Свет
Паника меѓу демократите: Треба да номинираме некој друг пред да биде предоцна
![](https://makfax.com.mk/wp-content/uploads/2024/06/54b82076-75ce-45dc-8e0e-50b8cdc74662.jpg)
Џо Бајден се надеваше дека ќе ја смири загриженоста за неговата возраст и менталниот капацитет во првото соочување во претседателската трка во 2024 година. Наместо тоа, неговата 90-минутна презентација дополнително ја поттикна.
Еве неколку реакции од демократите:
Мариа Шивер, поранешна прва дама на Калифорнија и внука на Џон Ф. Кенеди, вели дека иако го сака Бајден, соочувањето било срцепарателно и дека кај Демократите завладеала паника.
„Соочувањето беше целосно предвидливo. Бајден имаше многу ниски цели за пресметката и не успеа ниту да ја постигне“, вели Хулијан Кастро, поранешен градоначалник на Сан Антонио и член на кабинетот на претседателот Барак Обама.
Ендрју Јанг, кој се кандидираше против Бајден на демократските прелиминарни избори во 2020 година, рече: „Демократите треба да номинираат некој друг – пред да биде предоцна“.
Зборувајќи за Њујорк Тајмс, неименуван ветеран демократ рече дека претседателот ќе се соочи со се поголеми повици да се повлече: „Џо беше почитуван од демократите. Сега тоа испари“.
Но, некои демократи, како Камала Харис, останаа оптимисти.
„Да, почетокот беше млак, но крајот беше моќен“, рече Харис на Си-Ен-Ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Трамп вели дека може да ја запре војната за еден ден, Путин: Тој е сериозен
![](https://makfax.com.mk/wp-content/uploads/2024/07/Screenshot-2024-07-04-182338.jpg)
Рускиот претседател Владимир Путин денеска изјави дека гледал делови од дебатата меѓу Џо Бајден и Доналд Трамп и дека сепак претпочита Бајден да биде новиот американски претседател.
Запрашан дали Бајден или Трамп се подобри и дали неговата преференца за Бајден се променила по дебатата, Путин рече: „Ништо не се смени“.
„Дали знаевме што може да се случи? Знаевме“, додаде тој. Путин неколку пати јавно кажа дека го претпочита Бајден отколку Трамп, дури и откако Бајден го нарече „луд кучкин син“.
На прашањето за изјавите на Трамп дека доколку победи на изборите може да ја прекине војната во Украина во рок од 24 часа, Путин рече дека Русија го сфаќа сериозно, но дека не знае никакви детали од мировниот предлог на Трамп.
„Фактот што господинот Трамп е претседателски кандидат покажува дека тој е подготвен и сака да ја запре војната во Украина, ние го сфаќаме тоа сериозно“, рече Путин.
„Се разбира, не сум запознаен со предлозите за тоа како тој мисли да го направи тоа. Тоа е клучно прашање. Но, нема сомнеж дека тој е сериозен во врска со тоа и ние го поддржуваме“, додаде тој.
Регион
Српските цариници запреле порше, во долната облека на жената нашле околу 60 илјади евра
![](https://makfax.com.mk/wp-content/uploads/2024/07/porshe-carina.jpg)
Цариниците на граничниот премин Градина меѓу Бугарија и Србија во соработка со полицијата спречија патничка да прошверцува речиси 57.000 евра преку граница во долна облека која ја носела.
Случајот бил откриен кога на контролната линија на излез од државата пристигнало „порше кајен“ со странски регистарски таблички, во кое двајца патници патувале од Германија кон Турција.
Иако пријавиле само личен багаж и дозволената сума на готовина, при претресот во долната облека и градникот на сопатникот биле пронајдени 56.800 евра. Понатамошна проверка открила уште 18.000 евра во чантата на возачот.
На патниците им се вратени по 10.000 евра, сума што може да се префрли преку граница без пријавување, додека за судбината на преостанатиот износ од 54.800 евра ќе одлучува надлежниот суд, пишува српски Блиц.
Свет
(Видео) Руските комичари кои ги насамарија европските политичари ја добија највисоката државна награда
![](https://makfax.com.mk/wp-content/uploads/2024/07/vovan-leksus.jpg)
Руското дуо измамници, кои често успеваат да насамарат политичари интересни за руската држава, ја добија највисоката државна награда на Кремљ, јави денеска државната новинска агенција РИА.
Тоа се Владимир Кузњецов и Алексеј Столјаров, кои ги користат псевдонимите Вован и Лексус, а РИА ја објави нивната фотографија направена на доделувањето на наградата во Кремљ со чаши шампањ во рака. Церемонијата се одржа вчера.
Наградата се доделува на руски и странски државјани. Критериумите за неговото доделување се зајакнување на мирот, пријателството, соработката и разбирањето меѓу Русија и другите народи.
Во јуни, Кузњецов и Столјаров објавија снимка од видео повик со британскиот министер за надворешни работи Дејвид Камерон, кој падна на нивната измама. Го натераа да помисли дека разговара со поранешниот украински претседател, а со нив разговараше за Украина, САД и НАТО околу петнаесет минути.
Дуото е добро познато во Русија бидејќи со годините успеа да измами бројни политичари. Меѓу нив се италијанската премиерка Џорџа Мелони, турскиот претседател Реџеп Таип Ердоган, а во 2022 година успеаја да го измамат и тогашниот британски министер за одбрана Бен Валас.