Спорт
ФФМ од Даку побара да ѝ се извини на македонската држава, а од УЕФА да го казни албанскиот репрезентативец
![](https://makfax.com.mk/wp-content/uploads/2024/06/91493_profimedia-0883166315_f.jpg)
Фудбалската федерација на Македонија се огласи по повод навредите кои од теренот на стадионот во Хамбург, ги испрати албанскиот репрезентативец Мирљинд Даку.
Даку (26), роден во Гњилане, инаку фудбалер на Рубин од Казан, додека го славеше со навивачите нерешениот резултат на неговата репрезентација против Хрватска (2:2), зеде мегафон и извика „Е..ш Македонци“.
Ooo qifsa maqedonën pic.twitter.com/CWwAi5sqAq
— 𝗦𝗼𝗹𝗮𝗿𝗻𝗶𝗸® 🪬 (@SolarNik) June 19, 2024
Претходно за време на турнирот, камерите снимија и тетоважа на грбот на Даку, која ја покажува неговата почит командант на УЧК кој загина во 1999 година.
„Ја изразуваме нашата длабока загриженост и недвосмислена осуда во врска со националистички скандирања од Мирлинд Даку, репрезентативец на Албанија, насочени против македонската држава по завршување на вчерашниот натпревар Хрватска – Албанија од Европското првенство.
Однесувањето е неприфатливо и спротивно на основните вредности на спортскиот дух и меѓусебното почитување што ги промовира фудбалот.
Спортот, особено фудбалот е основа за здржување на луѓето од различна национална припадност и средина за соработка и почит.
Националистичката реторика, сепак, ги поткопува овие принципи, поттикнувајќи поделба и непријателство меѓу навивачите и општествата.
Принципите на политичка неутралност се вградени во регулативите на меѓународните асоцијации како што се ФИФА и УЕФА. Фудбалската федерација на Македонија за ваквото скандалозно однесување ќе прати официјален допис до УЕФА.
Го повикуваме фудбалерот на Албанија, Мирлинд Даку јавно да се извини за своето однесување, препознавајќи ја штетата што ја предизвика.
Исто така, ги повикуваме релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти.
Нашата посветеност за промовирање единство, почит и фер игра во спортот останува на прво место“.
Сигурно е дека Даку за овој испад ќе биде казнет од УЕФА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Златното момче со најскап трансфер
![](https://makfax.com.mk/wp-content/uploads/2024/06/lamal.jpg)
Ламине Јамал, десното крило на Шпанија и Барселона, по одличната сезона за клубот се истакна и за националниот тим на ЕУРО 2024.
Каталонскиот Мундо Депортиво на својата насловна страница открива дека неговиот клуб среде ЕП во Германија одбил понуда од 250 милиони евра за продажба на Ламине. Изворот наведува дека понудата била испратена од ПСЖ, но Барселона ја одбила сумата што би можела да го направи најскапиот фудбалер тинејџер во историјата.
Жоан Лапорта во март откри дека добил и одбил понуда од 200 милиони евра за феноменот од неименуван клуб.
Уште тогаш шпанските медиуми пишуваа дека е испратена од ПСЖ.
Интересно, најскапиот трансфер во историјата е оној од Барселона во ПСЖ во 2017. Тогаш Нејмар направи трансфер за 222 милиони евра.
Барселона мораше да го пушти бидејќи неговата откупна клаузула беше многу висока. Клаузулата на Јамал изнесува една милијарда евра.
Спорт
Резултатот, не е разочарувачки
![](https://makfax.com.mk/wp-content/uploads/2024/06/SPALETI.jpg)
Во првиот натпревар од нокаут фазата Италијанците загубија од Швајцарија со 2:0 и останаа без можност да ја одбранат титулата освоена пред три години.
За Спалети исто како и за Пикси, резултатот не е разочарувачки.
„Тој гол на почетокот на вториот дел ни ги отсече нозете. Разликата ја направи темпото, тие беа многу побрзи од нас.
Не можеме повеќе од ова, на ова ЕП не дојдовме во најдобра кондиција“, изјави Спалети.
„Што се однесува до одговорноста, таа секогаш е на тренерот. Јас бирав. Гравина секогаш ме третираше како сериозен професионалец и ќе видиме што ќе каже“.
Морам да сменам нешто, но мислам сепак ова не е толку лош резултат.
Поминавме низ тешка група, ова се нашите можности.
Темпото на игра пресуди во корист на Швајцарија, изјави Спалети.
Спорт
За прв пат прекинат меч на ова европско првенство
![](https://makfax.com.mk/wp-content/uploads/2024/06/GROM-NOVO.jpg)
Фудбалерите на Германија и Данска играа натпревар од осминафиналето на Европското првенство, но истиот беше прекинат.
Прекинот на натпреварот е поради невремето кое ја зафати Германија. Дождот не е проблем, но грмотевиците се закана за фудбалерите.
Поради тоа играчите го напуштија теренот по инструкции на судијата Мајкл Оливер.
Причината е гром кој удри во близина на стадионот.
Сите играчи се во соблекувалната и нема информации што ќе се случи следно, и дали и кога ќе продолжи натпреварот вечерва.