Спорт
Диого Коста португалски херој, ја елиминира Словенија
![](https://makfax.com.mk/wp-content/uploads/2024/07/PORTUGAL.jpg)
Еден од најдобрите фудбалери на денешницата беше мотивиран да постигне гол од самиот старт на натпреварот, но одбраната на Словенија одлично се снајде. На крајот од судиското продолжение Кристијано Роналдо имаше шанса да и донесе водство на Португалија од пенал, но не успеа.
Драма, следуваше пенал завршница.
Искуството си го направи своето, Португалија оди понатаму.
Тие ја совладаа Словенија на пенали и со тоа се пласираа во четврт-финалето на ЕП. Регуларниот дел од натпреварот заврши со резултат 0:0, како и дополнителни половина час игра.
Во четврт-финалето Португалија ќе игра против Франција која со 1:0 ја победи Белгија.
Португалскиот голман Диого Коста, кој ги одбрани сите три удари на Словенците е херој на мечот.
Од почетокот на играта Словенците беа поставени во карактеристична формација 4-4-2. Кристијано Роналдо имаше многу проблеми, неговиот најдобар напор во првото полувреме беше неговиот слободен удар во 34. минута.
Тој шутираше од околу 20 метри, а топката отиде само над стативата.
Португалија најблиску дојде до гол во втората минута од судиското надополнување во првото полувреме, кога Палиња силно повлече од работ на шеснаесетникот.
Топката мина покрај десната статива од голот на Облак.
Во првото полувреме Словенците напаѓаа само неколку пати, но не успеаја да создадат голема шанса.
Португалија ја мина групната фаза како првопласирана во групата Ф пред Турција, Грузија и Чешка.
Словенија беше трета во групата Ц пред Србија и зад Данска и Англија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Жоао Феликс се враќа во Лисабон и останува таму?
![](https://makfax.com.mk/wp-content/uploads/2024/07/Screenshot-2024-07-06-143731.jpg)
Жоао Феликс е трагичарот на Португалија.
Фудбалерот на Барселона до неодамна промаши пенал во третата серија, а денеска беше означен како еден од виновниците поради елиминација од ЕП.
Но, интересно е што медиумите откриваат дека Феликс по враќањето во Лисабон би можел да остане во главниот град на Португалија, бидејќи Бенфика има сериозна намера да го врати во своите редови.
Барселона нема намера да го купи од Атлетико Мадрид, додека Бенфика нуди опција да откупи 50% од неговиот договор.
Бенфика прво понуди 20 милиони евра, Атлетико го одби, а сега понудата е зголемена на 32,5 милиони евра.
Каталонците се уште молчат, за нив прва опција и приоритет е Нико Вилијамс, а потоа и Дани Олмо, па Феликс најверојатно нема да биде ниту на потенцијално нова позајмица.
Моментално Феликс има само опција за враќање во Бенфика, а што ќе одлучи Атлетико Мадрид останува да се види.
Спорт
По Крос, уште една легенда се прости од германската репрезентација
![](https://makfax.com.mk/wp-content/uploads/2024/07/Screenshot-2024-07-06-121143.jpg)
Германскиот фудбалер Тони Крос вчера и официјално ја заврши кариерата на 35-годишна возраст. Одличниот германски играч за врска најави дека ќе се пензионира по Европското првенство, а со тоа што Шпанците ги нокаутираа неговите Германци, тоа пензионирање стана и официјално. После тоа од Германија стигна вест дека Томас Милер (34) ќе стави крај на репрезентативната кариера.
„Да, прилично е сигурно дека ова беше мојот последен натпревар за Германија“, изјави напаѓачот на Баерн за Скај. Милер за Германија дебитираше во 2010 година, а оттогаш забележа 131 настап и постигна 45 голови. Во 2014 година со репрезентацијата беше светски шампион во Бразил. Во кариерата настапуваше само за Баерн, чиј член е од 2000 година. За баварскиот клуб има 707 настапи и 242 гола.
Спорт
(Видео) Емотивно: Пепе неутешно плаче по испаѓањето на Португалија, Роналдо го гушка и теши
![](https://makfax.com.mk/wp-content/uploads/2024/07/Screenshot-2024-07-06-092807.jpg)
Фудбалерите на Португалија не успеаја да се пласираат во полуфиналето на ЕУРО.
Загубија од Франција со 5:3, која во полуфиналето ќе игра против Шпанија, која беше подобра од Германија со 2:1.
Најстариот фудбалер, кој некогаш настапувал во европските првенства, Португалецот Пепе на 42 години одигра фантастичен натпревар и ги помина сите 120 минути на теренот.
Пепе, за кого ова беше петто последователно Европско првенство, испаѓањето на Португалија го доживеа исклучително емотивно и тешко.
Пепе плачеше, плачеше, а беше утешен и прегрнат од Кристијано Роналдо, кој има 39 години.
Речиси е сигурно дека двата пати мечот против Франција беше последен за Португалија на големите натпреварувања.
„Овој натпревар е симбол на професионалноста и посветеноста на Пепе и Роналдо. Да се стигне до таа фаза на турнирот и да се игра, а на нивна возраст, особено Пепе, тоа е огромна почит“, изјави Рио Фердинанд за Би-Би-Си по натпреварот.
Pepe: "Obrigado por tudo, mano!
Ronaldo: "Tudo por Portugal"
Foi um prazer ver-vos no vosso último euro, capitães 🇵🇹 pic.twitter.com/numl6j27kz— mat (@mat_1906) July 5, 2024