Спорт
Дела Фуенте го објави списокот на Шпанија: последниот филтер не го минаа Кубарси, Љоренте и Гарсија
Селекторот на Шпанија, Луис де ла Фуенте, го објави конечниот список за Европското првенство. Изборот на Де Ла Фуенте покрена расправа во Шпанија, бидејќи го остави дома талентираниот дефанзивец на Барселона, Пау Курбаси. Покрај него од поширокиот список отпаднаа универзалецот на Атлетико Мадрид, Маркос Љоренте и капитенот на Џирона Алеиш Гарсија кој зад себе има брилијантна сезона.
Шпанците до почетокот на континеталниот шампионат ќе полемизираат околу изборот на селекторот, кој пред неколку дена го продолжи договорот со Фудбалскиот сојуз на Шпанија до 2026 година.
Впечатокот е дека Шпанците се „тенки“ во одбраната, каде главни играчи треба да бидат Французите со шпански пасоши. Робин Ле Норман од Реал Сосиедад и Ајмерик Лапорт од Ал Наср.
Изненадување е што меѓи патниците се Марк Кукуреља кој имаше лоша сезона во Челси, а со добри сезони не можат да се пофалат ниту напаѓачите Феран Торес (Барселона) и Ајозе Перез (Бетис).
Списокот на Шпанија за ЕП:
Голмани: Унаи Симон (Атлетик Билбао), Давид Раја (Арсенал), Алекс Ремиро (Реал Сосиедад).
Одбрана: Дани Карвахал (Реал Мадрид), Хесус Навас (Севилја), Ајмерик Лапорте (Ал Наср), Робин Ле Норманд (Реал Сосиедад), Начо (Реал Мадрид), Даниел Вивијан (Атлетик Билбао), Алекс Грималдо (Баер Леверкузен), Марк Кукуреља ( Челзи).
Играчи од средниот ред: Родри (Манчестер сити), Мартин Зубименди (Реал Сосиедад), Микел Мерино (Реал Сосиедад), Фабијан Руиз (ПСЖ), Педри (Барселона), Алекс Баена (Виљареал), Фермин Лопез (Барселона).
Напаѓачи: Феран Торес (Барселона), Дани Олмо (Лајпциг), Нико Вилијамс (Атлетик Билбао), Алваро Мората (Атлетико Мадрид), Хоселу (Реал Мадрид), Микел Ојарзабал (Реал Сосиедад), Ламин Јамал (Барселона), Ајозе Перез (Бетис).
Шпанците се во најтешката група на ЕП, во која се и Хрватска, Италија и Албанија. Првиот натпревар ќе го одиграат на 15 јуни во Берлин против Хрватска, а потоа следуваат натпреварите со Италија (20 јуни) и Албанија (24 јуни).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.