Регион
(Видео) Уапсени белградски макроа, едниот ја принудувал својата девојка на проституција
![](https://makfax.com.mk/wp-content/uploads/2024/06/apsenje-belgrad.jpg)
Српското Министерство за внатрешни работи објави видео од апсењето на белградските макроа С.С. (46), П.Д. (25) и Ѓ.Љ. (29). Тие се уапсени поради сомнение дека сториле кривично дело трговија со луѓе.
Тие се осомничени дека од февруари до јуни годинава, искористувајќи ги тешките услови во кои живеела, врбувале 20-годишна девојка да се занимава со проституција за да се стекнат со противправна финансиска корист.
„С.С., како што се сомневаат, најпрвин стапил во емотивна врска со оштетената со цел да влијае на нејзината свест и волја и на тој начин ја регрутирал да се занимава со проституција, а потоа го ангажирал Ѓ.Љ., кој, како што се сомнева, на интернет огласувал давање сексуални услуги, додека осомничениот П.Д. ја превезувал оштетената и ја предавал на корисниците на сексуални услуги“, соопштија од српската полиција.
С.С. е осомничен дека подоцна ги одзел парите заработени на тој начин. Полицијата при претрес на становите на пријавените пронашла повеќе мобилни телефони и сим-картички, како и помала количина бела прашкаста материја која била испратена на вештачење.
На сите осомничени им е одредена мерка притвор во траење од 48 часа и со кривична пријава ќе бидат изведени пред Вишото јавно обвинителство во Белград, соопшти Министерството за внатрешни работи на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Европската комисија: Бугарија се’ уште не е подготвена за влез во еврозоната
![](https://makfax.com.mk/wp-content/uploads/2017/04/evrozona.jpg)
Бугарија се’ уште не е подготвена да воведе единствена европска валута поради претерано високата стапка на инфлација, соопшти Европската комисија во Брисел.
Првично планирано за почетокот на оваа година, воведувањето на еврото беше одложено кога лани во оваа земја од југоисточна Европа беше забележана инфлација од 9,5 отсто.
Комисијата работи на претпоставката дека стапката на инфлација годинава ќе падне на 3,1 отсто во однос на лани, се вели во мајската економска прогноза.
Земјите кои влегуваат во еврозоната мора да ги исполнуваат критериумите за стабилност на цените, јавните финансии, стабилноста на девизниот курс и долгорочните каматни стапки, кои не смеат да бидат повеќе од два процентни поени над стапките во најстабилните земји на ЕУ во годината пред проценката.
Сите земји-членки на ЕУ, со исклучок на Данска, се законски обврзани да влезат во еврозоната. Освен Бугарија, земјите кои допрва треба да се приклучат се Полска, Романија, Шведска, Чешка и Унгарија.
Комисијата извести дека Бугарија, која ѝ се приклучи на Европската унија во 2007 година, моментално е единствената земја што ги исполнува критериумите, освен една, и каде националните правни регулативи се компатибилни со валутната унија.
Членството во еврозоната може да биде политички спорно во Бугарија, бидејќи проруската и националистичката Партија на преродбата инсистира на референдум за ова прашање.
Бугарската централна банка и Министерството за финансии денеска соопштија дека земјата ќе ги исполни критериумите за инфлација на еврозоната до крајот на годината.
Преодната влада го потврди и законот за воведување на еврото, кој ќе треба да го донесе новиот парламент избран на 9 јуни.
Во Бугарија се водат сложени дискусии за формирање нова влада.
Регион
Едно лице загина, а друго е повредено во невреме во Србија, ги погодил гром
![](https://makfax.com.mk/wp-content/uploads/2022/06/udar-groma-830x0.jpg)
Едно лице загина, а друго е повредено во невреме во близина на селото Бресница на југот на Србија, јавува Радио телевизија на Србија (РТС).
Ова се случило кога тракторот на кој се наоѓале бил погоден од гром, по што се превртел.
И.П.(1955) е пренесен во Итната помош во болницата Прокупа, каде што е во тек дијагностика, јавува РТС.
Во Крагуевац во централна Србија едно лице е полесно повредено кога се изгребало од дел од кровната конструкција кој паднал.
РТС пишува дека силниот ветер однел делови од покривите на некои згради, урнал неколку знамиња и дрвја во Крагуевац и неговата околина.
Ветерот собори дрвја и во Белград и Нови Пазар, што предизвика штети на автомобили и угостителски објекти.
Регион
Родител нападнал наставници во Чачак вербално и физички: Повикал „влијателни луѓе“ да му ги подобрат оценките на неговото дете
![](https://makfax.com.mk/wp-content/uploads/2018/08/policija55-1200x545_c.jpg)
Во основното училиште „Д-р Драгиша Мишовиќ“ во Чачак, родител на еден ученик Ж.Ч. ги нападнал наставниците, прво вербално, а потоа и физички, затоа што бил незадоволен од успехот на своето дете, соопштија од „Синдикатот за образование Чачак“.
„Родителот направил тежок инцидент за кој била повикана полиција и целиот случај е предаден на јавен обвинител“, се наведува во соопштението на Синдикатот. Синдикатот тврди дека целиот случај дополнително се усложнува со „интервенциите на градските раководители за подобрување на оценките на тој ученик“, како и интервенциите на разни влијателни луѓе од Чачак, на кои родителот се повикал при инцидентот.
„Се поставува прашањето каква порака испраќа ова до децата кои правилно ги исполнуваат обврските, но и до нивните родители. Дали е подобро денес да имате моќни и влијателни познаници отколку да бидете вредни и посветени на учењето?“, се наведува во соопштението.
„Просветен синдикат Чачак“, кој е мнозинскиот синдикат на просветните работници во тој град, го осуди ваквиот однос кон просветните работници и ги повика родителите да ги гледаат наставниците како нивни најблиски соработници во образованието и воспитувањето на нивните деца. Синидкатот побара од надлежните институции што поефикасно да го процесуираат насилството врз наставниците.