Спорт
(Видео) Хаос во дербито, играчите на Црвена звезда го напуштија теренот, натпреварот ќе продолжи утре
Вториот натпрвар, од финалната серија меѓу Партизан и Црвена звезда, во Кошаркарскиот шампионат на Србија е прекинат во 23.минута при водство на Партизан 57:45.
Според информациите од српските медиуми, кои се уште се неофицијални, натпреварот ќе биде продолжен утре без присутво на навивачите на Партизан.
Во текот на целиот натпревар навивачите на Партизан пееја навредливи песни за сопругите на Милош Теодосиќ и Немања Недовиќ, а потоа и за претседателот на Црвена звезда, Небојша Човиќ и неговата сопруга, а неколку пати го навредуваа и претседателот на Србија, Александар Вучиќ.
Црвена звезда реши да го напушти теренот кога од трибините беа фрлени разни предмети кон клупата на црвено-белите.
По краткиот разговор кај записничката маса, теренот го напуштија и судииите. Додека тие одеа кон соблекувалната неколку, поради што Николиќ, Јурас и Чалиќ со трчање го напуштија теренот.
Нешто подцна од Црвена звезда побараа арената да биде испразнета за да продолжи натпреварот, додека пак од Партизан стигна одговор дека тие нема да играат без своите навивачи.
Инаку, наелектризирана беше атмосферата уште пред почетокот на натпреварот кога Алексеј Бјелогрлиќ, синот на познатиот актер и режисер Драган Бјелогрлиќ, го прочита прогласот на „грибарите“ посветен на борбата за смена на актуелното раководство на Фудбалскиот клуб Партизан, што наиде на одобрување кај публиката. Потоа имаше навреди упатени кон генералниот директор на фудбалската секција Милош Вазура и претседателот на Србија Александар Вучиќ.
Utakmica u Beogradskoj areni je prekinuta.
Igrači Crvene zvezde napustili su parket, nakon što je na teren uletelo nekoliko predmeta.
Tome je prethodilo vređanje porodice Nebojše Čovića, zbog čega je utakmica prvobitno prekinuta.
Čekamo rasplet. pic.twitter.com/VwExeEAkKP
— B92 Sport (@b92sport) June 5, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.