Спорт
Мичел останува верен на Кливленд
![](https://makfax.com.mk/wp-content/uploads/2024/07/donovan.jpg)
Донован Мичел ја продолжи соработката со Кливленд Кавалирс со потпишување на три годишен договор.
Нема сомнение дека франшизата од Охајо има долгорочни планови, а за 27-годишниот Мичел, кој е во НБА од драфтот во 2017 година, тоа значи дека ќе има право да потпише петгодишен договор вреден 380 милиони долари. во 2027 година.
Мичел верува дека главниот тренер Коби Алтман може да го повтори подвигот од 2016 година со освојување на трофејот Лери О’Брајан, според Војнаровски.
Мичел беше избран од Јута Џез со 13-ти вкупен пик на драфтот.
Тој помина четири сезони во тимот од Солт Лејк Сити, а потоа се пресели во Кливленд.
Минатата сезона ги предводеше „Коњаниците“ до полуфиналето на Источната конференција, каде беа поразени од Бостон Селтикс со 1:4.
Во разигрувањето одигра 10 натпревари, а Кливленд во првото коло едвај го победи Орландо – 4:3. Мичел имаше просек од 29,6 поени, 5,4 скока и 4,7 асистенции во плејофот во 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Дешан: Ако Франција е здодевна, гледајте нешто друго!
![](https://makfax.com.mk/wp-content/uploads/2024/07/Didije-Desan-photo-AP-Photo-Hassan-Ammar.jpg)
Селекторот на француската фудбалска репрезентација Дидиер Дешан изјави дека не го интересираат критиките за неговата репрезентација дека игра „досаден“ фудбал.
Франција утре во Минхен ќе игра против Шпанија во полуфиналето на Европското првенство во Германија.
Тоа ќе биде дуел на репрезентации со различни стилови на игра и според рејтинзите, дуел помеѓу репрезентација која игра „досадно“ – Франција и репрезентација која игра „интересен“ фудбал – Шпанија.
Шпанија ги доби сите пет натпревари на Европското првенство во Германија .
Шпанија постигна најмногу голови на турнирот – 11, а Франција се уште нема постигнато гол од поле, туку еден од пенал и два автогола на противникот.
„Ако ви е досадно со нас, можете да гледате нешто друго, не е важно“, изјави Дешан на прашањето за критиките упатени кон неговиот тим.
“Ова е специфично Европско првенство, со помалку голови од вообичаеното. Имаме шанса да ја израдуваме Франција, во деликатна ситуација за нашата земја. Ако на другите им е досадно, мене не ми е гајле”, додаде францускиот селектор.
Дешан денеска одбележа 12 години како селектор на Франција, со која го освои Светското првенство во Русија во 2018 година, а второто место четири години подоцна во Катар.
Ја освои и Лигата на нации во сезоната 2020/2021, а во 2016 година беше финалист на Европското првенство.
Имаше успешна играчка кариера, а со репрезентацијата го освои Светското првенство во 1998 година и две години подоцна Европското првенство.
Спорт
Голем пресврт, Фриц го исфрли Зверев од Вимблдон
![](https://makfax.com.mk/wp-content/uploads/2024/07/zvereee.jpg)
Голем пресврт, Фриц го исфрли Зверев од Вимблдон
Американецот Тејлор Фриц по големиот пресврт го совлада Александар Зверев во осминафиналето на Вимблдон со 3:2, по сетови 4:6, 6:7, 6:4, 7:6, 6:3.
Мечот меѓу двајца тенисери траеше три часа и 33 минути.
Откако водеше со 2:0 во сетовите, Зверев делуваше самоуверено и никој не можеше да претпостави дека Фриц ќе се врати во мечот и ќе направи пресврт.
Американката направи брејк во третиот сет на 4:4 и намали на 1:2 во сетови. Во четвртиот сет немаше брејк, па беше решено со тај-брејк, во кој Американецот беше многу подобар.
Во петтиот сет, еден брејк му беше доволен на Фриц да му го зададе последниот удар на Германецот и да се пласира во четвртфиналето. Фриц во четвртфиналето на Вимблдон ќе игра против Италијанецот Лоренцо Музети.
Победникот од тој дуел ќе му биде потенцијален ривал на Новак Ѓоковиќ доколку пред тоа седумкратниот шампион на Вимблдон ги елиминира Холгер Руне и Алекс де Минор.
Спорт
(ВИДЕО) Гризман „лут“ на француските медиуми
![](https://makfax.com.mk/wp-content/uploads/2024/07/grizman.jpg)
Гризман лут на медиумите поради протекување на информации.
Францускиот репрезентативец Антоан Гризман нервозен поради објава на видео од тренингот на француските медиуми.
Имено, во пресрет на полуфиналето со Шпанија, камерите ги снимија избраниците на Дидие Дешамп како вежбаат удари од белата точка.
„RMC Sport“ го објави видеото и ги откри имињата на сите играчи кои ги вежбале пеналите.
Ова особено го налути Гризман, кој реагираше на социјалните мрежи.
“Па, одлично! Ви благодариме за информацијата”, рече саркастично тој.
Останува да видиме, дали оваа информација ќе биде корисна за голманот на Шпанија.
🇫🇷 👀 Comment les Bleus travaillent les tirs au but. pic.twitter.com/p8RxETJQEr
— RMC Sport (@RMCsport) July 6, 2024