Македонија
Ѓорѓиевски-Перински: во фокусот актуелните состојби и потребите кои ги имаат општините
![](https://makfax.com.mk/wp-content/uploads/2024/06/1-8-1.jpg)
Претседателот на ЗЕЛС, Орце Ѓорѓиевски денес оствари средба со новиот министер за локална самоуправа Златко Перински.
Како челник на здружението кои ги застапува сите единици на локалната самоуправа тој со новиот министер дискутираше за актуелните состојби и потребите кои ги имаат општините, фокусирајќи се на предизвиците со кои се соочуваат.
Градоначалникот Ѓорѓиевски го информираше министерот дека во последниве неколку седмици остварил повеќе поединечни средби со градоначалниците од различни општини и ги нотирале заедничките проблеми кои ги имаат, со цел што побрзо и поефикасно да се надминат.
Истакна дека сега, кога државата има нова централна власт, е оптимист дека состојбата значително ќе биде променета и дека очекува одлична соработка на општините со владата и министерствата, пред се со Министерството за локална самоуправа кое има поголеми надлежности во оваа сфера.
Од новиот министер Перински тој доби уверување дека соработката со локалната самоуправа ќе биде на одлично ниво и дека граѓаните наскоро ќе го почувствуваат бенефитот од таа соработка.
-Денес, како претседател на ЗЕЛС остварив прва средба со новиот министер за локална самоуправа Златко Перински, при што го информирав за актулните состојби и предизвиците со кои досега сите се соочувавме како резултат од непостоењето на соработка со претходната влада. Акцентот го поставив врз потенцијалите од една страна и заедничките предизвици од друга страна и можностите за нивно надминување. Како претставник на новата влада предводена од ВМРО ДПМНЕ, која најави големи средства за општините, посебно затоа што неговиот ресор е директно поврзан со единиците на локалната самоуправа, побарав поддршка посебно во најгорливите теми со кои сите се соочуваме- обезбедување на повисок степен на децентрализација и надминување на разликите помеѓу администрациите во локалната и централната власт поради кои општините се соочуваат со финансиски проблеми. Посебно ме израдува што наидов на позитивен прием од новиот министер Перински кој истакна дека е расположен за тесна соработка и дека општините може да сметаат на реализација на повеќе капитални проекти. Се договоривме дека заеднички ќе ги дефинираме приоритетите и динамиката на работа. Се’ на се’, сметам дека нашите жители наскоро ќе ги почувствуваат позитивните промени од фактот што ќе се работи сплотено и исклучиво на страна на граѓаните“, вели Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.