Спорт
(ВИДЕО) По драмата Англија се пласира во четвртфиналето
![](https://makfax.com.mk/wp-content/uploads/2024/06/ANGLIJAA-1.jpg)
Фудбалот понекогаш е суров и неправеден.
Во ова беа убедени репрезентативците на Словачка, кои беа на само една минута до победата над Англија. Но, Англија не би била тоа што е доколку не го покаже своето вистинско фудбалско лице.
Фудбалерите на Англија ја победија Словачка во Гелзенкирхен со резултат 2:1 во осминафиналето на Европското првенство во Германија.
Избраниците на Герет Саутгејт победија по пресврт, со головите на Белингем во петтата минута од судиското надополнување и потоа на Хари Кејн во првата минута од судиското продолжение.
Англија се пласираше во четврт-финалето каде ќе игра против Швајцарија.
Словачка поведе со голот на Иван Шранц во 25. минута и водеше до судиското надополнување. Но, во четвртата минута од дополнителното време израмни Џуд Белингем со ножички, а во првата минута од продолжението Хари Кејн погоди за голем пресврт.
Повеќе од 90 минути Англија не играше во свој стил, па кога сите се откажаа се врати на голема „врата“.
Избраниците на Герет Саутгејт одиграа бавно, безидејно и со пристап што ги изненади и самите Словаци, кои веројатно очекуваа големиот фаворит да притисне уште од првата минута.
И веќе во 5. минута Словаците имаа одлична шанса. Хараслин одлично го проигра Ханк, но упати нешто помеѓу удар и центаршут до далечната статива и го промаши голот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Фото) Известувачот на Макфакс го сними оперираното колено на Новак Ѓоковиќ
![](https://makfax.com.mk/wp-content/uploads/2024/07/novak-koleno-2.jpg)
На прес конференција по натпреварот против Британецот Џакоб Ферли, Новак Ѓоковиќ за прв пат на Вимблдонскиот турнир се појави без да биде обечен во долен дел тренерки, или со стегач на коленото.
Тој дојде со кратки панталони, при што коленото, кое за време на Ролан Гарос го оперираше од менискус, му беше потполно откриено.
Известувачот на Макфакс Ненад Живановски го забележа тоа и успеа да направи неколку ексклузивни фотографии на кои може со зумирање да се забележат три мали кругови од зараснати рани.
На една од минатите прес конференција, Ѓоковиќ подетално објасни за каков вид на интервенцја станувало збор, при што кажа дека тоа била лапуроскопска операција, во која низ хируршки направена дупка на коленото биле внесени микро камера и скалпер, при што бил остранет оштетениот дел.
Спорт
Комплетен распоред на четвртфиналето на Европското фудбалско првенство 2024
![](https://makfax.com.mk/wp-content/uploads/2024/07/ep.jpg)
Европското првенство во Германија донесе неколку здодевни и неколку спектакуларни натпревари во осминафиналето.
Епилогот се две дијаметрално спротивни патеки до финалето на турнирот.
На едната страна од „костурот“ не очекуваат два фантастични дерби натпревари.
На друга страна, најголемо изненадувања на турнирот се Англичаните.
Четвртфиналето носи дуел на двете селекции со најмногу трофеи во историјата на ЕП – Шпанија и Германија.
Исто така, ќе имаме можност да ја проследиме и пресметката на две селекции со врвните состави на Португалија и Франција.
Од друга страна, сите очекуваат полуфинале меѓу Англија и Холандија, но прво треба да се соочат со репрезентации кои покажаа дека никој не им е фаворит – Швајцарија и Турција.
За потсетување Европското првенство се одржа прво во шест четиричлени групи од кои во осминафиналето се пласираа по двете најдобри селекции, а таму заминаа и четирите најуспешни третопласирани селекции.
Ова е комплетниот распоред на четвртфиналето на Европското фудбалско првенство 2024
петок, 5 јули
18 Шпанија – Германија
21 Португалија – Франција
Сабота, 6 јули
18 Англија – Швајцарија
21 Холандија – Турција
Спорт
Ѓоковиќ се пласираше во третото коло на Вимблдон
![](https://makfax.com.mk/wp-content/uploads/2024/07/GJOKOVIC.jpg)
Седумкратниот шампион Ѓоковиќ го победи Џејкоб Фернли со 6:3, 6:4, 5:7, 7:5 и в сабота ќе игра против Алексеј Попирин.
“Честитки за него за одличниот натпревар. Се бореше, веруваше иако беше во негатива од два сета и еден брејк.
Не бев ниту јас на ниво. Многу предизвикувачки услови, ветровито. Не беше лесно да се најде вистинското темпо. Мислам направив доволно за да победам“
„Имав и среќа што не заостанав. Се надевам дека ќе бидам подобар во иднина“ изјави Ѓоковиќ.
Негов следен ривал ќе биде Алексеј Попирин, кој го елиминира Томаш Мартин Ечевери по пет сета.
„Го видов како победи во трилер од пет сета. Сака да игра сервис+форхенд. Имавме одличен натпревар во Австралија.
Мислам дека има добри движења, Станува збор за комплетен играч.
Висок е, сервира добро, и ќе биде тешко да се игра против него.
Можеби клучот ќе биде ако добро ги прочитам неговите сервиси.
Затоа очекувам голем предизвик и пред се силен противник“, изјави Ѓоковиќ