Спорт
(Видео) Роналдо во солзи – Португалецот во агонија откако Ал Наср го загуби Купот

Солзите на Кристијано Роналдо откако со Ал Наср доживеа пораз во финалето во Купот го обиколија светот. Португалецот 18 месеци е во Ал Наср и се уште нема трофеј со овој клуб.
Драматичното финалето во Купот на кралот на Саудиска Арабија му припадна на Ал Хилал, кој по изведувањето пенали го победи Ал Наср со 5:4. Во регуларниот дел и по продолженијата беше 1:1. Натпреварот го одбележаа голем број на прекршоци и црвени картони.
Ал Хилал поведе со голот на Александар Митровиќ во 7. минута. Предноста на тој тим стана уште поголема кога во 56. минута голманот на Ал Наср, Давид Оспина доби црвен картон поради играње со рака надвор од шеснаесетникот.
И кога се чинеше дека се ќе биде готово во регуларниот дел, во 87. минута стигна црвен картон за Ал Хилал, кој го доби Ал Булајхи. Само минута подоцна израмни Ал Наср преку Јахја. Но во 90.минута Ал Наср остана без Кулибали, а Ал Хилал остана со девет играчи на теренот.
И покрај тоа што финалето го заврши со играч помалку од противникот, Ал Хилал го освои пехарот благодарение на голманот Бону, кој одбрани два пенали во пенал драмата.
Ал Хилал на тој начин ја комплетираше тројната круна: првенството, Суперкупот и сега Купот на Саудиска Арабија
Кристијано Роналдо, откако го постигна гол во пенал серијата не можеше да ја дочека серијата до крај. Кога дозна дека неговиот тим го загубил мечот за трофејот почна неконтролирано да плаче. Прво на клупата, а потоа се фрли на тревата. Соиграчите, тренерите и клупските челници се обидоа да го утешат, но безуспешно.
Роналдо (39) освои се, но родениот победник тешко се помирува со фактот дека по година и пол во Саудиска Арабија е без домашен трофеј. За клубот кој го донесе за околу 500 милиони долари, оваа сезона на 45 натпревари постигна дури 44 и забележа 13 асистенции.
Cristiano Ronaldo est inconsolable après la finale perdue avec Al Nassr. 🥺💔
— Actu Foot (@ActuFoot_) May 31, 2024
Les larmes de Cristiano Ronaldo après la finale de King Cup perdue. 🇵🇹🥺
Toujours pas de trophée avec Al Nassr pour le Portugais !
— Actu Foot (@ActuFoot_) May 31, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Европскиот првак на колена пред Грузија

Репрезентацијата на Грузија забележа над бранителот на титулата Шпанија 83:69, во првиот натпревар во Ц групата на 42. Европско првенство во кошарка. Натпреварите во ова група се играта во Лимасол, Кипар. Подоцна ќе играат Кипар-Босна и Херцеговина и Италија-Грција.
Шпанија со видно изменет состав допатува на Евробаскетот и уште во првиот меч се покажа дека ќе очекува тежок пат. Грузија, од првата до последната секунда го контролираше натпреварот. Шпанците само еднаш водеа, во финишот на прворо полувреме.
Грузија во првиот период стеква двоцифрена предност а откако Шпанците се вратија во натпреварот, предноста на Грузините се движеше најчесто од четири до осум поени.
Во завршницата кога Гога Ботадзе постигна осум поени во серија, Грузија дојде до плус од 16 поени и го реши победникот.
Мамукелашвили ги предводеше Грузијците со 19 поени, седум скока и шест асистенции, Битадзе имаше 15 поени, Шенгелија 13 за 20 минути на паркетот, Болдвин постигна 12 поени, додека Санадзе сите 11 поени ги постигна во првото полувреме.
На спротивната страна, Хуанчо имаше 13 поени, Алдама 12 (5/15) од поле, а Бризуела уфрли 11.
Foto/ EPA/GEORGI LICOVSKI
Спорт
Колку е лош Јунајтед на Рубен Аморим?

Мандатот на Рубен Аморим во Манчестер јунајтед стана синоним за неуспех. „Црвените ѓаволи“ синоќа го допреа дното, испаднаа во второто коло во Лига купот од членот на Четвртата лига, Гримзби, што се смета за историски неуспех.
Рубен Маорим, донесен да го стабилизира тимот, стана најлошиот менаџер во поновата историја на славниот клуб. Катастрофата на Јунајтед под Аморим ја покаѓуваат и бројките.
Катастрофата против Гримзби достигнува епски размери бидејќи летово Јунајтед на засилувања потрошија 200 милиони фунти.
Аморим победил на само 24,7 отсто од натпреварите во Премиер лигата, што е најлош учинок на кој било менаџер на Јунајтед по заминувањето на Сер Алекс Фергусон.
За споредба, често критикуваниот Дејвид Мојес имаше половичен успех, победи на 50 отсто од натпреварите, додека Жозе Мурињо е убедливо најдобар со 58,3 отсто победи.
Јунајтед победи само на седум од 29 лигашки натпревари под водство на Аморим, односно тимот победува на еден од четири натпревари, учинок што му доликува на тим во зоната за испаѓање.
Минатата сезона беа освоени само 42 бода, најмалку во историјата на клубот во Премиер лигата, додека 15-то место на табелата е најлошата позиција откако лигата се игра во овој формат.
Тимот постигна само 44 гола во текот на целата сезона, соборувајќи уште еден негативен рекорд.
Јунајтед ретко постигнувал голови во првата половина од натпреварите, во петте најдобри европски лиги, само Џенова била понеефикасна во првите 45 минути од почетокот на сезоната 2024/25.
Фактот дека Аморим има водено повеќе натпревари во Премиер лигата (29) отколку што има добиено (28) е особено разочарувачки.
Во домашните купови и во Европа, против англиски клубови, Аморим има само една победа од пет натпревари, против Арсенал на пенали во ФА Купот.
Тие беа поразени од Тотенхем (двапати), Фулам и во среда од четвртолигашот Гримсби.
Извор/ Би-би-си
Спорт
Милан експресно го договори трансферот на Нкунку

Челзи и Милан експресно го договрија трансферот на напаѓачот Кристофер Нкунку.
Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.
Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.
Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.