Спорт
Само 10 возачи во Ф1 имаат тим за наредната сезона

Само три тима ги комплетираа поставите за натпреварувачката 2025, во шампионатото на Формула. Ова кажува дека не очекува интересен преоден рок.
Ред Бул го продолжи договорот со Серхио Перез, што значи дека тој и понатаму ќе му биде тимски колега на Макс Ферстапен. Од претходни е познато дека Ландо Норис и Оскар Пјастри ќе продолжат да возат за Мекларен.
Јасна е и ситуацијата во Ферари, покрај Шарл Леклер ќе вози седум кратниот светски првак, Луис Хамилтон.
Од комбинација кај Ферари испадна Карлос Саинц јуниор, за многумина најпотценетиот возач во Формула 1. Шпанецот долго време се поврзуваше со Мерцедес, па и со Ред Бул, но како што сега стојат работите тој кариерата ќе ја продолжи во Вилијамс.
Вилијамс со години е еден од најслабите тимови, но очигледно имаат големи очекувања од сезоната 2026 кога ќе започнат да се применуваат новите правила. Токму поради тоа тие го носат Саинц. Трансферот треба да биде објавен во текот на викендот за трката на Големата награда на Шпанија.
Колега на Саинц ќе му биде Александер Албон.
За 2025 година по едно слободно место има во Мерцедес, Астон Мартин и Заубер, а засега без дефинирана постава се Хас, РБ и Алпин.
Џрџ Расел останува во Марцедес, а Фернандо Алонсо во Астон Мартон. Медиумите тврдат дека Ленс Строл нема повеќе да му биде колега на Алонсо, но малку кој верува во ова бидејќи газда на Астон Мартин е таткото на Ленс Строл.
Интересно е што Алпин нема возачи за следната сезона, бидејќи Окон и Гасли си заминуваат, а истата ситуација е и во Хас.
Нико Хулкенберг се сели Заубер, што значи дека во овој тим има уште едно слободно место, а Магнусен останува без договор.
Ниту РБ Хонда нема возачи, Јуки Цунода можеби и ќе остане бидејќи бележи добри резултати оваа сезона, додека неизвесна е судбината на искусниот Даниел Рикардо.
The constructors' champions lock in their line-up 🔒
Here's how the 2025 grid is shaping up 🏁#F1 pic.twitter.com/TKRT5uviuV
— Formula 1 (@F1) June 4, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.
Спорт
Сака ќе го пропушти, а Едегор под знак прашалник за дербито со Ливерпул

Крилниот напаѓач на Англија, Букајо Сака, ќе го пропушти натпреварот на Арсенал од Премиер лигата против Ливерпул во недела и квалификациските натпревари на Англија за Светското првенство против Андора и Србија следниот месец поради повреда.
Сака ја повреди тетивата во саботата, во победата на домашен терен против Лидс Јунајтед (5:0). Првите проценки се дека крилниот напаѓач нема да може да игра до четири недели, објавува Би-би-си. Англискиот репрезентативец пропушти три и пол месеци од минатата сезона по операција на десната тетива.
Капитенот на Арсенал, Мартин Едегор, е исто така под знак прашалник за натпреварот на „Енфилд“ поради повреда на рамото заработена во победата против Лидс. Едегор изгледаше во болка кога беше заменет во првото полувреме, поради повреда на рамото.
Foto/ EPA/ADAM VAUGHAN