Македонија
Левица: Со денови се чека на Онкологија поради недостаток на кадар и лошо менаџирање
![](https://makfax.com.mk/wp-content/uploads/2023/10/onkologija.jpg)
Поради недостаток на кадар и лошо менаџирање на постоечките човечки ресурси, во јавните здравствени установи се чека со денови за преглед или администрација на терапија, реагираат од Левица.
„До нас пристигна информација за случај на пензионерка, која по долг пат и многу надеж дека ќе ја прими терапијата на Клиниката за онкологија, била вратена дома без да ја добие потребната терапија. Од 6:40 часот наутро до 9:30 часот чекала за ‘бројче’, само за на крај да биде информирана дека сите места за терапија се веќе пополнети и дека терапијата ќе ја прими следниот ден… Пациентите, вклучувајќи ја и нашата сограѓанка, беа вратени без било каква грижа или разбирање за нивната ситуација. Пациенти од цела Македонија со часови патуваат до Клиничкиот Центар во Скопје само за да дознаат дека нема да ја добијат потребната терапија и соодветната грижа! Недостатокот на медицински сестри и организираност предизвикува дополнителни трошоци за овие луѓе кои веќе се соочуваат со тешки финансиски и здравствени предизвици. Ова не е првпат Онкологија да биде центар на скандали. Се сеќаваме на шокантните настани кога цитостатската терапија беше крадена и продавана во Косово. Таквите криминални дејства и невнимание кон пациентите ја рушат довербата во здравствениот систем“, се вели во соопштението на Левица.
Од таму дополнуваат дека од непозната причина, покрај сите скандали со перење пари преку тендери на јавните здравствени установи, скандалот со цитостатиците кои се шверцувале во Косово и недостаток на медицински кадар, сепак, ресорот – здравство повторно припадна на Алијанса на Албанците, која во претходната влада беше во коалиција со СДСМ, а во новата влада е во коалиција со ДПМНЕ.
„Здравствениот систем мора да им служи на граѓаните, а не обратно! Ова се примери за крајна неорганизираност и невнимание кон пациентите, па здравството со години служи само за политички пазар“, завршуваат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Гаши ја поздрави одлуката на Литванија за отворање Дипломатска канцеларија во Скопје
![](https://makfax.com.mk/wp-content/uploads/2024/07/литванија-1.jpg)
Претседателот на Собранието на Република Северна Македонија, Африм Гаши, ја прими Вилма Дамбраускиена, амбасадорка на Литванија на специјална мисија.
На средбата се разговараше за можностите за продлабочување на односите меѓу двете земји, со акцент на поддршката за процесот на интеграција на нашата земја во Европската Унија, како и во делот на економијата и инвестициите.
Претседателот Гаши ја поздрави одлуката на Литванија за отворање Дипломатска канцеларија во Скопје. Притоа изрази очекување дека тоа ќе придонесе за продлабочување на односите меѓу двете земји, кои, иако се пријателски, треба се уште да се работи на нивно понатамошно развивање.
Во однос на интеграциските процеси, преседателот Гаши се заблагодари за континуираната поддршка на аспирациите на Северна Македонија за пристапување кон Унијата и за подготвеноста за споделување на сопственото искуство. Притоа, посочи дека Република Литванија, како и другите балтички земји, е пример како една држава може да ги помине сите историски предизвици и и да стане стабилна и просперитетна членка на ЕУ и на НАТО.
Амбасадорката Дамбраускиена истакна дека Литванија секогаш го поддржува проширувањето на ЕУ и го цени придонесот на нашата земја во НАТО, сметајќи дека интеграцијата на земјите од регионот е од мошне високо значење.
Македонија
Филипче на прва координација: Пратениците на СДСМ ќе имаат редовни средби со граѓаните во канцелариите низ државата
![](https://makfax.com.mk/wp-content/uploads/2024/07/filipce-sdsm-koordinacija-3.jpeg)
Претседателот на СДСМ, Венко Филипче ги започна редовните координации со пратеничката група на СДСМ, за организирано и силно делување во македонското Собрание.
Денеска се одржа првата средба со која се означува почетокот на новото политичко делување на партијата.
На средбата се разговараше за актуелните закони кои ги предлага Владата и предлозите на кои СДСМ работи и ќе ги достави до Собранието.
„Нашиот примарен фокус е да ја обновиме довербата кај грѓаните а пратениците на СДСМ да бидат вистински претставници на граѓаните во Собранието. Затоа, согласно моите ветувања пред членството, секој од пратениците ќе има редовни средби со граѓани во изборните единици од каде ја добија довербата и ќе биде во постојан контакт со потребите на луѓето. Преку канцелариите на пратениците и редовните средби со граѓаните, ќе осигураме дека политиките и предлозите на СДСМ ќе бидат во тесна врска со потребите и очекувањата на граѓаните“, рече Филипче.
СДСМ ќе делува конструктивно во интерес на граѓаните и будно ќе ја следи работата на Владата и законите кои ги предлагаат.
Скопје
(Видео) Забележани подготовки за градежни активности на просторот на поранешна Алумина, велат од Левица Карпош
![](https://makfax.com.mk/wp-content/uploads/2024/07/poranesna-alumina.jpg)
„Добивме порака од загрижени граѓани, кои документирале активност на механизација и присуство на персонал во оградениот простор кај поранешната фабрика Алумина“, извести Левица Карпош.
„Бидејќи урбанистичкиот план за овој простор не е донесен, а ниту има некакво друго официјално известување за активности, се прашуваме дали е на повидок нов шверцерски обид на градежната мафија за окупирање на градежниот простор во Карпош и ново самоволие од страна на Јакимовски!?
Советниците на Левица, децидно застанаа против предложениот ДУП за овој простор, кој овозможува изградба на згради и со над 100 метри во висина, со што целосно би се задушил просторот во тој дел.
Предупредуваме, дека било каков обид за изигрување на законските решенија и вољата на карпошани во корист на градежните моќници, ќе наиде на жесток отпор од страна на Левица!“, се наведува во соопштението на партијата Левица.