Спорт
Англија без Мегваер и Грилиш на ЕУРО 2024
Герет Саутгејт, селекторот на репрезентацијата на Англија, реши да изостави две имиња од списокот на играчи за ЕП 2024.
Според островските медиуми, во тимот нема да има место за дефанзивецот Хари Мегваер и за офанзивниот играч за врска Џек Грилиш. Претходно Саитгејт го тргнал од списокот и Џејмс Медисон.
Оваа одлука на селекторот е неочекувана, особено кога станува збор за Мегваер. Играчот на Манчестер јунајтед беше станадрен во националниот тим и кога играше лошо во клубот.
Според медиумите повредата на потколеницата е причината поради која Мегваер нема да оди во Германија.
Поголемо изненадување е отсуството на Џек Грилиш, од редовите на шампионот Манчестер сити.
Тој играше на пријателскиот натпревар со Босна и Херцеговина (3:0), па не се знае зошто Саутгејт решил да го остави дома.
Се верува дека Саутгејт ќе ги пречкрта и имињата на Кертис Џонс, Џерел Кванза, Џарад Брентвејт, и Џејмс Трафорд до утре, кога треба да го достави конечноиот список.
Инаку, Англија е во групата Ц со Србија, Данска и Словенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Атлетико победи во Виго – Алварез во 90.минута и пресуди на Селта
Во Виго се одигра последниот натпревар од седмото коло на шпанската Ла Лига. Атлетико Мадрид со 1:0 ја совлада Селта. Ова е петта победа во низа за тимот на Чоло Симеоне на „Балаидос“. Селта нема победа над Атлетико од 2018 година.
Атлетико во Виго ја забележа четврта победа во новата сезона, „јорганџиите“ имаат и три нерешени. Селта го претрпе четвртиот пораз и остана на девет бода.
Здодевно првот полувреме одиграа Селта и Атлетико, единствената шанса ја имаше Аспас во финишот на првиот дел, Облак успеа да го одбрани ударот. Аспас вечерва го одигра 500. натпревар во Ла Лига.
Вториот дел донсе повеќе возбудувања и две големи шанси за Селта. Во 56.минута Борха Иглесијас од пет метри со глава шутираше право во Облак, а во 89.минута Родригез од иста позиција ја испрати топката крај голот.
Казната дојде една минута подоцна, Гризман нафрли од десната страна, а Хулија Алварез со врвот на копачката ја зафати топката и го совлада Гуаита.
Спорт
(Видео) Ајакс го декласира Бешикташ, Викторија однесе бод од Франкфурт, Рома испушти победа против Атлетик
Фенербахче, Ајакс, Ренџерс, Лион забележаа победи во првото коло во Лига Европа. Брага со гол во 96.минута го комплетираше пресвртот против Макаби Тел Авив, а во драматичен меч во Франкфурт, Викторија се врати по минусот од два гола и со гол во 93.минута избори реми 3:3 против Ајнтрахт.
Ајакс целосно го надигра Бешикташ во Амстердам, поведе во првото полувреме, а потоа рутински ја потврди победата во второто.
Првиот гол го постигна во 31. минута Киан Фиц-Џим. Во 51. минута Мика Готс погоди на асистенција на Бертранд Траоре, а само три минути подоцна Кенет Тејлор по додавањето на Брајан Броби го зголеми резултатот на 3:0. Точка на натпреварот стави Мика Готс во 73. минута кога погоди за 4:0.
Во следното коло Ајакс е домаќин на Славија Прага, додека Бешикташ го пречекува Ајнтрахт Франкфурт.
Резултати:
Малме – Ренџерс 0:2 (0:1)
/Бајрами 1, МекКоусленд 76/
Фенербахче – Унион Сент Жилоа 2:1 (1:0)
/Сојунџу 26, Бургес 82 – Сајкс 90+3/
Ајнтрахт Франкфурт – Пилсен 3:3 (1:1)
/Екитике 38, Ебимбе 62, Кристенсен 67 – Шулц 41, Аду 86, Џемелка 90+3/
Брага – Макаби Тел Авив 2:1 (0:1)
/Брума 88, 90+6 – Давида 30пен/
Рома – Атлетик Билбао 1:1 (1:0)
/Довбик 32 – Паредес 85/
ФЦСБ – РФС Рига 4:1 (2:1)
/Бирлигеа 8, Стефанеску 32, Олару 58, 69 – Липушек 23/
Лион – Олимпијакос 2:0 (0:0)
/Шерки 65, Бенрама 71/
Спорт
Уште еден убедлив пораз на Еурофарм Пелистер во ЛШ
Ракометарите на Еурофарм Пелистер забележаа уште еден убедлив пораз во Лигата на шампионите. Вечерва во Букурешт, Динамо го порази македонскиот шампион со 34:25 (19:13). Ова е трет пораз сезонава за Пелистер во ЛШ, вкупно 17. во низа во елитното натпреварување.
Пелисер во Букурешт за полувреме го решија Пелистер. Одбраната на овој меч не постоеше кај Пелистер, Динамо лесно дојде до предност од три гола, а во финишот на полувремето сурово ги казни сите грешки на играчите на македонскиот шампион и на одмор замина со предност од шест гола.
Доколку воопшто имаше дилеми околу конечниот победник, тие беа разрешени по десет минути игра во вториот дел кога Динамо дојде до двоцифрена предност (26:16).
Капитенот Кузмановски постигна девет гола, а Радивохевиќ шест (сите во второто полувреме).