„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се поставува прашањето: дали и самиот е лично вклучен и ги диригира криминалните процеси во земјата?“, велат од СДСМ.

„Пред само неколку месеци, шефот на неговото обезбедување претепа полициски службеници и спречи полициска акција за сузбивање на дрога — настан што и тогаш МВР се обидуваше да го прикрие.

Вчера, неговиот личен избор за обезбедување, Ангел Самараков, беше фатен како оддава службени тајни на лица од Грчец. МВР цел ден се обидуваше да го скрие скандалот, но под притисок на медиумите кои ја дознаа вистината, беше принудено да излезе со информација во јавноста.

Ова ли се луѓето што ќе го „ресетираат“ системот?

СДСМ изразува сомнеж за постоење на силна координација и соработка меѓу најблиските луѓе на Мицкоски и криминалното подземје. Не е ни чудо што криминалот и уличните пресметки во државата во последните девет месеци се на историски највисоко ниво.

СДСМ прашува: дали обезбедувањето на Мицкоски самоволно делувало, или било испратено да пренесе информации, бидејќи тој лично, согласно своите надлежности, нема пристап до доверливи податоци? Кој му ги дал тие информации и кој ја диригира целата соработка со нарко-клановите од институциите?

Состојбата со безбедноста е крајно загрижувачка, а очигледно е дека криминланите структури во земјата имаат директен пристап и информации од најблиските луѓе на Мицкоски. Ова значи дека криминлаот во државата ќе ја владее државата и Мицкоски и ДПМНЕ се директни соучесници во тоа“, соопшти СДСМ.

„Левица, како автентичен претставник на обесправените работници, остро реагира на загрижувачките информации кои доаѓаат од вработените во ЈП „Македонски шуми”. Според бројни поплаки, ова Претпријатие е претворено во полигон за партиски злоупотреби, политички притисоци и директни закани кон работниците, додека вистинските проблеми остануваат нерешени“, велат од партијата Левица.

„Јавно го прашуваме заменик генералниот директор на ЈП „Македонски шуми”, Кире Михаилов, кадар на ДПМНЕ: Дали борбата против „шумската мафија“ е само параван за Ваша лична и партиска промоција? Веќе девет месеци, ЈП „Македонски шуми” е под Ваше раководство, а состојбата на терен не само што не се подобрува, туку станува сè понеподнослива за работниците. Наместо да ги решавате системските проблеми, сведочиме за политика на уцени, притисоци и заштита на партиските интереси на ДПМНЕ. Поради тоа, јавно Ве повикуваме да одговорите на следните прашања:

Зошто вршите притисок врз вработените да се откажат од тужбите за неисплатен К-15 за 2023 и 2024 година? Работниците имаат право на своите надоместоци согласно закон и колективен договор, но работниците кои го бараат своето право сведочат на директни закани и политички прогон.

Дали ги уценувате вработените да не поднесуваат тужби за теренски додатоци за 2023 и 2024 година? Дали додека работниците едвај врзуваат крај со крај, Вие и Вашите соработници ги наплатувате сите можни трошоци на грбот на Претпријатието?

Дали е точно дека користите службено возило за Вашите партиски активности и самопромоции, а трошоците ги покривате од буџетот на ЈП „Македонски шуми”?

Дали е точно дека не сте обезбедиле заштитна опрема (ХТЗ) за вработените кои се изложени на животозагрозувачки услови?

Дали е точно дека вршите притисок за вработените да не се приклучуваат кон синдикатот под Сојузот на синдикати на Македонија (ССМ), туку насилно им го наметнувате синдикатот под Ваша контрола – КСС?

Зошто фирми на кои им “висат” кривични пријави и кои имаат претходно издадена негативна референца, дозволувате повторно да учествуваат и добијат тендери за сеча и дотур?

Дали го поскапевте огревното дрво за околу 10% и дополнително ја зголемивте таксата за приватни шуми за 35%?

Дали како заменик генерален директор на ЈП „Македонски шуми” приоритет ви е глорификацијата на партијата и нејзините функционери, наместо професионално и одговорно управување со претпријатието?

Работничката класа има право да живее и работи достоинствено, а не во страв и под партиски диктат! Левица нема да дозволи ова изживување врз работниците да продолжи и ги повикуваме вработените кои трпат било какви притисоци да продолжат да ни се обраќаат за соодветно и, по потреба, институционално да реагираме“, се наведува во соопштението на партијата Левица.

Времето денеска ќе биде променливо облачно со повремени врнежи од дожд и со слаб до умерен северен ветер. Попладне и во вечерните часови наместа ќе биде нестабилно со пороен дожд и грмежи, локално во форма на краткотрајно невреме со пообилен пороен дожд (за кратко време над 15 л/м2) и засилен ветер. Минималната температура ќе биде во интервал од 4 до 10, а максималната ќе достигне од 11 до 18 степени.

Во Скопје, променливо облачно со повремен дожд и слаб до умерен ветер од северен правец. Попладне и во вечерните часови ќе биде нестабилно со пороен дожд и грмежи, а во делови од котлината ќе има услови за краткотрајно невреме со пообилен пороен дожд и засилен ветер. Минималната температура ќе се спушти до 10, а максималната ќе достигне до 16 степени.

Времето во наредните денови

До петок ќе се задржи променливо облачно време со повремени врнежи од дожд. Во попладневните и вечерните часови локално ќе биде нестабилно, со пороен дожд и грмежи наместа во форма на краткотрајно невреме со пообилен пороен дожд (за кратко време над 15 л/м2) и засилен ветер. Во сабота ќе настапи преодно стабилизирање на времето, а во недела се очекуваат нови врнежи од дожд.