Спорт
Алкараз по четири часа со пресврт го победи Синер за финале на РГ
Шпанскиот тенисер Карлос Алкараз го победи Италијанецот Јаник Синер со 3:2 во сетови и се пласираше во финалето на Ролан Гарос.
Спектаклот траеше четири часа и 12 минути, на крајот Алкараз успеа да се пласира во првото финале на Ролан Гарос. Тој славеше над Синер во сетови 2:6, 6:3, 3:6, 6:4, 6:3.
Италијанецот одлично влезе во мечот и фуриозно го заврши првиот сет. Со два брејка, и без загубен поен на свој сервис поведе со 4:0. Сепак, во продолжение Алкарас го доби гемот на свој сервис, а потоа направи брејк.
Не успеа да го потврди, Синер по трет пат го одзеде сервисот на шпанскиот тенисер и поведе со 5:2. Беше сигурен на својот сервис и лесно го доби првиот сет – 1:0.
Синер одлично го започна вториот сет. Направи брејк на самиот старт, а потоа и го.
Сепак, Алкараз го презема водството и иницијативата со пет последователни гемови (5:2). Синер успеа накратко да ја прекине серијата на Шпанецот, кој потоа сервираше за израмнување во сетови.
Беше успешен на својот сервис и стигна до израмнување 1:1. Покрај тоа, психолошката предност се префрли на негова страна.
Третиот сет беше доста интересен. Алкараз успеа да направи брејк во третиот гем, но не и да го потврди. Синер веднаш одговори (2:2).
Во петтиот гем Алкараз четири пати имаше брејк топка, но не реализираше ниту една искористи. Синер го преживеа, а потоа направи брејк (4:2).
Тој го потврди брејкот,а потоа дојде до предност од 2:1 во сетови.
Четвртиот сет беше изедначен од самиот почеток. Ниту еден од тенисерите не успеа да дојде до брејк и да направи значителна предност. Клучниот момент се случи во деветтио гем кога брејк направи Алкараз, потоа беше сигурен на свој сервис за 2:2 во сетови.
И Алкараз и Синер победуваа натпревар по натпревар, се до моментот кога Шпанецот го доби деветиот натпревар (5:4).
Алкараз продолжи со добра игра и во решавачкиот сет. На стартот направи брејк поведе со 3:0, а потоа во своите сервис гемови успеа да ги одбрани брејк топките на Синер.
Шпанецот во финалето ќе ги одмери силите против подобриот од дуелот меѓу Норвежанецот Каспер Руд и германскиот тенисер Александар Зверев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.