Македонија
Муцунски од Луксембург: Проширувањето на ЕУ со земјите од Западен Балкан е геостратешка инвестиција во мирот
Министерот за надворешни работи и надворешна трговија, Тимчо Муцунски, на покана на потпретседателот на Европската Комисија и високи претставник на ЕУ за надворешни работи и безбедносна политика, Жозеп Борељ, учествуваше на неформалниот состанок на Советот за надворешни работи на ЕУ со земјите партнери од Западен Балкан.
Муцунски во обраќањето ја истакна посветеноста на новата влада за забрзување на темпото на реформските постигнувања што водат кон остварување на зацртаната цел: што поскоро членство на земјата во ЕУ.
„Цврсто верувам дека проширувањето на ЕУ е еден од најуспешните мировни проекти на европскиот континент, што придонесува во градењето отпорни општества, а јасно е дека членството на земјите од Западен Балкан во Унијата претставува т.н. геостратешка инвестиција во мирот, стабилноста и просперитетот на континентот како целина“, истакна Муцунски.
Во контекст на актуелните светски случувања, нагласи дека воената агресија на Руската Федерација против Украина е најитниот и најголемиот предизвик на европскиот континент, но и пошироко. Истиот има големо негативно влијание и врз земјите од Западен Балкан, кои што потенцијално отвораат зона за можна дестабилизација на Регионот.
„Нашата земја го задржува својот принципиелен став во однос на Украина кој го има заземено уште од првиот ден на почетокот на војната, осудувајќи ја бруталната агресија на Русија, како и давајќи недвосмислена поддршка на суверенитетот и територијалниот интегритет на Украина. Имаме целосно усогласување со заедничката надворешна и безбедносна политика на ЕУ, вклучувајќи ги и сите рестриктивни мерки донесени од страна на ЕУ против Русија, а едновремено давајќи политичка, хуманитарна и воена поддршка на Украина“, потенцираше Муцунски.
На состанокот беше повторена заемната заложба за натамошна поддршка на интеграцијата на земјите од Западен Балкан во ЕУ, што претставува споделена стратешка цел и гаранција за безбедноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.
Македонија
Гори стан во Скопје, пожарни се упатија кон местото, извести ЦУК
Директорот на ЦУК, Стојанче Ангелов извести дека гори стан во зграда кај старо матично.
„Од 112 добиена е пријава дека има пожар во стан на посочената адреса. Локацијата е улица Виа Игнација 8, Скопје. Известени се екипи од Територијална противпожарна бригада на Град Скопје“, информира Ангелов.
Македонија
Падна дел од фасада на зграда во Аеродром
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански, број 38, во скопски Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.