Спорт
Првото засилување на Мурињо ќе дојде од Реал?
Жозе Мурињо пристигна во Истанбул каде ќе го тренира Фенербахче за годишна плата од 10 милиони евра.
Португалецот потпиша на две години, а еден од првите потези во гигантот од Истанбул беше повикот до неговиот поранешен клуб Реал Мадрид да го убеди раководството да го испрати Арда Ѓулер на позајмица.
Еден од најголемите турски таленти од Фенер минатото лето пристигна во Реал и потпиша шестгодишен договор.
Сепак, младиот офанзивец поради големата конкуренција и бројните повреди настапи на само 10 првенствени натпревари. Сепак, тој за само 373 минути поминати на теренот постигна дури шест гола.
Бидејќи Килијан Мбапе и Ендрик од следната сезона дополнително ќе ја зголемат конкуренцијата во нападот на Реал, јасно е дека на Ѓулер ќе му биде тешко да игра под водство на Анчелоти.
Поради тоа, според шпанските медиуми, Мурињо стапил во контакт со Реал и му предложил да го вратат Ѓулер во Фенер на позајмица до крајот на сезоната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најголемте плати во Евролигата во следната сезона
Остануваат уште неколку дена до стартот на новата сезона во Евролигата, а кошаркарскиот портал Јурохупс ја објави листата на најплатените кошаркари во кампањата 2024/2025.
Листата ја предводи Саша Везенков, кој од НБА се врати во Олимпијакос, а зад него се Шејн Ларкин и Мајк Џејмс, а во Топ 5 се и Костас Слукас и Валтер Таварес.
Платите на играчите вообичаено се недостапни за јавноста кога е европската кошарка во прашање, а списокот на Баркас е производ на проценки и лично сознанија.
Список на најплатени кошаркари:
1. Саша Везенков (Олимпијакос) – 4,1 милиони долари
2. Шејн Ларкин (Анадолу Ефес) – 3,75 милиони
3. Мајк Џејмс (Монако) – 3 милиони
4. Костас Слукас (Панатинаикос) – 2,8 мил
5. Валтер Таварес (Реал Мадрид) – 2,7 мил
6. Кевин Пантер (Барселона) – 2,6 мил
7-8. Кендрик Нан (Панатинаикос) – 2,5 милиони
7-8. Никола Миротиќ (Олимпија Милано) – 2,5 мил
9. Дариус Томпсон (Анадолу Ефес) – 2,3 милиони
10-14. Еван Фурние (Олимпијакос) – 2,2 милиони
10-14. Најџел Хејс-Дејвис (Фенербахче) – 2,2 милиони
10-14. Вили Ернангомез (Барселона) – 2,2 милиони
10-14. Винсент Поарие (Анадолу Ефес) – 2,2 милиони
Спорт
Камински се врати во НБА, потпиша договор со Феникс Санс
По неуспешната авантура во Европа, Френк Камински се врати во НБА лигата. Камински се Американецот потпиша едно годишен договор со Феникс Санс.
Камински минатата сезона ја мина во Партизан, не успеа да импреисонира па експресно се врати во САД. Во Евролигата имаше просек од девет поени и 3,3 скока на 15 натпревари.
Високиот центар успеа да најде нов ангажман, тој се врати во Аризона, дресот на Феникс го носеше од 2019 до 2022 година.
Освен за Партизан и Феникс, искусниот центар во кариерата настапуваше и за Хјустон, Атланта и Шарлот.
Спорт
(Видео) Такси се појави среде натпревар во бугарското првенство
Клубовите од главниот град играа во 10. коло од Бугарското првенство. Спетември Софија беше домаќин на ЦСКА во 1948 година.
Натпреварот заврши 1:1 и на никој освен на ретките навивачи на двата клуба, овој натпревар немаше да му биде важен доколку на стадионот не се појавеше такси возило.
Во 78. минута возилото се појави на стадионот и возеше околу теренот…Кога стигна до корнер знамето, се сврте и го напушти стадионот.
Не е познато кој повикал такси, ниту дали возачот го собрал клиентот на натпреварот, но сцената како авотмобилот вози околу теренот стана вирална благодарение на социјалните мрежи. „Неверојатниот свет на бугарскиот фудбал!“, „Ова е Бугарија“, „Вакво нешто е можно само во Бугарија“ се дел од коментарите.
Bulgaristan 1. futbol liginde oynanan Septemvri Sofya – CSKA 1948 maçı esnasında stada bir taksi girdi. Olayın ne olduğu anlaşılamadı…
This is Bulgaria!! pic.twitter.com/nL1pQbOg0P
— DlZMANA (@dizmanacom) September 26, 2024