Свет
Украина го доби третиот противвоздушен систем Патриот од Германија
Украина го доби третиот систем за противвоздушна одбрана „Патриот“ од Германија, соопшти германскиот амбасадор во Киев, Мартин Јегер.
Испораката следи по неколкумесечните повици Украина да добие опрема потребна за заштита на цивилите и инфраструктурата од руските воздушни напади, објави „Ројтерс“.
Украинскиот претседател Володимир Зеленски изјави претходно оваа година дека на неговата земја и се потребни дополнителни седум системи Патриот за да се заштити.
„Украинскиот екипаж ја заврши потребната обука во Германија за управување со системот Патриот“, изјави амбасадорот Јегер на социјалната мрежа Икс.
Киев посочи дека се надева оти ќе биде постигнат напредок во испораката на системите за противвоздушна одбрана на претстојниот самит на НАТО во Вашингтон, кој почнува во вторник.
Висок претставник на американскиот Стејт департмент изјави дека Киев се очекува да добие „добри вести“ на самитот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нова експлозија во близина на израелската амбасада во Копенхаген
Експлозијата се случила синоќа на 500 метри од израелската амбасада во главниот град на Данска, Копенхаген, соопшти градската полиција.
Ова се случи пет дена по нападот на зградата на тоа дипломатско претставништво.
„Се разбира, се обидуваме да утврдиме дали тоа би можело да биде поврзано со инцидентот во израелската амбасада“, изјави за новинарите инспекторот на полицијата во Копенхаген, Трине Милер, но додаде дека „ништо не укажува дека тоа е така“.
Сликите објавени во локалните медиуми покажуваат траги од експлозија пред станбена зграда која се наоѓа на 500 метри од израелската амбасада.
Ноќта на 1 и 2 октомври во близина на таа амбасада се забележани експлозии, најверојатно предизвикани од фрлање рачни бомби, а тоа е поврзано со ширењето на конфликтот на Блискиот Исток, пренесуваат медиумите.
Според обвиненијата, двајца млади Швеѓани на возраст од 16 и 19 години се осомничени дека носеле пет бомби и дека две од нив наводно паднале на околу 100 метри од амбасадата.
Ним во четвртокот им беше одреден 27 дневен притвор. Два дена подоцна, полицијата објави дека обвиненијата против нив се проширени со прекршување на законите за тероризам, без дополнителни детали.
Во вторникот беше пукано во израелската амбасада во Стокхолм, а нема повредени.
Шведските разузнавачки служби не ја исклучуваат вмешаноста на Иран во двата инцидента, според написите на светските агенции.
Свет
„Нека види јавноста како ме силуваат“: жената чиј сопруг организирал да биде силувана од 70 мажи побарала видеата од силувањето да бидат прикажани во јавноста
Француската судијка Роже Арата одлучи видео снимката од силувањето на Жизел Пелико да им биде прикажана на новинарите и на јавноста во судницата.
Медиумите потсетуваат дека се работи за шокантен случај на силување организиран од нејзиниот сопруг во кој учествувале повеќе од 70 мажи во текот на девет години, пренесува АП.
Пелико (71) стана симбол на борбата против сексуалното насилство во Франција и инсистираше судењето да биде јавно, спротивно на предлогот на судот. Со помош на својот правен тим, таа побара и снимките да бидат прикажани во јавноста, бидејќи сака случајот да послужи како национален пример.
– Ова е единствен случај, немаме еден доказ за силување, туку стотици. Жизел Пелико смета дека шокот што ќе следи е неопходен, за никој од обвинетите да не може да каже: „Не знаев дека е силување“, изјави адвокатот Стефан Бабоно, пишува АП.
Огромното мнозинство од обвинетите негираат вина за силување, додека некои од нив дури тврдат дека нејзиниот сопруг ги принудил на секс со Жижел, на што се согласиле бидејќи биле преплашени. Некои тврдат дека верувале дека таа се согласила на сексуален однос или дека согласноста на нејзиниот сопруг била доволна.
Тимот за застапување на жртвата вели дека видеата „говорат сами за себе“.
Судијката Арата ја смени својата претходна одлука дека снимката ќе се прикажува само во одредени случаи и зад затворени врати. Досега новинарите и јавноста мораа секој пат да ја напуштаат судницата, за време на прикажувањето на видеото.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ поле, е една од оние кои ги преживеаја драматичните поплави во Босна и Херцеговина. Приказната за борбата за нејзиниот и животот на нејзината ќерка Асја ја замрзнува крвта во вените, пренесува„Ал Џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не можат да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави кои го зафатија Бутуровиќ поле.
Лејла, нејзината ќерка, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан Лејла и нејзината ќерка раскажале што им се случило.
„Мене ме однесе водата. Се вртев во круг и така земав во воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во глава, но некако стигнав до неа, цела беше помодрена од студот“.
Ќерката на Лејла Асја се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да глЕДАМ. Потоа поминавме низ шумата. Дождот удри уште посилно, беше студено, па беше страшно“, опишува таа.