Регион
Пожар во Коринт: огнот излезе од контрола, граѓаните добија итно предупредување
Голем пожар избувна попладнево во шумската област во областа Коринт, Грција, а пламените јазици излегoa од контрола, пренесуваат регионалните медиуми.
Малку по 19 часот жителите во областа добиле итно СМС предупредување да бидат на штрек.
Ενώ η φωτιά καίει ανεξέλεγκτη στην Κορινθία…ο καταδικασμένος Αντ/ρχης Τ. Γκιολής…όπως είχε αποκαλύψει το #Documento…. ευχαριστεί τον Μητσοτάκη και τον Κικίλια…. αλήθεια τι ψηφίσατε ρε μαλ@@άκες…..!!!!!!#φωτια #Μητσοτάκης #ΝΔ_Ξεφτίλες #κυβερνηση_Μητσοτακη pic.twitter.com/C1OTphegkf
— th_eo (@theocha52630506) July 11, 2024
Во моментот на избувнувањето на пожарот испратени биле силни воздушни и копнени сили на противпожарната единица бидејќи се работи за многу силен пожар поради густата вегетација и релјефот на местото.
Во гаснењето учествувале 159 пожарникари и 49 возила, а од воздух до зајдисонце повремено биле достапни 19 авиони и 8 хеликоптери.
Поради овој пожар, министерот за климатски кризи и цивилна заштита Василис Кикилијас свика координативен состанок на кој учествуваат надлежните министерства и агенции, локалните власти и сите безбедносни сили.
„Важно е да се нагласи дека претстојат тешки времиња. Во секој случај избегнуваме дејствија кои можат да предизвикаат пожар“, потенцираше прес-претставникот на Противпожарната служба, Василис Ватракогианис.
Тој истакна и дека во последните 24 часа имало 50 шумски пожари, од кои 45 биле веднаш санирани, во почетна фаза, додека противпожарните бригади се уште гаснат пет пожари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес го погоди Сараево
Послаб земјотрес го потресе Сараево изутрината.
Како што соопшти Федералниот хидрометеоролошки завод во Сараево, во Центарот за сеизмологија е регистриран во 8.04 часот слаб земјотрес во областа на главниот град на Босна и Херцеговина.
Магнитудата на земјотресот била 2,2 степена според Рихтеровата скала, а интензитетот во епицентарот бил III степен според Меркалиевата скала.
Многубројни жители на Сараево пријавиле тресење на земјата на услугата EMSC.
„Кратко, но силно“, „Кратко, татнеж“, „Само мал трепет и силен звук“, „Кратко, но жестоко“, изјавија тие во своите коментари.
Регион
Ердоган ги спореди израелските напади во Газа со геноцидот во Сребреница
Турскиот претседател Реџеп Тајип Ердоган денеска по разговорот со претседавачот на Претседателството на БиХ, Денис Беќировиќ изјави дека Израел ќе одговара за злосторствата во Газа, споредувајќи ги со геноцидот во Сребреница.
„За жал, денес во Газа и на окупираните палестински територии сме сведоци на сличен масакр што беше извршен пред очите на целиот свет во Босна и Херцеговина во 1990-тите“, рече Ердоган, кој денеска го прими Беќировиќ во Истанбул.
Тој додаде дека Израел ќе биде кривично гонет за убиствата на повеќе од 41.000 Палестинци во Газа, вклучително и турскиот активист Ајсенур Езги Ејги, кој беше убиен на Западниот Брег минатата недела.
„Сторителите на геноцидот во Газа, како оние во Сребреница во 1995 година, ќе одговараат пред меѓународните судови“, рече Ердоган.
Тој потсети дека Турција ја спонзорирала Резолуцијата на ОН за осуда на геноцидот во Сребреница и дека таа земја се залага за стабилноста на Босна и Херцеговина. Тој ги повика властите во БиХ да се приклучат во борбата против движењето ФЕТО, сметајќи дека таа организација е терористичка.
Фето е движење на Фетулах Ѓулен, поранешен сојузник, а сега противник на претседателот Ердоган, кого го смета за виновен за обидот за воен удар во јули 2016 година. Беќировиќ рече дека пријателството меѓу Босна и Херцеговина и Турција е нераскинливо.
„Република Турција е докажан пријател на Босна и Херцеговина и една од најсилните членки на НАТО алијансата и затоа, меѓу другото, нејзината поддршка за Босна и Херцеговина е исклучително важна“, нагласи Беќировиќ.
Регион
Двe лица се удавија во Будва и Бар, холандски турист спаси жена и дете од разбрануваното море
Две лица се удавија во петокот вечерта во Будва и Бар, јавија денеска црногорските медиуми, повикувајќи се на полициски извори.
Едно лице се удавило во градот Дробни Пијесак кај Будва, соопшти Управата за поморска безбедност и управување со пристаништа (УПСУЛ), пренесува порталот ЦДМ. Удавеникот, како што се наведува во соопштението, бил извлечен од спасувачкиот чамец САР-5 заедно со екипажот на УПСУЛ и членови на Секторот за гранична полиција.
Претходно синоќа се удави и украинскиот државјанин О.Ј. (36) во морето кај Бар, пренесува порталот Бар инфо. Спасени биле сопругата и детето.
„Семејството на давеникот е спасено, благодарение на холандски државјанин кој скокнал во брановите за да им помогне, а потоа биле испратени во Општата болница во Бар за медицинска помош“, изјавија од полицијата за Радио Бар и Бар Инфо.
УПСУЛ предупреди дека е на сила црвен метеоролошки аларм и предупредување за многу силни ветрови кои создаваат големи бранови и силни струи.
И покрај ова предупредување, на плажите беа забележани капачи кои влегуваат во морето и на тој начин ги ризикуваат своите животи, но и животите на припадниците на службите кои ги спасуваат на многу турбулентен, карпест и непристапен терен.
Вакви и слични ситуации се повторуваат со години и, за жал, резултираат со непотребна загуба на човечки животи, а УПСУЛ ги повикува капачите да бидат многу внимателни во наредните денови за да се избегнат непотребни несреќи и давење, се заклучува во соопштението.
Од УПСУЛ потсетуваат дека граѓаните и туристите можат да се јават и да пријават каква било ризична ситуација на море директно на бесплатниот број 129 или преку мобилната апликација safesea.me.