Спорт
(Видео) Италија со победа над Албанија ја започна одбраната на титулата
Актуелниот шампион Италија со победа над Албанија од 2:1 ја запошна одбраната на титулата на Европското првенство.
Натпреваро запошна шокантн за Италијанците кои примија гол по само 23 секунди. Бајрами ја искористи грешката на Димарко и го постигна најбрзиот гол во историјата на ЕП. До последната минута од натпреварот тоа беше се што направија Албанците на овој натпревар.
По голот фудбалерите на Албанија веднаш се повлекоа зад топката, а на Италијанците не им требаше многу за да се вратат во игра.
Италија имаше корнер во 11. минута од натпреварот, топката дојде до Пелегрини кој упати одличен центаршут и на втората статива го пронајде Бастони кој ја заби топката во мрежата.
Само пет минути подоцна Италија направи целосен пресврт. Николо Барела ја искористи лошо исфрлената топка од албанската одбрана и упати фантастичен волеј удар кој Стракоша не можеше да го одбрани.
Италија целосно ја презеде иницијативата, Албанија чекаше прилика од контранапад, а во 33. минута Фратези можеше да ја зголеми предноста на „аѕурите“, сепак стативата го спаси Стракоша.
До крајот на првото полувреме Скамака можеше да постигне гол во 40. минута, Стракоша беше на вистинското место и го одбрани ударот на напаѓачот на Аталанта.
Во второто полувреме, Италијанците се решија само да ја контролираат топка и да чекаат грешка на Албанците. Во 60. минута Скамака му ја додаде топката на Киеза, но играчот на Јувентус од 16 метри шутираше покрај стативата.
До крајот Италија имаше иницијатива на теренот, но не успеа да направи многу. Нападите беа бавни, без вистинска идеја и без желба да се нападне голот на Албанија.
Таквата определба можеше сакпо да ги чини, бидејќи Манај имаше шанса во 90. минута по одлична долга топка, но ударот го одбрани Донарума.
Следниот натпревар „азурите“ ќе го играат за пет дена против Шпанија, додека Албанија ден порано ќе игра со Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иванишвили ќе ги „части“ Грузијците
Биџина Иванишвили поранешниот премиер на Грузија, вети дека ќе и даде 30 милиони лари (близу 10 милиони евра) на фудбалската репрезентација доколку ја победат Шпанија по антологискиот пласман во осминафиналето на ЕП.
Грузиската репрезентација предводена од поранешниот француски репрезентативец Вили Сањол ја совлада Португалија со 2:0 и се пласираше во осминафиналето каде ќе се сретне со Шпанија.
Биџина е основач на владејачката политичка партија Грузиски сон и поранешен премиер на земјата од октомври 2012 до ноември 2013 година.
За него победата против Португалија е „историски триумф од соништата“.
Грузија, која првпат настапува на ЕП в недела од 21.00 часот во Келн игра против Шпанија.
Спорт
(ВИДЕО) Партизан пред големо засилување, пристигнува замена за Пантер
Кошаркарскиот клуб Партизан пред потпис со Стерлинг Браун.
Неофицијално двете страни веќе извесно време се во преговори кои одат во добра насока.
Доколку остане така, дефанзивецот кој ја мина дебитантската сезона во Евролигата во Алба Берлин ќе ги засили црно-белите и на тој начин ќе ја пополни дупката на надворешните позиции создадена со заминувањето на Кевин Пантер.
Браун на 29 натпревари имаше просек од 11,2 поени, 3,3 скока и 2,4 асистенции. Најдобриот меч го одигра против Олимпија од Милано каде постигна 18 поени.
На два меча против Партизан постигна осум, односно 14 поени.
Пред Алба, Браун играше во НБА каде што стартуваше во Милвоки, а потоа патувањето го однесе низ Хјустон, Далас и Лос Анџелес Лејкерс.
Спорт
Најголемо разочарување на ЕУРО 2024
Според Руските медиуми Србија е најголем „неуспех“ на шампионатот.
Оставија најлош впечаток од сите репрезентации, постигнаа само еден гол и генерално одиграа под стандардот што го бара модерниот фудбал.
Па така на Србија и ја „закачија“ најнепопуларната „етикета“.
„Третото коло беше одлична можност Србија да остане на ЕУРО, но ја пропуштија затоа што играа просечно.
Да, противникот не беше најлесниот – Данците можат да бидат опасни, но она што го сервираше тимот на Стојковиќ беше под просек.
Еден шут во првото полувреме, уште неколку на крајот од второто и без креативна одбрана.
Србите ќе останат запаметени како најнеефикасниот тим на ЕУРО“, пишува рускиот портал „ Спорт-експрес“
Во истиот текст, Грузија е прогласена за најдобра репрезентација во првата фаза, а голманот за најдобар поединец.
Додека за најдобар натпревар е издвоен дуелот меѓу Австрија и Холандија (3:2 ).