Спорт
Саутгејт заработува вистински богатство, Сањол работи за смешни плата
Магазинот „Франс Фудбал“, во пресрет на Европското првенство ги обајави платите на селекторите.
На врвот на листата е селекторот на Англија Герет Саутгејт со годишна плата од 5.800.000 евра. Инаку, Саутгејт најави дека ќе ја напутшти функцијата доколку Англија не ја освои титулата.
Вториот на листата, селекторот на Германија, Јулијан Нагелсман, заработува дури 1.000.000 евра помалку, додека на третото место е Роберто Мартинез, кој седи на португалската клупа.
Селекторот на Грузија, Вили Сањол, кој со оваа репрезентација постигна историски резултат е последен на листата, со скромна плата од само 200.000 евра.
Платите на селекторите:
Ова се годишните плати на сите селектори на ЕУРО:
1. Герет Саутгејт (Англија) – 5,8 милиони евра
2. Јулијан Нагелсман (Германија) – 4,8 милиони евра
3. Роберто Мартинез (Португалија) – 4 милиони евра
4. Дидие Дешамп (Франција) – 3,8 милиони евра
5. Роналд Куман (Холандија) – 3 милиони евра
6. Лучано Спалети (Италија) – 3 милиони евра
7. Виченцо Монтела (Турција) – 1,8 милиони евра
8. Мурат Јакин (Швајцарија) – 1,6 милиони евра
9. Ралф Рангник (Австрија) – 1,5 милиони евра
10. Доменико Тедеско (Белгија) – 1,5 милиони евра
11. Златко Далиќ (Хрватска) – 1,5 милиони евра
12. Драган Стојковиќ (Србија) – 1,4 милиони евра
13. Луис де ла Фуенте (Шпанија) – 1,25 милиони евра
14. Сергеј Ребров (Украина) – 1,25 милиони евра
15. Каспер Хјулманд (Данска) – 1,15 милиони евра
16. Силвињо (Албанија) – 750.000 евра
17. Михал Пробиерц (Полска) – 560.000 евра
18. Стив Кларк (Шкотска) – 550.000 евра
19. Франческо Калцона (Словачка) – 540.000 евра
20. Марко Роси (Унгарија) – 300.000 евра
21. Матјаж Кек (Словенија) – 300.000 евра
22. Иван Хашек (Чешка) – 250.000 евра
23. Едвард Јорданеску (Романија) – 240.000 евра
24. Вили Сањол (Грузија) – 200.000 евра
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.