Топ
Скопјанец истепан од неколку лица пред кафеана во Аеродром, со убодни рани пренесен во болница
Вчера во СВР Скопје, 48-годишниот А.Л. од Скопје пријавил дека на 08.06.2024 пред угостителски објект на подрачјето на општина Аеродром во Скопје бил физички нападнат од неколку лица, при што се здобил со убодни рани, по што бил пренесен во приватна болница во Скопје за укажување лекарска помош, извести МВР.
Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Започнува судењето за двојното убиство на Вања и Панче
Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче Жежовски.
Судечкиот совет при Основниот кривичен суд Скопје донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и против првоосомничениот Љупчо Палевски.
За Палевски се чекаше екстрадиција од Турција, за двојното грабнување и убиството на малолетната Вања Ѓорчевска од Скопје и 74-годишниот Панче Жежовски од Велес.
Покрај Палевски, обвинети се и Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
Свет
(Видео) Напад со нож во Ротердам: Има мртви, напаѓачот извикувал „Алаху акбар“
Најмалку едно лице загина, а две се тешко ранети во напад со нож што се случи синоќа во Ротердам.
Како што пишува „Вашингтон пост“, напаѓачот бил приведен, но и пренесен во болница бидејќи бил ранет.
Исто така, се наведува дека со два ножа нападнал случајни минувачи на улица.
Netherlands: One person dead, several injured in stabbing in #Rotterdam. Suspect shouted "Allahu Akbar". pic.twitter.com/mH7KCqjWC8
— Oo ps (@ps_trump) September 20, 2024
Портпаролот на полицијата Весел Столе изјави дека нападот се случил недалеку од мостот Еразмусбруг.
– Истражуваме кој бил мотивот на нападот. Ги проверуваме сите можни сценарија – рече тој.
Холандскиот дневен весник „Де Телеграф“, повикувајќи се на очевидци на местото на настанот, објави дека маж по случаен избор нападнал луѓе со два ножа додека извикувал „Алаху Акбар“.
Еден случаен минувач го удрил напаѓачот со две палки и успеал да му ги тргне ножевите. Како што сведочел минувачот, прво мислел дека се работи за тепачка, но кога се доближил видел дека напаѓачот држел два ножа и со нив ги прободува минувачите.
Свет
Водостојот на Дунав расте: во Будимпешта би можело да го достигне својот врв за време на викендот
Дунав, чијшто водостој моментално е над осум метри, би можел да го достигне својот врв во Будимпешта за време на викендот, според прогнозите на метеоролозите.
Во Унгарија, која се бори со поплави откако циклонот „Борис“ предизвика обилни врнежи во Централна Европа, ситуацијата е најкритична во селото Кисмарош, каде мештаните веќе користат чамци по улиците, додека населението на градот Баја се подготвува за најголемата поплава во последните 11 години, пренесува „Index.hu“.
„Во Будимпешта се очекува бавен раст, водостојот на Дунав ќе се зголеми за педесет сантиметри до сабота навечер, по што реката полека ќе почне да се повлекува“, изјави генералниот директор на националното водостопанство Иштван Ланг.
Тој нагласи дека поплавите се големи и дека одбраната е отежната.
Тој рече и дека просечниот водостој на Дунав е околу педесет сантиметри понизок од нивото на водата за време на поплавите во 2013 година, но дека оптоварувањето на одбранбените линии е сепак многу значајно.
Ланг истакна дека времето за одбрана ќе биде подолго од претходно планираното бидејќи падот на водостојот е побавен од очекуваното.
Унгарија се бори со поплави откако циклонот „Борис“ предизвика обилни врнежи во Централна Европа, јавува Танјуг.
Најлошите поплави што ја погодија централна Европа во последните две децении погодија делови од Полска, Чешка, Романија, Австрија и Словачка и однесоа најмалку 24 животи.
Претседателката на Европската комисија, Урсула фон дер Лајен вчера се сретна со лидерите на европските земји погодени од поплавите, меѓу кои Полска, Австрија, Чешка и Словачка и вети финансиска помош од Европскиот фонд за солидарност.
Таа изјави дека ЕУ ќе обезбеди уште 10 милијарди евра од кохезиониот фонд поради огромните штети предизвикани од поплавите