Свет
Уапсени двајца криминалци – го уценувале семејството на Шумахер, барале 15 милиони евра
![](https://makfax.com.mk/wp-content/uploads/2024/06/7b398de5-0bf0-409a-a164-9af96e2509b6.jpg)
Двајца криминалци се обиделе да изнудат поголема сума пари од семејството на Михаел Шумахер, но биле уапсени, соопшти државното правобранителство во Вупертал, Западна Германија.
„Двајца осомничени од Вупертал сакале да го уценат семејството на Михаел Шумахер за големи суми пари тврдејќи дека поседуваат материјал што семејството не сака да биде објавен“, соопштија од Јавното обвинителство во Вупертал.
Осомничените, кои беа уапсени минатата недела, се заканија дека доколку семејството не ги плати парите, ќе ги објават материјалите на интернет. Станува збор за татко (53) и син (30), на кои веќе им е изречена условна казна за друго кривично дело. Весникот „Билд“ пишува дека осомничените сакале да изнудат 15 милиони евра од семејството Шумахер.
Во соопштението на Обвинителството се наведува дека истражителите стигнале до осомничените користејќи мерки што откриле од каде дејствувале сторителите. Во 2017 година веќе имаше обид за уцена на семејството Шумахер, а потоа 25-годишен маж беше осуден на условна казна.
Поранешниот повеќекратен светски шампион во Формула 1, Михаел Шумахер, во 2013 година доживеа тешки повреди на главата на скијање и оттогаш многу малку се знае за неговото здравје Семејството силно ја брани неговата приватност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шолц: Со нетрпение чекам Ердоган да дојде на фудбалскиот натпревар
![](https://makfax.com.mk/wp-content/uploads/2022/04/olaf-solc.jpg)
Германскиот канцелар Олаф Шолц денеска изјави дека со нетрпение ја очекува посетата на турскиот претседател Реџеп Таип Ердоган на Берлин во сабота, кога ќе присуствува на фудбалскиот натпревар меѓу Турција и Холандија во рамките на Европското првенство.
„Мило ми е што турскиот претседател доаѓа на овие игри, како и многу шефови на држави и влади, вклучително и некои кралски семејства“, рече Шолц на прес-конференција, пренесе Ројтерс.
Кабинетот на турскиот претседател го потврди неговото присуство на натпреварот во четвртокот, по критиките кон турскиот играч Мерих Демирал, кој го прослави голот со прстите покажувајќи симбол поврзан со екстремната десница.
Демирал ги отфрли обвинувањата, велејќи дека поздравот има врска со турскиот идентитет, а не со „Сивите волци“, турска националистичка организација одговорна за нападите врз Курдите, Грците и Ерменците, пренесува „Билд“.
Германската министерка за внатрешни работи Ненси Фазер најави дека за такви симболи нема место на стадионот, а после тоа УЕФА покрена истрага за нејзините изјави и се очекува Демирал да ги сноси последиците, пишува медиумот.
Германското Министерство за надворешни работи го повика турскиот амбасадор на интервју во четврток, за да биде јасно дека „зближувањето на луѓето е главната цел на организаторите на Европското првенство“, а два дена откако германскиот амбасадор беше интервјуиран во Анкара , пренесува Танјуг.
Свет
Ле Пен: Нашата партија има сериозни шанси за апсолутно мнозинство во парламентот
![](https://makfax.com.mk/wp-content/uploads/2023/11/677z381_677z381_Mari-le-Pen-epa-efe-k.b.-nnn.jpg)
Лидерката на француската десничарска партија Национален собир (РН), Марин Ле Пен денеска изјави дека нејзината партија има „сериозни шанси“ за апсолутно мнозинство во францускиот парламент и ги повика граѓаните да гласаат на изборите во недела.
„Имаме сериозни шанси да имаме апсолутно мнозинство во Националното собрание“, изјави Ле Пен за „CNews“, иако анкетите покажаа дека таквото сценарио е помалку веројатно, пишува Гардијан.
Во првиот круг од изборите, кој се одржа на 30 јуни, РН освои околу 34 отсто од гласовите.
Свет
(Видео) Два вулкани еруптираа во Италија: улиците се чистат од пепел, аеродромот затворен
![](https://makfax.com.mk/wp-content/uploads/2024/07/fdg.jpg)
Еррупциите од италијанските вулкани Етна и помалите Стромболи, придружени со исфрлање врела пепел и лава, денеска го подигнаа нивото на тревога на Сицилија и ги принудија властите да го затворат аеродромот во Катанија.
Етна, еден од најактивните вулкани во светот, е исклучително активен во последните денови, а неговите ерупции го осветлуваат небото во близина на градот Катанија.
The Etna volcano has started erupting again
It is located in Italy on the eastern coast of Sicily.
Because of the eruption, the airport of Catania was closed. Residents of Sicily suffer from dust and ash – they have to walk along the streets under umbrellas or with bags on… pic.twitter.com/l9urtEqNvi
— NEXTA (@nexta_tv) July 5, 2024
Италијанската цивилна заштита издаде црвен аларм за Стромболи, предупредувајќи на можно влошување на ситуацијата. Министерот за цивилна заштита Нело Мусумеци рече дека плановите за евакуација на населението во Стромболи се „во подготвеност“. Противпожарната служба на островот двојно го зголеми бројот на дежурни пожарникари.
L’Stromboli, l’Etna i el Popocatepetl. En un sol dia. Ahir pel matí. 🤔😏 pic.twitter.com/TxPYn25qvW
— JosepBastardas ☭ (@josepbastardas) July 4, 2024
Околу градот Катанија, на источниот брег на Сицилија, жителите и властите почнаа да ги чистат улиците од вулканска пепел. Поради вулканската пепел, пистата на аеродромот е оневозможена и откажани се сите полетувања и пристигнувања на авиони.