Македонија
„Едно село – еден производ“, ефикасен начин за промоција на земјоделските производи
Националната федерација на фармери организираше промотивна работилница во Неготино, на која беа презентирани резултатите од проектот „Развој на локалната индустрија во земјоделските региони преку зајакнување на капацитетот за управување и маркетинг“.
Како што соопшти денеска НФФ, проектот е поддржан од Јапонската агенција за меѓународна соработка (JICA) и првпат во руралните средини во државава ја воведува методологијата „Едно село – еден производ“ .
„Методологијата ‘Едно село – еден производ’ се покажа како ефикасен начин за промоција на земјоделските производи и нивните преработки, со цел развој на локални бизниси препознатливи во руралните средини. Преку пилот интервенција во неготинското село Тимјаник, каде што се произведува маџун, беше демонстрирана потенцијалната успешност на овој иновативен пристап. Оваа промотивна работилница го истакна значењето на „Едно село – еден производ“ како модел за одржлив економски развој и го потврди потенцијалот на руралните заедници во Република Северна Македонија да создадат квалитетни и препознатливи производи“, соопштуваат од НФФ.
На работилницата со поздравни говори се обратија: Казуја Оцука, амбасадор на Јапонија во државава, Нагашима Маана, претставник на JICA, Горан Стојанов, градоначалник на општина Неготино и Стеван Орозовиќ, извршен директор на Националната федерација на фармери.
„Проект менаџерот во НФФ, Билјана Петровска – Митревска посочува дека целта на оваа методологија е да ги поттикне локалните заедници да ги користат своите ресурси и вештини за создавање уникатни производи кои ќе бидат конкурентни на домашниот и меѓународниот пазар. Пристапот не само што придонесува за економскиот развој на одделен регион“, вели Петровска – Митревска, туку исто така обезбедува платформа за зачувување и промоција на производството и наследството на локалните заедници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ избира ново раководство
Социјалдемократскиот сојуз на Македонија денес ќе го одржи 30. партиски Конгрес, на којшто ќе биде избрано новото партиско раководство.
Со тоа ќе стане извесно кој се’ ќе ги носи клучните одлуки во опозициската партија која в година повторно ќе треба да се соочи со гласачите на локалните избори
Социјалдемократите известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.