Спорт
Иако на ова ЕП играат „лош“ фудбал, Француската репрезентација знае да победува!
По пет натпревари, 480 минути фудбал, и бројни промени на Дидиер Дешамп – Франција успеа да се пласира во полуфиналето постигнувајќи само три гола.
Два беа автогол, додека еден постигна Мбапе од пенал.
Имаше шанси, но тие беа главно производ на индивидуалните квалитети на Мбапе, Дембеле и Баркола. Тактички изгледаше крајно слабо, освен ако тактиката не е да се потпреме на одбраната, на средниот ред и среќата.
Дешамп знае да победува на големи натпреварувања. Впрочем, ги освои и како играч и како тренер.
Јасна е и неговата намера да се потпре на брзината во нападот, како и силата и издржливоста во одбраната. Оправдувањето може да се најде и во отсуство на вистински плејмејкер, поради што селекторот на „триколорите“ посегна по неконвенционално решение.
Во поголемиот дел од турнирот, Нголо Канте играше на позицијата преден играч за врска, поради што очекувано настрада креацијата, но преснигот се зголеми.
Во такви околности, јасно е зошто играта на Франција не е течна и мека, но придобивките се забележуваат од другата страна на теренот.
Ги имаа и убедливо најтешките ривали во нокаут фазата, а мрежите зад Мајк Мењан останаа недопрени. Кога на Канте му се придружуваат Аурелиен Чуамени и Едуардо Камавинга, јасно е зошто француските противници толку се мачеа да постигнат гол.
Јасно е дека Франција ќе се обиде на ист начин да ја неутрализира Шпанија и дека ќе се потпре на еден момент на генијалност од своите напаѓачи за да се пласираат во новото финале на големото натпреварување.
Дешамп има можност да стане единствениот човек кој ги освоил светските и европските првенства и како играч и како тренер и затоа ќе му треба подобра реализација на фудбалерите кои му донесоа големи успеси во минатото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Интер за полувреме „пукна петарда“ во Верона
Интер ја декласира Верона на стадионот „Бентегоди“ со 5:0, во 13.коло во Серија А.
Сите пет гола гостите од Милано ги постигнаа во периодот од 17. до 41. минута.
Аргентинецот Хоакин Кореа го постигна водечкиот гол, а потоа додаде уште две асистенции, за двојниот стрелец Маркус Тирам во 22. и 25. минута.
Последните два гола ги постигнаа играчите од одбраната Стефан де Фрај и Јан Аурел Бизек.
Со овие три бода, шампионот на Италија го престигна лидерот Наполи и сега е на чело на табелата со 28 бодови, два повеќе од избраниците на Антонио Конте, кои својот натпревар од 13. коло го играат в недела против Рома.
Спорт
Енди Мареј му биде тренер на Новак Ѓоковиќ
Новак Ѓоковиќ има нов тренер, тоа е неговиот долгогодишен ривал Енди Мареј. кој неодамна ја заврши кариерата.
Ѓоковиќ е без постојан тренер од крајот на март, кога ја прекина речиси петгодишната соработка со Горан Иванишевиќ.
Извесен период тренер му беше Ненад Зимоњиќ, потоа таа функција ја извршуваше Борис Бошњаковиќ (претходно имаше важна улога во тенискиот центар Новак), а на последните неколку турнири од годината Новак беше без тренер. На патото до олимпиското злато со него во улога на тренер беше селекторот на Дејвис куп репрезентацијата на Србија, Виктор Троицки.
Најдолго тренер на Новак беше Марјан Вајда, а негови тренери беа и Андре Агаси, Радек Штепанек, Тод Мартин.
Договорот е постигнат во пресрет на правење стратегија за следната сезона, со фокус пред се на подготвителниот период, а потоа и на Австралија опен, каде Новак ќе се обиде да ја освои својата 11-та титула во сингл.
Досега го има освоено трофејот во Мелбурн во 2008, 2011, 2012, 2013, 2015, 2016, 2019, 2020, 2021 и 2023 година.
„Со нетрпение очекувам да ја започнам сезоната покрај Енди и да го имам покрај мене во Мелбурн. каде што споделивме толку многу одлични моменти во текот на неговата кариера“, истакна Ѓоковиќ.
По првиот Грен слем во сезоната, а во зависност од натпреварувачкиот распоред на Новак, Ѓоковиќ и Мари ќе договорат евентуално продолжување на соработката во текот на годината.
Спорт
(Видео) Валенсија против Бетис ја прекина лошата серија
Фудбалерите на Валенсија, по пауза од еден месец одиграа натпревар. „Лилјаците“ одложија два натпревари поради катастрофалните поплави кои го погодија овој шпански регион.
Валенсија ја забележа втората победа во сезоната прва по 21.септември. На „Местаља“ падна Бетис со 4:2. Мечот го обележа напаѓачот на Валенсија, Уго Дуро.
Уго Дуро, поранешен играч на Реал Мадрид и Хетафе најпрво му асистираше на Цезар Тарега за водечкиот гол на „лилјаците“ во осмата минута, а си постигна автогол за израмнување само шест минути подоцна. Дуро потоа од само три минути (во 50. и 53.) и даде два гола предност на Валенсија.
Диего Лопез го зголеми водството на домашните во 56. минута, а само неколку минути по влегувањето во игра искусниот Аргентинец Чими Авила постигна гол за тимот од Севилја и го постави конечниот резултат.
Валенсија со два натпревари помалку е зоната за испаѓање на 18. место. Бетис е на седмото место со 20 бодови.
Во следното коло „лилјаците“ гостуваат кај Мајорка, додека Бетис патува во Сан Себастијан каде ќе игра со Реал Сосиедад.