Спорт
Де Кетеларе е играч на Аталанта
Белгискиот фудбалер, Шарл де Кетеларе кариерата ќе ја продолжи во Аталанта. Клубот од Бергамо, актуелен освојувач на Лига Европа, реши да го откупи неговиот договор од Милан.
Де кетеларе, пред две лета пристигна во Милан од Клуб Бриж за 36.000.000 евра, но на „Сан Сиро“ не успеа да покаже квалитет.
Следеше позајмица во Аталанта минатото лето, каде одлично се вклопи во системот на Џанпјеро Гасперини. Белгиецот беше важна алка за сите успеси на Аталанта оваа сезона.
Тоа беше доволно клубот од Бергамо да го задржи и да плати 26.000.000 за неговите услуги, додека Милан исто така ќе добие 10 отсто од следната продажба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Грузија е новата бајка на европското првенство
Грузиските фудбалери го продолжуваат натпреварувањето на Европското првенство.
Во последното коло од групната фаза ја совладаа Португалија со 2:0 и како третопласирани од групата Ф ќе играат во осминафиналето на ЕП 2024.
Тие извојуваа одлична победа против комбинираниот тим на Португалија благодарение на головите на Хвича Кваратскелија во втората минута и Јоргос Микаутадзе од пенал во 57. минута.
Португалија го загуби натпреварот, а поразот беше нешто што можеше да си го дозволи, бидејќи не влијаеше на нивниот конечен пласман во групата Ф. Португалците во текот на натпреварот се бореа против Грузија, која беше храбра и паметна и ја заслужи среќата што им беше наклонета.
Грузијците својот величенствен дебитантски настап на ЕП го почнаа со пораз од Турција, а потоа одиграа нерешено со Чешка и кога беше најпотребно, против најдобриот ривал од групата, покажаа дека заслужиле да поминат .
Грузија во осминафиналето ќе игра против Шпанија, селекцијата која според многу експерти е најголемиот фаворит за освојување на овој турнир. Шпанија досега е непоразена во натпреварувањето и нема примено ниту еден гол, постигнувајќи пет.
Португалија како првопласирана од групата ќе игра против Словенија, третопласираната од групата Ц. Чешка го заврши своето учество на турнирот.
Кристијано Роналдо за прв пат во кариерата не успеа да постигне гол во групната фаза на еден голем турнир.
Спорт
(ВИДЕО) Грузија е новата бајка на европското првенство
Грузиските фудбалери го продолжуваат натпреварувањето на Европското првенство.
Во последното коло од групната фаза ја совладаа Португалија со 2:0 и како третопласирани од групата Ф ќе играат во осминафиналето на ЕП 2024.
Тие извојуваа одлична победа против комбинираниот тим на Португалија благодарение на головите на Хвича Кваратскелија во втората минута и Јоргос Микаутадзе од пенал во 57. минута.
Португалија го загуби натпреварот, а поразот беше нешто што можеше да си го дозволи, бидејќи не влијаеше на нивниот конечен пласман во групата Ф.
Португалците во текот на натпреварот се бореа против Грузија, која беше храбра и паметна и ја заслужи среќата што им беше наклонета.
Грузијците својот величенствен дебитантски настап на ЕП го почнаа со пораз од Турција, а потоа одиграа нерешено со Чешка и кога беше најпотребно, против најдобриот ривал од групата, покажаа дека заслужиле да поминат .
Грузија во осминафиналето ќе игра против Шпанија, селекцијата која според многу експерти е најголемиот фаворит за освојување на овој турнир. Шпанија досега е непоразена во натпреварувањето и нема примено ниту еден гол, постигнувајќи пет.
Португалија како првопласирана од групата ќе игра против Словенија, третопласираната од групата Ц. Чешка го заврши своето учество на турнирот.
Кристијано Роналдо за прв пат во кариерата не успеа да постигне гол во групната фаза на еден голем турнир.
Спорт
(ВИДЕО) Турција продолжува понатаму
Турските фудбалери се пласираа во нокаут фазата на Европското првенство, откако во последното коло од групата Ф ја совладаа Чешка (2:1).
Натпреварот „беше“ решен во 20. минута кога Антонин Барак доби два брзи жолти картони и го заврши натпреварот.
Чесите се сами виновни што се доведоа во ситуација да бркаат победа со играч помалку, иако сигурно ќе има и такви кои ќе го обвинат Иштван Ковач .
И покрај предноста, Турците не постигнаа гол во првите 45 минути.
Од старт тргнаа во офанзива и веќе имаа резултат во 51. минута.
Неколку пати шутираа и беа блокирани, противничкиот голман одбрани, но не можеше кога топката стигна до Хакан Чалханоглу, кој ја смести топката во голот.
Чешка израмни преку Томаш Соучек со играч помалку во 65. минута.
Конечниот резултат го постави Ченк Тосун во четвртата минута од судиското надополнување.
Турција во нокаут фазата ќе игра против Австрија.