Регион
Почина човекот кој се самозапали на плоштадот во Загреб
Човекот кој се самозапали на плоштадот Свети Марко во Загреб почина на Клиниката за трауматологија, пренесуваат медиумите од соседството.
„Машкото лице кое се самозапали во Загреб и беше згрижено на Клиниката за трауматологија на одделението за интензивна нега, почина од повредите и покрај напорите на лекарите“, соопштија од болницата.
Претходно изјавија дека се здобил со изгореници од четврти степен кои му го покриле целото тело.
Медиумите потсетуваат дека пред зградата на хрватската Влада во Загреб, непознат маж се полил со бензин и се запалил. Брзо му била укажана помош и бил однесен во болница.
Премиерот на Хрватска, Андреј Пленковиќ изрази жалење за настанот.
Пленковиќ рече дека е рано да коментира било што: „Не ги знаеме мотивите, ниту нешто друго“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.