Македонија
Лога до Мицкоски: Среќата да бидете премиер уште од 2020 Ви беше меѓу Зајас и Мала Речица, понекогаш и седиштето Ви беше таму
![](https://makfax.com.mk/wp-content/uploads/2024/06/FotoJet.jpg)
Министерот за правда, Кренар Лога, реагира на изјавата на претседателот на ВМРО ДПМНЕ, Христијан Мицкоски. Наместо меѓу експертите, Лога ги наоѓаше кадрите во Зајас, обвини идниот премиер Мицкоски.
„Почитуван мандатару. Среќата да бидете премиер уште од 2020 Ви беше меѓу Зајас и Мала Речица, понекогаш и седиштето Ви беше таму, односно како замрзнат имот пред суд. Можеби и бевте во право, но тогаш судбината, според Вашите луѓе, висеше во тие координации. Почитуван г. Мицкоски, јас сум одговорен за Министерството за правда од 1.3.2023 и мојата одговорност е ограничена поради фактот што сите тие кадри со кои Вие спинувате се вработени како дел од Вашето владеење од 2006 до 2017, некои од тефтерчето на Горде, некои од „сваровски“-судството, кои Вие повеќе од една деценија си го изградивте. И за крај, судскиот систем уште не може да застане на нозе поради фактот на човекот на кој Вие му бевте генерален секретар, односно човекот што Ве избра да бидете претседател на ВМРО-ДПМНЕ. И милијардата евра од него ќе Ви дојде и првата официјална посета ќе биде од страна на неговиот чувар“, порача Лога.
Христијан Мицкоски, претседател на ВМРО-ДПМНЕ, на новинарско прашање поврзано со изјавата на Кренар Лога дека предлогот на ВМРО-ДПМНЕ за распуштање на Судскиот совет е лош посочи дека таа реформа беше поддржана од половина милион граѓани.
„Што се однесува до самата реформа, ние излеговме пред граѓаните, добивме половина милион гласови, објавивме фронт и борба против криминалот и корупцијата и една од мерките беше таа што јавно ја зборувавме. Јас на секој настан, на секоја средба со граѓаните, јавно го зборував ова“, рече Мицкоски и додаде:
Господинот Кренар Лога имаше можност во својот мандат, наместо да има судството, да има доверба кај граѓаните од 2, 3, 5 %, да направи реформи и таа доверба да ја зголеми, но, за жал, ја пропушти. Сега ќе дојде некој друг на негово место, кој, се надевам, дека ќе успее барем да ја направи двоцифрена, и тоа многу двоцифрена. За жал, тој одлучи, наместо да работи за граѓаните – плодна почва, од каде што ќе се изнајдат кадрите во Обвинителството, особено и судството, да биде Зајас, мислам дека лоша локација на google maps нашол, требало да најде поинаква, а тоа е во канцеларијата на министерот за правда, со експертите да работи и да соработува“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Метежот на „Табановце“ е поради зголемениот безбедносен ризик од тероризам во Србија
![](https://makfax.com.mk/wp-content/uploads/2018/08/tabanovce.jpg)
Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез од територијата на Република Северна Македонија е поради прогласеното црвено ниво на безбедносен ризик од тероризам во Република Србија.
„Граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба“, соопшти МВР.
Македонија
„Филипче не е нов лидер, туку чувар на фотелјата на Зоран Заев“, велат од ВМРО-ДПМНЕ
![](https://makfax.com.mk/wp-content/uploads/2020/11/zaev-filipce.jpg)
„Венко Филипче со 9 илјади гласови, колку се потребни за советник во општина стана лидер на СДС. Еден Заев се замени со друг Филипче. Тажен завршеток на сагата за нов лидер, со стари навики“, велат од ВМРО-ДПМНЕ.
„Филипче не е нов лидер, туку чувар на фотелјата на Зоран Заев. Човекот е одговорен за погромот со Ковидот, каде десетици илјади луѓе ги загубија животите, директно одговорен за матните тендери каде референцата за избор емаил контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче не убедуваше дека кабелот е виновен.
Филипче е најдобрата маска на Заев. Исти луѓе исти вредности.
Ако мисли дека Филипче дека ќе се спаси, и кога ќе одговара за криминалите ќе вика дека е политички реваншизам овој пат тоа е најпогрешниот начин да избега од одговорност. Одговорност ќе има“, соопшти ВМРО-ДПМНЕ.
Македонија
Сончево и многу топло, во текот на ноќта невреме со пороен дожд, грмежи, силен ветер и град
![](https://makfax.com.mk/wp-content/uploads/2022/08/Ohrid-meteo-sonce.png)
Времето денеска ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Минималната температура ќе биде во интервал од 12 до 21, а максималната ќе достигне од 32 до 39 степени. UV=9
Во Скопје сончево и многу топло, со слаб до умерен ветер од југозападен правец. Во текот на ноќта во делови од котлината ќе има услови за локална појава на невреме со пороен дожд, грмежи, засилен ветер и град. Минималната температура ќе се спушти до 18, а максималната ќе достигне до 37 степени.
Денеска преку денот ќе се задржи сончево и многу топло време со дневни температури кои насекаде ќе бидат над 30 степени. Во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер.