Спорт
Спалети: Шпанците за нас беа премногу силни
Селекторот на италијанската репрезентација Лучано Спалети по поразот на неговата репрезентација од Шпанија (0:1) призна дека играчите на „црвената фурија“, биле многу подобри на теренот.
Шпанија со победата над бранителот на титулата од првата позиција во групата обезбеди место во осминафиналето, додека Италијанците треба да размислуваат за мечот со Хрватите кои не смеат да го загубат доколку сакаат да им се придружат на Шпанците во топ 16.
„Нивната свежина ја направи разликата, тие беа многу побрзи од нас. Често доцневме со читањето на нивните акции. Клучот на проблемот е секогаш ист: бевме под секое ниво кога требаше да реагираме. Имавме проблеми со нивната брзина и изборот на додавања и акции.
Во вториот дел успеавме да бидеме поенергични и поагресивни, создадовме ситуации кои можеа да не доведат до реми. но сепак беа пресилни за нас, како и што претходно беа и за Хрватска и заслужено се први сега треба да размислиме како да се пласираме во осминафиналето, а тоа ќе зависи од нашиот избор на игра, тактика…ако изборот не е добар, ако нема вистински решенија, тогаш работите се комплицираат“, рече Спалети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шалке испратиле понуда до Раул Гонзалес
Раул Гонзалес Бланко, легендата на Реал Мадрид, пет години е на чело на резервниот тим на Реал Мадрид Кастиља, а за тоа време добил и одбил многу други понуди.
Раул останува верен на својот клуб, но сега на негова адреса пристигна нова понуда. Според „Релево“, Шалке го сака Раул на клупата.
Германскиот гигант, се натпреварува во Цвајта и не му оди најдобро. На табелата се наоѓа на 16.место, поради што тренерот Карел Геретс остана без работа.
Легендарниот фудбалер е запознаен со Гелзенкирхен, како играч мина две сезони во Шалке, а дали ќе биде во искушение да го напушти Мадрид ќе покаже времето.
Спорт
Талентот не е наследен – Енцо Зидан ја заврши кариерата
Енцо Зидан одлучи да стави крај на фудбалската кариера на 29 години, објавија шпанските медиуми. Најстариот син на легендарниот Зинедин Зидан е без ангажман повеќе од една година, откако летото 2023 година го напушти шпанскиот третолигаш Фуенлабрада.
Планот на Енцо Зидан е да се посвети на семејството, бидејќи со сопругата Карен Гонкалвес од Венецуела има три ќерки и инвестиции во различни бизниси.
„АС“ пишува и дека Енцо повеќе не сакал да игра во шпанските нисколигаши и сфатил дека нема да направи некоја посериозна фудбалска кариера.
Синот на Зидан ја започна кариерата во академијата на Јувентус во 2004 година, пред да се пресели во академијата на Реал Мадрид, клубови каде што неговиот татко остави најголема трага.
Подоцна играл за Алавес, швајцарска Лозана, Мајадаонда и Алмерија во Шпанија, Депортиво Авес во Португалија и францускиот Роде.
Енцо беше најблиску до првиот тим на Реал кога неговиот татко Зинедин беше тренер, често тренираше со најголемите ѕвезди на „кралскиот“ тим, но успеа да забележи само еден настап.
Тоа беше на натпреварот против Леонеса во Купот на кралот, кога играше полувреме, а за 45 минути на теренот успеа да постигне гол.
Спорт
Рафаел Варан подготвен да ја заврши кариерата
Поранешниот француски репрезентативец Рафаел Варан е блиску до одлука да стави крај на професионалната кариера, пренесуваат италијанските медиуми.
Искусниот дефанзивец (31) летово пристигна во Комо како слободен фудбалер, но веќе на првиот меч против Сампдорија во Купот на Италија се здоби со повреда на коленото и мораше да го напушти теренот по само 23 минути игра.
Состојбата на неговото колено е таква што го чека долга пауза, поради што за првиот дел од сеозната клубот не го лиценцираше за настап во Серија А, а бројни италијански медиуми тврдат дека тој сериозно размислува да ја заврши кариерата.
Варан во Комо дојде како слободен играч од Манчестер јунајтед, а со клубот потпиша договор до 2026 година.
Варан четири пати во кариерата со Реал Мадрид ја освојуваше Лигата на шампионите, а со француската репрезентација во 2018 година стана и светски шампион.