Спорт
Мурињо ги избра главните фаворити на ЕУРО 2024
![](https://makfax.com.mk/wp-content/uploads/2024/06/Jose-Mourinho-Fenerbahce-Facebook.jpg)
Новиот тренер на Фенербахче, славниот Жозе Мурињо ги откри своите фаворити на Европското првенство кое од 14 јуни до 14 јули ќе се одржи во Германија.
Португалецот наброја четири репрезентации и верува дека „никој друг не може да го освои трофејот“.
Според него изненадување би било доколку Италија го одбрани трофејот на ЕП.
„Не сакам да ги омаловажувам претходните генерации што ги имавме, но во однос на длабочината и квалитетот на тимот, веројатно сме најдобри во историјата, Португалија сè може да го освои трофејот“, рече Мурињо и додаде.
„Се работи за верба, верба дека можат секого да победат. Не сакам да кажам дека Португалија е најдобриот тим на ЕП, но Шпанија, Франција, Англија, Германија не се подобри“.
„Најголемиот проблем за тренерот е да избере кој ќе игра бидејќи има два врвни десни бека, два врвни леви бека, двајца одлични дефанзивни играчи за врска…“.
„Ако има некакви изненадувања, ќе бидам изненаден. Франција и Германија секогаш прават добри резултати, Португалија и Англија се подобри од било кога. Овие четири репрезентации ги сметам за фаворити“, додаде новиот тренер на Фенербахче.
„Не сум сигурен за Шпанија, но фудбалот што го играат и играчите што ги имаат се со врвен квалитет. Италија или Белгија би биле изненадување“, заклучи португалскиот селектор.
Мурињо неодамна даде интересна изјава кога рече дека се надева дека ќе испаднат сите репрезентации во кои настапуваат неговите играчи, за што поскоро да му се придружат на подготовките за новата сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва