Свет
Израел: Денеска се очекува оставка на шефот на воениот кабинет Бени Ганц
![](https://makfax.com.mk/wp-content/uploads/2024/04/677z381_netanjahu-iran.jpg)
Израелскиот воен кабинет денеска заседава во Ерусалим, по што се очекува шефот на воениот кабинет Бени Ганц да соопшти дека се повлекува од таа функција.
Најавата на Ганц се очекува да го објави и заминувањето на коалицијата Национално единство, пишува The Times of Israel.
Ганц нема да присуствува на состанокот, а за подоцна во 8:30 е најавена седница на Кабинетот за безбедност, соопштија од кабинетот на израелскиот премиер Бенјамин Нетанјаху.
Ганц минатиот месец го информираше израелскиот премиер Бенјамин Нетанјаху дека доколку до 8 јуни не претстави јасна стратегија за Појасот Газа по завршувањето на војната, ќе поднесе оставка.
Повлекувањето на центристичката партија на Ганц нема да претставува непосредна закана за владејачката коалиција на Нетанјаху, која има 64 од 120 места во Кнесетот, но може да има „сериозно влијание“, наведува британската агенција.
Со заминувањето на Ганц, Нетанјаху ќе ја загуби поддршката од центристичкиот блок кој помогна да се зајакне поддршката за израелската влада дома и надвор од почетокот на конфликтот во Газа.
Оставката на Ганц може да укаже и на ограничени изгледи за успех во најновите напори за прекин на огнот во Појасот Газа, велат аналитичарите, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
САД најавија нов пакет воена помош за Украина
![](https://makfax.com.mk/wp-content/uploads/2023/11/amerika-sad-zname.jpg)
Владата на Соединетите Американски Држави најави голем нов пакет одбранбена помош за Украина, кој ќе вклучува ракети за системи ХИМАРС, противвоздушни пресретнувачи, артилериски гранати и друго оружје, соопшти денеска портпаролката на Белата куќа Карин Жан-Пјер.
„Американската администрација најавува доделување на нов значаен пакет помош за Украина во областа на безбедноста. САД продолжуваат да ја поддржуваат одбраната на Украина од инвазијата на Руската Федерација“, рече таа на брифинг со новинарите, пренесува Укринформ.
Портпаролката на Белата куќа не ја прецизираше вкупната вредност на новата транша помош, но нагласи дека тоа е седмиот пакет што САД го доделуваат откако американскиот претседател Џозеф Бајден го потпиша законот со дополнителни средства за потребите на националната безбедност во април.
Свет
Кремљ: Ердоган не може да биде посредник во разговорите меѓу Русија и Украина
![](https://makfax.com.mk/wp-content/uploads/2018/01/kremlj-i-crkva-130579.jpg)
Турскиот претседател Реџеп Таип Ердоган не може да биде посредник во преговорите меѓу Русија и Украина, изјави денеска портпаролот на Кремљ, Дмитриј Песков.
„Не, не е можно“, беше одговорот на Песков на новинарско прашање дали Ердоган може да посредува во разговорите меѓу Москва и Киев, но тој потврди дека на денешната средба меѓу Ердоган и рускиот претседател Владимир Путин „се зборувало за Украина “, пренесува РИА.
Путин и Ердоган разговараа на маргините на самитот на Шангајската организација за соработка во Казахстан.
Регион
На Фејсбук е објавено лажно видео од премиерот Вучевиќ, реагираат надлежните органи
![](https://makfax.com.mk/wp-content/uploads/2024/07/fgd.jpg)
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.