Црна хроника
Две малолетни деца и еден 71-годишник искасани од кучиња скитници изминатото деноноќие во Скопје
![](https://makfax.com.mk/wp-content/uploads/2017/12/reakcija-za-kucinja-skitnici.jpg)
Скопските полициски станици вчера добиле пријави за три лица каснати од кучиња скитници. Од тројцата каснати двајца се малолетни.
Првата пријава стигнала во Полициската станица Аеродром во 12 часот кога 52-годишен скопјанец пријавил дека на кејот на Вардар неговиот малолетен син бил каснат од куче скитник.
Половина час подоцна, 71-годишен скопјанец пријавил дека на улицата Васил Ѓоргов бил каснат од куче скитник, а вечерта во 19.30 часот, пак, во Полициската станица Гази Баба, 40-годишен скопјанец пријавил дека и неговиот син бил каснат од куче скитник на улицата Јани Лукровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
ОЈО со мерки за скопјанец кој и се заканувал на девојка дека ако не му плати, ќе објави компромитирачки фотографии и видеа
![](https://makfax.com.mk/wp-content/uploads/2021/12/slika-OJO-za-PR-10.12.2021.jpg)
Јавен обвинител од Основното јавно обвинителство Скопје поведе постапка против 22-годишник за кого постои основано сомнение дека сторил кривично дело – Уцена според член 259 став 1 во врска со член 45 од Кривичниот законик.
Осомничениот, со намера за себе да прибави противправна имотна корист, преку социјални мрежи стапил во контакт со 20-годишна скопјанка, на која лажно и се претставил, а потоа подолг временски период ја уценувал дека доколку не му исплати 300 евра, ќе објави компромитирачки фотографии и видеа за неа.
Уценетата му исплатила 150 евра, но тој продолжил секојдневно да ја уценува, па таа го пријавила случајот. На договорено примопредавање на дел од парите осомничениот бил затекнат и лишен од слобода.
Јавниот обвинител до судијата на претходна постапка од Основниот кривичен суд Скопје достави предлог за определување повеќе мерки на претпазливост – забрана за напуштање на живеалиште односно престојувалиште, обврска да се јавува повремено кај службено лице во судот, привремено одземање на патната исправа и забрана за издавање нова, забрана за приближување и воспоставување контакти со оштетената, како и забрана за користење на социјалните мрежи преку кои го сторил делото. Сите мерки се прифатени и определени од судот.
Црна хроника
Уште тројца работници од Непал исчезнале од Скопје
![](https://makfax.com.mk/wp-content/uploads/2023/06/MVR-policija.jpg)
Вчера во 11.25 часот во Полициската станица Карпош, Р.И.(64) од Скопје, во својство на управител на правно лице од Скопје, пријавила дека три машки лица од Непал на возраст од 26, 36 и 43-годишна возраст се оддалечиле од местото каде престојувале, а биле вработени кај правното лице.
Се преземаат мерки за пронаоѓање на лицата.
Црна хроника
Побарал 300 евра од девојка за да не објави видеа со компромитирачки материјал
![](https://makfax.com.mk/wp-content/uploads/2019/08/200-евра-1.jpg)
Вчера околу 14.30 часот полициски службеници од Единицата за насилен криминал при СВР Скопје во координација со ОЈО Скопје на територија на населба Ченто во Скопје го лишија од слобода А.О. (23) поради сторено кривично дело „уцена“ по член 259 од КЗ, информираат од МВР.
-Имено, на 25.06.2024, 20-годишна девојка во СВР Скопје пријавила дека А.О. побарал од неа 300 евра за да не објави фотографии и видеа со компромитирачки материјал.
На 14.06.2024 таа веќе му дала 150 евра, но уценувањето не престанало и таа го пријавила случајот во СВР Скопје. Од страна на полициски службеници и биле дадени крим технички обработени пари и откако А.О. ги зел, бил лишен од слобода.
Од него е одземен и телефонски апарат со кој го извршил кривичното дело и поднесена е кривична пријава по брза постапка, стои во соопштението на МВР.