Свет
(Видео) Неколку секунди од дебатата предизвикаа загриженост: „Бајден изгледа дезориентирано“
![](https://makfax.com.mk/wp-content/uploads/2024/06/bb007993-ebbb-411a-9c46-28871225063e.jpg)
„Сè што требаше да направи Џо Бајден е да го повтори својот говор за состојбата на Унијата што ги исполни очекувањата“.
Таа реченица е од почетокот на анализата на „Политико“ за дебатата во која Бајден не само што разочара, велат, туку и им влеа страв кај демократите, меѓу кои може да се слушне дека треба да најдат друг кандидат за претседател.
Дебатата покажа дека Бајден на моменти го губи својот фокус на мисли, што според некои набљудувачи предизвикало „паника“ во Демократската партија и кампањата. Ваквите моменти им дадоа на поддржувачите на Трамп дополнителен материјал за напади. Имено, може да се слушне дека лошиот настап на Бајден во дебатата им наштетил на шансите на демократите да го победат Доналд Трамп на изборите.
What a line from the debate
“He did beat Medicaid, he beat it to death”
Fun Fact: These two have been eligible for Medicare for over 13 years pic.twitter.com/TjLEkQS4TF
— Nancy Pelosi Stock Tracker ♟ (@PelosiTracker_) June 28, 2024
Дејвид Акселрод, демократски стратег кој учествуваше во победите на Барак Обама во две претседателски кампањи, остро го коментираше настапот на Бајден.
„Изгледаше малку дезориентиран. Стануваше посилен како што одминуваше дебатата, но до тој момент мислам дека паниката започна“, изјави Акселрод за Си-Ен-Ен.
“I don’t know what he said”
“I don’t think he knows what he said either”
Trump responding to these “words” from Joe Biden
LMAOOOOO pic.twitter.com/4j9HxF3HcV
— Matt Wallace (@MattWallace888) June 28, 2024
„Со Бајден е готово – така предвидувам“, рече Џеј Сурдуковски, адвокат и демократски активист од Њу Хемпшир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Естонија нарача турски воени оклопни возила „Јорук“
![](https://makfax.com.mk/wp-content/uploads/2024/07/ј.jpg)
Естонија нарача оклопни возила на турската војска, „Јорук 4х4“, а турската воена компанија ќе испорача 100 од овие возила во рок од една година.
Со ова купување Естонија стана третата членка на НАТО што се одлучи за турски оклопни борбени возила „Јорук 4х4“, пренесува порталот на турската државна телевизија ТРТ.
Естонскиот претседател Алар Карис неодамна ја посети турската компанија Nurol Makina, која е еден од водечките турски производители на воени оклопни возила.
Свет
Oрбан по средбата со Зеленски: Го повикав да размисли за итен прекин на огнот
![](https://makfax.com.mk/wp-content/uploads/2022/12/orban-viktor.jpg)
Унгарскиот премиер Виктор Орбан, по средбата со украинскиот претседател за време на ненадејната посета на Киев, изјави дека побарал од Зеленски да размисли за итен прекин на огнот и додаде дека тоа е начин да се забрзаат мировните преговори со Русија.
Орбан нагласи дека Будимпешта сака да ги подобри врските со Украина и да потпише билатерален договор за соработка, но и да учествува во економскиот развој на Украина, пренесува „Ројтерс“.
Зеленски на заедничката прес-конференција рече дека денешните разговори со Орбан може да бидат основа за идните договори меѓу Киев и Будимпешта.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец) и за поддршката на заедничкото коминике од самитот. Нашата работа во овој формат навистина помага да се стави крај на војната“, изјави Зеленски.
Тој исто така му се заблагодари на Орбан што ја посети Украина првпат по 12 години.
Ова е прва посета на Орбан на Украина од почетокот на руско-украинската војна, а шефот на кабинетот на Зеленски, Андриј Јермак, на својот канал на „Телеграм“ објави дека Украина направила многу за таа посета да се оствари, пренесува „Укринформ“.
„Направивме многу за да ја оствариме оваа посета. Важни разговори за иднината на Европа, безбедноста, меѓународното право и формулата за мир“, напиша Јермак.
Посетата на Орбан дојде откога Унгарија вчера го презеде претседавањето со ЕУ во следните шест месеци.
Свет
Зеленски: Разговарав со Орбан за тоа како да се постигне фер и траен мир
![](https://makfax.com.mk/wp-content/uploads/2024/06/zelenski1.jpg)
Украинскиот претседател Володимир Зеленски изјави денеска, по средбата со унгарскиот премиер Виктор Орбан во Киев, дека двајцата разговарале за начините за постигнување праведен и траен мир.
„Благодарен сум ѝ на Унгарија за учеството на мировниот самит (во Биргенсток, Швајцарија, минатиот месец). Нашата работа во овој формат навистина помага да се стави крај на војната“, рече Зеленски во објава на „Икс“.
Тој исто така му се заблагодари на Орбан што ја посети Украина првпат по 12 години.