Спорт
Олборг го детронизира Магдебург, Барселона го растури Кил
Барселона и Олборг, утре ќе се борат за трофејот во Лигата на шампионите. На завршниот турнир во Келн, Олборг го победи актуелниот шампион Магдебург, а Барселона го декласира Кил.
Ракометарите на Алборг го совладаа Магдебург со 28:26 (11:11) и го тргнаа тимот од Германија од европскиот трон.
Мадс Хангард со осум, Себастијан Бертолд со шест, Микел Хансен и Томас Арнолдсен со по пет гола блескаа во редовите на данскиот првак. За Магдебург Омар Инги Магнусон постигна 10, Феликс Клар и Матијас Муске по четири гола.
Во текот на целото полувреме се играше по принципот гол за гол, одбраните беа цврсти, а на семафорот стоеше 11:11.
На четири минути до крајот на семафорот стоеше 25:25 и беше јасно дека следува неизвесна завршница. Алборг го засили нивото на одбраната, по што следеа голови во режија на Хонгард со 27:25. Магнусон намали на 26:27, а Бартолд стави точка на драмата.
Во второто полуфинале, Каталонците го совладаа германски Кил со резултат 30:18.
Пресуди гранитната одбрана на Барса. Во двете полувремиња примија по девет гола, а на другата страна од теренот постигнаа 15 гола.
Кај победниците најефикасен беше Французинот Мелвин Ричардсон со пет гола, а четири пати во листата на стрелци се запиша Словенецот Блаж Јанц. Кај Кил единствениот расположен беше хрватскиот репрезентативец Дувњак со четири гола.
Финалето меѓу Барселона и Алборг е закажано за в недела од 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024