Спорт
Грузија постигна „брз“ гол
Се чека расплетот во групата „Ф“ на Европското фудбалско првенство.
Со максимален учинок во групата, Португалија веќе обезбеди пласман во осминафиналето, а пласман во нокаут бараат Турција, Чешка и Грузија.
Најтешка задача е пред Грузија која на полувреме води со 1:0 против Португалија.
Турција, има најголеми шанси да се пласира во елиминациската рунда, но ќе мора да го оправда епитетот втор најдобар тим во групата против борбените Чеси, кои последните две ЕП ги завршија во нокаут фазата.
Португалија има шест бода и во случај да остане прва во групата, во осминафиналето ќе игра против третопласираната селекција од групата „А“ или „Ц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот на Португалија ќе се обиде да освои уште еден трофеј
Португалија ја мина групната фаза како првопласирана во групата Ф пред Турција, Грузија и Чешка.
Од друга страна, Словенија заврши на третото место во групата Ц пред Србија и зад Данска и Англија.
Победникот од овој дуел на турнирот ќе оди против Франција која со 1:0 ја совлада Белгија.
Од меч во меч Пепе и Кристијано Роналдо соборуваат рекорди во категоријата најстари играчи на Европското првенство, иако се уште се чека голот на првата ѕвезда на Ел Наср.
Роналдо преку асистенција до Бруно Фернандеш против Турција покажа дека е повеќе посветен на тимскиот успех отколку на личната статистика (помалку чудно за него)
Време е да ја покажат целата своја сила.
Кристијано Роналдо е единствениот играч со повеќе од десет настапи во нокаут рундата на Европското првенство – ова ќе му биде 12. меч.
На второто место е поранешниот италијански дефанзивец Леонардо Бонучи со девет настапи.
Европското првенство во Германија е последно за Кристијано Роналдо со оглед на тоа што наполни 39 години.
Капитенот на Португалија и вечен конкурент ќе се обиде со сите сили да освои уште еден трофеј за репрезентацијата од позицијата најдобар стрелец во историјата на натпреварувањето (14 гола), две децении по дебито на ЕП.
Со 25 настапи тој е и рекордер во овој сегмент на Европското првенство.
Спорт
Неговата вредност се проценува на 180 милиони евра
УЕФА покрена истрага за гестот што го направи англискиот играч Белингам откако постигна гол во 95. минута на натпреварот против Словачка во осминафиналето на Европското првенство, а потоа ја спушти раката до меѓуножјето.
Еден од најдобрите светски фудбалери поради ова би можел да биде суспендиран, пишуваат англиските медиуми, бидејќи го прекршил „основното правило за пристојно однесување“.
Иако подоцна сето тоа го опиша како внатрешна шега со блиските пријатели кои беа на натпреварот и рече дека нема ништо друго освен почит кон Словачка, Белингам може да се соочи со парична казна или суспензија од еден натпревар.
Тоа би бил четвртфиналниот натпревар од Европското првенство против Швајцарија, кој е закажан за в сабота на 6 јули.
Белингам ја започна својата кариера во Бирмингем, од каде Борусија Дортмунд го донесе во 2020 година за 30 милиони евра.
По три сезони во клубот од Дортмунд, Реал Мадрид плати повеќе од 100 милиони евра и со него потпиша договор на шест години.
Во првата сезона во мадридскиот клуб, со кој веднаш ги освои Лигата на шампионите и Ла Лига, забележа 42 настапи, 23 гола и 13 асистенции.
Во репрезентативниот дрес одигра вкупно 33 натпревари и постигна пет гола. На претходното европско речиси сите минути ги одигра против Србија (1:0), Данска (1:1), Словенија (0:0) и Словачка (2:1 по продолженијата). Со гол против Србија и донесе победа на Англија, а против Словачка ја спаси од испаѓање.
Неговата вредност се проценува на 180 милиони евра
Спорт
(ВИДЕО) Коло Муани ја елиминира Белгија
Уште од самиот старт на натпреварот беше јасно дека влогот е голем и дека притисокот ги „изеде“ и француската и белгиската репрезентација.
Се очекуваше внимателна игра, но никој не очекуваше само еден удар во рамката од голот.
Не видовме ништо интересно во првото полувреме, а можеби најинтересниот момент беше во 16. минута кога Караско падна во шеснаесетникот и побара пенал.
Франција имаше неколку шанси, но ниту со една не и се закани на Белгија. Во вториот дел ситуацијата беше слична, но играта беше подинамична и изедначена.
Турам и Мбапе имаа по еден удар кој малку ги загрижи Белгијците, но најдобрата шанса ја имаше Караско, кој во контранапад го проигра Кевин де Брујн, а Хернандез со лизгачки старт во шеснаесетникот ја исфрли топката.
Франција го реши во своја корист во 85. минута кога Коло Муани го погоди Вертонген во коленото и го постигна единствениот гол на натпреварот.
Французите со минимални 1:0 ја совладаа Белгија и се пласираа во четврт-финалето на Европското првенство.
Белгијците долго ќе го паметат овој пораз бидејќи не беа полоша екипа на овој меч, едноставно не ги искористија создадените шанси и имаа помалку среќа од триколорите.