Црна хроника
Со автомобили удрени тројца пешаци за еден ден во Македонија – едниот од возачите побегнал од местото
Тројца пешаци во текот на вчерашниот ден биле прегазени од возила на улиците низ Македонија.
Според информациите од МВР, првиот пешак бил удрен од патничко возило управувано од 20-годишник од Скопје.
Несреќата се случила вчера рано наутро околу чест часот на крстосницата од регионалниот пат Скопје–Велес со локалниот пат Јурумлери–Долно Лисиче.
„Патничко возило „фолксваген пасат“ со скопски регистарски ознаки, управувано од М.К.(20), удрило во пешакот С.А.(55), двајцата од с.Јурумлери, скопско“, објави МВР.
Еден час подоцна, во Пехчево, било пријавено дека на улицата Илинденеска, комбе управувано од 64-годишен маж, удрил во 66-годишен пешак – и двајцата од Пехчево.
Третата несреќа се случила во Струга, а била пријавена околу 9 часот вчера. Од полицијата велат дека на улицата Пабло Неруда во Струга, патничко возило „опел“ со струшки регистарски ознаки, управувано од Е.М.(21) од с.Радолишта, струшко, удрило во пешакот С.Д.(68) од с.Долна Белица, струшко, по што го напуштило местото.
Во сите три случаи пешаците се здобиле со тешки телесни повреди, а извршен бил полциски увид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го удриле со возило, па нападнале мотоциклист и му нанеле тешки повреди во Охрид
Вчера во 15.40 часот, во СВР Охрид е пријавено дека Д.М. од селото Лешани, општина Дебрца, кој на булеварот „Македонски просветители“ во Охрид, го управувал своето моторно возило „ауди“, удрил во мотоцикл што го управувал Љ.Ѓ.(47) од Охрид.
Веднаш потоа, Д.М., заедно со Д.Ј. од охридското село Косел и В.М. од селото Лешани, физички го нападнале мотоциклистот и му нанеле тешки телесни повреди, констатирани во Општата болница во Охрид.
По целосно документирање на настанот, во консултација со јавен обвинител, СВР Охрид ќе поднесе соодветни пријави.
Црна хроника
Три лица повредени, меѓу нив и малолетник, кога возило излета од патот во Скопско
Синоќа во 20.30 часот во СВР Скопје било пријавено дека на ул.„Александар Урдаревски“ во Скопје, патничко возило „фиат стило“ со скопски регистарски ознаки, управувано од М.П.(27) од с.Кучевиште, скопско, излетало надвор од коловозот.
Во несреќата М.П. се здобила со тешки телесни повреди, а сопатничката Б.П.(49) и еден малолетен сопатник, двајцата од с.Кучевиште се здобиле со телесни повреди, констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.
Црна хроника
Тешко повреден мотоциклист од Скопје: излетал од патот кај Стража
Во Полициската станица Кичево вчера во 12.55 часот било пријавено дека на мaгистралниот пат Кичево-Гостивар, кај превој Стража, мотоцикл „кавасаки“ со кавадаречки регистарски ознаки, управуван од С.В.(43) од Скопје, излетал од патот.
Во несреќата со тешки телесни повреди се здобил мотоциклистот, констатирани во Комплексот клиники „Мајка Тереза“ во Скопје.
Извршен бил увид од увидна екипа од ОВР Кичево.