Свет
Драма на британскиот аеродром: Авион полн со патници едвај успеал да се крене од пистата
Авионот „Боинг 737“, кој превезувал 163 патници до Гран Канарија, едвај успеал да се крене од пистата за време на полетувањето, прелетувајќи над блискиот автопат на височина од само 30 метри.
Патничкиот авион со 163 патници и девет членови на екипажот за влакно избегнал пад по драматичното полетување од британскиот аеродром.
Инцидентот се случил во авион „Боинг“, кој долго време имал бројни технички проблеми.
„TUI Boeing 737-800“ требаше да полета од аеродромот Бристол до Гран Канарија, но иако пистата беше долга речиси два километри, полетувањето започна на едвај 260 метри пред крајот на пистата, а авионот се издигна во воздух на само три метри пред крајот.
Кога тркалата конечно се кренале во воздух, авионот летал со брзина од само 150 јазли, пренесува „Дневник.хр“.
Драматично било и на блискиот автопат А38, кој авионот го прелетал на височина помала од 30 метри.
Проблемот со полетувањето бил предизвикан од софтверска грешка, поради која авионот немал доволно моќ да се искачи.
Министерството за транспорт го истражува овој инцидент и издаде посебно предупредување до авиокомпаниите кои управуваат со новата генерација на серијата Боинг 737-800, поради софтверски проблеми кои ја загрозија безбедноста на летовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Ако загубам на овие избори, нема да се кандидирам во 2028 година
Во интервју емитувано денеска, Доналд Трамп ја отфрли можноста да се кандидира на претседателските избори во САД во 2028 година во случај на пораз на ноемвриските избори.
„Не, не се гледам себеси во тоа, не се гледам себе си. Мислам дека ова ќе биде се“, изјави републиканскиот кандидат (78) .
Сепак, поранешниот претседател верува во успех на 5 ноември, кога на изборите ќе му се спротивстави демократката Камала Харис.
Откако Бајден се повлече од претседателската трка, исходот од претседателските избори е понеизвесен од кога било. Доналд Трамп и Камала Харис врат „си дишат во врат“ во неколку држави кои најверојатно ќе бидат одлучувачки за севкупниот исход на изборите.
Свет
Конвој со странски дипломати нападнат во Пакистан
При минување на конвој со странски дипломати кои биле во посета на северозападен Пакистан, на патот била активирана бомба, а загинал полицаец, припадник на обезбедувањето, соопшти полицијата.
Претставник на полицијата во областа Сват, Захидула Кан, рече дека дипломатите ја посетиле долината Сват на покана на локалната Стопанска комора.
„Тимот што го водеше конвојот беше погоден од бомба покрај патот“, рече тој. Кан додаде дека се ранети уште четворица полицајци. Сите десет дипломати се безбедни и се враќаат во Исламабад, потврди полицијата.
„Ниту еден од амбасадорите не е повреден во нападот и тие се преместени на безбедно место пред да се упатат кон Исламабад“, изјави за Ројтерс заменик генералниот инспектор на полицијата Мохамад Али Гандапур.
Засега не се знае кои земји ги претставуваат дипломатите кои беа во конвојот.
Никој не ја презеде одговорноста за нападот.
Свет
Масовно пукање во САД: Четворица мртви, 18 ранети, се трага по уште напаѓачи
Најмалку четири лица се убиени, а 18 ранети во масовно пукање во Бирмингем, Алабама, според полициските извештаи.
Повеќе напаѓачи испукале повеќекратни истрели во група луѓе во областа Фајв Поинтс Соут, изјави полицискиот службеник во Бирмингем, Труман Фицџералд. Полицијата на местото на настанот пронашла тела на двајца мажи и една жена, а четвртата жртва починала од прострелни рани во болница, додаде тој.
Детективите истражуваат дали напаѓачите им пришле на жртвите пеш или се возеле, рече Фицџералд.
Никој досега не е уапсен. Полицијата во соопштението соопшти дека соработува со ФБИ и други федерални агенции и нуди награда од 5.000 долари за информации за напаѓачите. Таа отвори и специјална веб-страница за испраќање фотографии и видеа од пукањето.
Зборувајќи за повредените, Фицџералд им рече на новинарите: „Имаме 18 жртви од огнено оружје од оваа област. Ми кажаа дека најмалку четири од тие жртви се во животна опасност“.
Според Архивата за огнено насилство, која го дефинира масовното пукање како инцидент во кој четири или повеќе лица се повредени или убиени, досега оваа година во САД се регистрирани повеќе од 400 масовни престрелки.