дека речиси 30 отсто од донаторите кои дале пари онлајн се нови на партиската платформа за донации преку Интернет.
„Не само што сумата беше историска, туку 29,7 отсто од донаторите беа целосно нови на платформата. Претседателот Трамп и нашата кампања се исклучително благодарни за овој излив на поддршка од патриотите низ нашата земја. Претседателот Трамп се бори да ја спаси нашата нација, а 5 ноември е денот кога Американците ќе донесат правилна одлука“, изјавија високите советници на кампањата на Трамп, Крис Ла Сивита и Сузи Вајлс.
„Само неколку минути откако беше објавена пресудата за лажниот судски процес, нашиот дигитален систем за собирање средства беше преплавен со поддршка, и покрај привремените доцнења на интернет поради обемот на сообраќајот, претседателот Трамп собра 34,8 милиони долари од мали донатори“, додаваат тие.
Трамп беше прогласен за виновен од поротата на Окружниот суд на Менхетен во четвртокот по 34 точки од обвинението за фалсификување деловни документи за да се прикријат исплатите на порно ѕвездата Сторми Даниелс пред изборите во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.