За златната генерација по лошиот групен дел од натпреварувањето и тешкиот костур кој ги очекува во нокаут фазата, простор за оптимизам има се помалку.

Белгија едвај ја преживеа групата. Во првото коло беше поразена со минимален резултат од Словачка.

И двата поништени гола послужија како дополнителна сол на раната.

Вториот меч послужи за максимално оправдување. Избраниците на Доменико Тедеско успеаја да ја совладаат Романија со 2:0.

Во последниот натпревар по пораз и победа успеаја да извлечат реми. Нерешениот резултат 0:0 со Украина им донесе (незаслужен) пласман во осминафиналето, а Украинците ги испрати дома.

Еден Азар ја заврши кариерата, а ова може да биде последен меч за Аксел Витсел, Јан Вертонген, Тома Меуниер, Кевин де Брујн, Јаник Караско и Ромелу Лукаку на континенталните првенства

Повторно ќе се очекува многу од Џереми Доку и Ромелу Лукаку. Доку е најталентираниот фудбалер од новата генерација додека Лукаку како што знае и умее ќе има задача да ги надополни лошите игри кои ги одигра досега.

Двете репрезентации досега имаат одиграно дури 18 дуели. Французите имаат благо водство со седум победи, Белгијците пет, а шест меча завршиле без победник.

Франција останува меѓу главните фаворити за победа, иако досега не го одигра најдобриот натпревар како најголем фаворит во групата.

„Галските петли“ имаат тројца напаѓачи во тимот кои се меѓу четворицата најдобри во историјата на француската репрезентација. Рекордер е ветеранот Оливие Жиру, Антоан Гризман и еден од најдобрите играчи во светот Килијан Мбапе.

Тука се и Коман, Маркус Турам, Усман Дембеле и Рандал Коло Муани.

Првото коло го донесе очекуваниот исход – победа на Франција против Австрија.

Резултатот и прикажаното на теренот не ветуваа многу, па Французите славеа со автогол.

Вториот меч, дуелот со Холандија, на гледачите им го донесе првиот натпревар без голови во првенството.

Полјаците, аутсајдери во групата, извојуваа реми со храбриот гол на Левандовски од пенал во 79. минута. што значеше дека Французите ќе одат од второто место во нокаут фазата.

Сепак, нивниот напад досега не ги оправда очекувањата, па се очекува конечно да профункционираат како вистински тим.

Страшна трагедија се случи на турнирот во бадминтон во Индонезија која ја потресе тамошната јавност.

Имено, младиот Жанг Жиџие (17) почина за време на натпреварот.

На вознемирувачкото видео се гледа како Жанг колабира на теренот, а лекарите влетуваат и се обидуваат да му помогнат.

中國羽球選手張志杰，昨晚在印尼亞青錦標賽中對陣日本選手時，突然倒地開始抽蓄。

送醫後不治身亡。 pic.twitter.com/6bry9uL5h8

— 風暴士兵 🪐🪬Taiwan only (@dabowagaga) July 1, 2024

„Бадминтон Азија, ПБСИ и организацискиот комитет се крајно тажни и им изразуваат најдлабоко сочувство на родителите, семејството на Жанг и Кинеската асоцијација за бадминтон (CBA). Светот на бадминтон загуби талентиран играч“, се вели во соопштението.

– Медицинските извештаи покажуваат дека жртвата доживеала ненадеен срцев удар – изјави Брото Хепи, портпарол на Здружението за бадминтон на Индонезија (ПБСИ).

Тој починал откога бил пренесен во болница.